قصة بالدارجة المغربية🌹تحت عنوان🌹:#مصير عاشقين🔞

💞📝 بارت 49 📝💞

غير سمعات لباب تسد تنفسات إرتياح ملي هبطات و هي حابسة نفس خافتو لا يدخل عليها ضارت لعند أحلام لقاتها مربعة رجليها و ليديها فوق ناموسية و كتسناها دوي
فراح: واخا غنعاود ليك اصبري
أحلام دارت ليها بلاصة: ياله دغيا كنسمع
فراح: دبا ملي طلعنا بقا كيغوت زعما علاش وافقت و تانا ماشي من عاكزين بقيت عليهم مستحيل نكونو لبعضياتنا
أحلام قاطعاتها: مقتلكش ملي قلتيها ليه
فراح شافت فيها شوفة ديال من نيتك
أحلام بتاسمات : هيهيهي لا بقا حية مهم كملي
فراح: اوى صافي جبتها افراسي بديك لهضرة زوينة تا كان غ غ غيغتصبني
أحلام خرجات عينيها على جهدهم: وقفي وقفي دغيا
فراح تخلعات و وقفات
أحلام: تمشاي دغيا افراح تمشاي
فراح كتمشا مخلوعة
أحلام : صافي غير اجي متقبكش
فراح حنا وسعات عينيها بصدمة و حشمة و كولشي: اااحلام
أحلام: وا مالي غير بغيت نتحقق
شافت فيها كتشوف فيها كون لقاتها كون ناضت كلاتها: اوووف صافي كملي
فراح: واخا اوى صافي ماغتصبنيش فأخر لحظة و ماخلانيش نهبط بدوك لحوايج داكشي علاش نعست لفوق اوى صافي هدا ماكان
أحلام صغرات فيها عويناتها : و مالكي فكتفك
فراح عينيها غرغرو و حطات تريكو : حيدي لفاصمة و شوفي
أحلام تاهي ماشي من عاگزين بدات كتحيد ليها فلفاصمة: اويلي ياكما حرقك راه إديرها لمسخوط
غير حيداتها شهقات بصدمة
فراح: شتيه اش دار دبا كيف غندير نحيدها راه حرام مغدوزش ليا صلاة و صيام
أحلام ماهياش هنا : ناااري اصحبتي جاتك زوينة
فراح بقوة شمتة لي دارت ليها ضرباتها فكتفها: راني داوية معاك
أحلام هزات تيليفونها: بلاتي افراح نصورها ليك و ديك ساعة دوي معايا
و داكشي لي دارت صوراتها ليها و رجعات ليها لفاصمة
أحلام: هاكي شوفي
فراح خداتها من عندها و بقات كتشوف فيها وهي تهز عويناتها فأحلام: صرااحة زوينة و صيبها بطريقة واعرة مي رااه حراام ا أحلام
أحلام خدات من عندها تيلي و بدات كتلبسها حيت هي تعنكشات: متافقة معاك افراح هي حرام مي واش نتي لي درتيها يعني واش نتي لي رضيتي دريها
فراح حركات راسها: لا انا مبغيتهاش
أحلام: اوى شتي راه ماغديش دي نتي ذنوب حيت هو دارها ليك بلا لعلم ديالك
فراح كتشوف فيها بلهفة بحال شي درية صغيرة كتسنى فشي حد إعطيها لحلوة: حلفي يعني انا مقبولة ليا صلاتي
أحلام بإطمئنان: اه ان شاء الله كولشي عند ربي كبير
فراح: بصح عندك لحق
بقاو ساكتين شوية و فراح ساهية تا نطقات بصوت فيه واحد لمعة
فراح: أحلام إمكن سيف الدين بصح كيبغيني
أحلام بعصبية: هاااء على هدشي كلو و يله أتعرفيها
فراح: معرفتش كان فلول كيبان ليا كيبغيني مي دغيا كيتقلب و لكن لبارح بان ليا بصح كيبغيني
أحلام: لا سيف الدين ماشي غير دغيا كيتقلب راه ديك ساعة كيكون مقلوب من عند ربي
فراح سهات
أحلام شافتها هكاك و نطقات: واش نتي مكتبغيهش
فراح شافت فيها كانو عينيها مغرغرين: كنت فلول معرفاش مي دبا إمكن كنبغيه الى كان لحب هو نحس بالأمان ملي نكون معاه و هو ملي تضاق بيا دنيا يبان ليا اهو و زيد عليها ملي كنشوفو قلبي كيبدا يضرب بزربة فراه اه كنبغيه
ياله اتجاوبها أحلام تا كانت نادية دقات و حلات لباب
نادية: صباح لخير البنات
أحلام و فراح: صباح نور
نادية بإبتسامة: نوضو تفطرو راه لفطور واجد
أحلام: واخا
ناضو ديك ساعة حيت كانو لابسين حوايجهم خرجو و دخلو لبيت كان عمر جالس كيتفرج فتلفازة و لفطور محطوط فوق طبلة ،جلسو لبنات و نادية
عمر لمحهم و نطق: صباح لخير
أحلام و فراح: صباح لخير
عمر شاف فنادية: دراري خرجو مكينينش غير كولي
بدا كيعمر ليهم اتاي و لقهوة و بداو لفطور ديالهم لي أغلب لهضرة كانت بين عمر و أحلام سالاو لفطور و هو ينطق عمر بجدية
عمر: بنتي فراح خالتك نادية دوات مع ماماك لبارح
فراح سرطات ريقها: ا اهاه و اش قالت ليكم
عمر: قالت لينا الى كنتي نتي موافقة معندهاش هي مشكيل
فراح هبطات راسها و مزيرة على ليديها و نادية و احلام كيسمعو بصمت تا عاود نطق
عمر: تا أدم موافق بقا خاصك غير نتي توافقي
أحلام خرجات عينيها: كفاااش
فراح غمضات عينيها و هبطات ليها دمعة و نطقات بعد تردد كبيير: ت تانا موافقة أعمي
عمر حس براسو هو شرير فهاد لحظة حيت هرس قلب ولادو بجوج زائد قلب فراح تفكر هضرة أدم و قال 4 قلوب إذن شكون رابع واش زعما أدم كيبغي شي وحدة
هبطات ليه تاهو دمعة من عينيه و نطق: إن شاء الله بعد غدا الجمعة انديرو خطبة خفيفة أيكون فيها تركاب لخواتم اش بان ليك
فراح صافي دماغها مامعاهاش كتحس غير بقلبها تزير عليها : لي بان ليك ا اعمي
عمر: صافي إن شاء الله غير علمي ماماك
وقفات فراح و تبعاتها أحلام نطقات و هي راسها باقي فلأرض: واخا اعمي احم و الله إعونكم دبا
عمر: واخا ابنتي الله إرضي عليك
فراح بصوت باين عليه لحزن: امين
سالات هضرتها و خرجات تابعاها أحلام
نادية تلفتات عند عمر: يا ويلنا نكونو هدشي لي كنديرو فيه غلاط
عمر تنهد: الله إدير لي فيها ديال خير
نادية : امييين