سيف الدين تنهد و تم طالع: والو غير مجروح
طلع و خلاهم شافو ففراح لي هاد أخيرة حولات تبين راها مامسوقاش مي نطقات ببرود موجهة كلامها لادم
فراح: راه ضرب ليديه بموس واخا طلع لعندو
هنا كولشي نطق: كفااااش
ديك ساعة ادم طلع كيجري لعندو، فراح شافت فيهم بانو ليها مصدومين تاهي تصدمات كتر منهم فاش شافتو ضرب ليديه
نطقات أحلام بخوف: سيف الدين كان يتعصب تا يعيا و يدير اي حاجة يخطر على بالك مي ماعمرو ضرب ليديه ولا خلا فيه شي إمارة من غير ضربات لي جاوه الى كان مطايف و ضربو شي حد اما باش هو يضرب ليدو فراه هادشي عمرو كان
نادية نطقات و عينيها دازو بدموع: لا هادشي ما بقاش عاجبني اش اربي هاد ابتلاء لي بليتينا بيه و ياله كنا بيخير اربي
عمر جر نادية و نطق: زيدي ترتاحي و ديريها فيد الله ما عندنا مانديرو
دخلو نادية و عمر و نطقات إسراء موجهة هضرتها لأحلام
إسراء: دخليها ا أحلام انمشي نسخن ليها لغدا باش تاكول شو كي ولات صفرة
فراح بنفي: و الله ما بغيت
إسراء : بزز منك سيري هانا جاية
أحلام جرات فراح و إسراء مشات دخلات لكوزينة تسخن ليها لغدا
أدم دخل على سيف الدين لقاه متكي على كرشو و ماهواش هنا مغمض عينيه بتعب ادم تنهد مشا لحمام جاب علبة إسعافات و جا لعندو حيد ليه زيف شاف جرحة بانت ليه ماغرقاش بزاااف تنهد و بدا كيداويها ليه سالا و حل سيف الدين عينيه و نطق
سيف الدين: لحمي هدا كون غير خديتي إذن لا
أدم جلس حداه و نطق: اش هاد لحالة انمي درتي فراسك صافي عجبك لحال
سيف الدين: خاصني شي لعبة نبين بيها راني ما داير والو
ادم : كان عليك تسجلها و هي كتعتارف
سيف الدين: فيناهي دبا نيت من داك نهار ما لقيتها
ادم : و شنو معمول دبا
سيف الدين : خاصني لقا شي لعبة و سلام و هي راه اتبقا هنا ماغاتمشيش لدار
ادم ضحك ناوي يخرجو من كآبة: هههه هادشي غير واقفين على طلاق و كتسمع ليك شي نهار لقاك منعسها حداك
سيف الدين تنهد و خشا راسو فلمخدة و نطق بتعب: نت ماعارفش فراح اش كتسوى بالنسبة ليا هانت غير لبيت لي ماكايناش فيه شوف حالتو اعطيك لخبار عالم الله حياتي اأدم
أدم نطق بحزن: اوى صبر ما عندك ما دير ماشفتيش ختك راه قالت لواليدة كبيلة راه جايين غدا ناس إخطبو
سيف الدين حيد وجهو من مخدة و نطق: علاش كنحس بيلي أحلام مخبية شي حاجة لي عارف و متأكد ما غتعجبنيش
ادم : تانا مي غدا انعرفو كولشي
سيف الدين: ان شاء الله خرج و سد معاك لباب و متنساش هز ميكات ديال فريز راه فتلاجة هبطهم ليها الى عطيتهم ليها انا ماغتبغيش
أدم ضحك : هههه فكرتوني فلفيلم ديال عشق الممنوع
سيف الدين: قو*د
ادم خرج كيضحك دار داكشي لي قال ليه سيف الدين و هبط عطاهم لفراح لي لقاها كتعشا و طلع نعس و سيف الدين ديك ساعة نعس و هو مرخي
🌞أصبحنا و أصبح الملك لله 🌞
كانت دار مرونة و تاحد ما عندو لخاطر كولشي كيوجد لهاد لعريس لغفلة كانت أحلام فبيتها لابسة قفطان جوهرة بلحزام ديالو طالقة شعرها و دايرة ميكاب خفيف ملامح ديالها فيهم غير لحزن و لا غير و كدلك فراح لي حداها كانت لابسة قفطان جوهرة فلبيض دايرة زيفها فبلونكاسي
دخلات عليهم إسراء لي كانت لابسة تاهي جوهرة فلگري و زيف فلكحل و ميكاب خفيف
إسراء: حبيبتي قالت ليك خالتي واش قربو
و ياله اتنطق أحلام تا سمعو صونيط
فراح: هاهما جاو
خرجو لبنات خلاو أحلام بوحدها وقفو حدا لباب كيبان ليهم عمر واقف مستقبلهم دخل راجل كبير شوية و لابس كلاص كان شعرو مغطيه شيب مي باين فوجهو وقار وحداه لمرأة كانت لابسة جلابة شيكي و طالقة شعرها قصير لي صابغاه و كلها مزرزرة دهب و ماعاجباها تاحاجة و عاد دخل أخ كان هاز لورد لي غير شافتو إسراء و فراح سرطو ريقهم ياله اتزيد خطوة إسراء شداتها فراح
إسراء بعصبية: اش كيدير هاد زا*مل هنا
فراح بتوتر لا يسمعها شي حد: وا بحالي بحالك مي تبتي اتشوهينا
إسراء كانت واقفة على شوك دخلو ناس و جلسو معاهم نادية و عمر و ياله أيدخلو لبنات صونا لباب مشاو يحلو تا كيتصدمو بتلاتي سرطو ريقهم و نطقات إسراء دغية
إسراء: جيتو ااا بغيت نقصد جيتو بكري
أدم نطق بشك: علاش كنحس بشي حاجة اتوقع ماشي تال لهيه
إسراء: ههه لا والو دخلو
دخلو دراري يوسف نطق موجه هضرتو لبنات: فبيتها
فراح اومأت ليه و دخلات بلا ماتشوف فسيف الدين لي كان هو عينيه غير عليها صافي ماحيدهمش و تا يوسف نساحب متوجه لعند أحلام
ياله ايدخلو تا نطقات إسراء بتوتر: إرحم بوكم الى ما غير تبتو سمعتوني ياكو
ادم عقد غوباشتو و سيف الدين كتر
ادم : اش وااقع
إسراء بتردد نطقات و بزربة: ياسين هو لي جاي يخطب
أدم بعصبية: كفااااش واش هاد أخت جهلات
إسراء شدات ليه فليديه: اويلي سكت بلا شوهة اش فيها لا هي بغاتو واخا ما فيه ما يتبغا وجهو كي لخرى
ادم خبطها ففمها: صلحي نمك
إسراء شافت فسيف الدين ليعاقدهم و رمشات: احم ماقصدتش مهم دخلو دبا تال من بعد و نفهمو كولشي
دخلو و عينيهم مشات ديريكت لعندو لي غير شافهم بتاسم بإستهزاء تاهما ماعبروهش جلسو بلا ما يسلمو عليه
نطق عمر بإبتسامة: هادو ولادي و هادو عيالاتهم
أب ياسين: تبارك الله الله إخليهم ليك
جميع امين
سيف الدين بدا كيعض على شفايفو و هو كيشوف شوفات لي كدير مامات ياسين ففراح تزيد شوفة وحدة ينوض إفرعها كون كانو شوفاتها قرطاس كون بااق الله إرحمها تلفتو لعندو ملي سمعوه نطق
بابات ياسين: احم سي عمر نت عارفنا ليوما لاش جينا حنا جايين طالبين ليدين بنتك لولدنا
عمر بابتسامة: على لقاو حسن منك
نطقات مامات ياسين بتكبر: امم راه باينة احم هيهيهي عيطو نشوفو لعروسة
نادية كون لقات تنوض ليها تريشها من جوج زغيبات شافت فإسراء و نطقات: نوضي ابنتي جيبيها الله إرضي عليك
إسراء بإبتسامة: واخا
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
