هاد كلمة بدات طيحات عليها باطل أجا ميسكتها من بكاء كتشوف هي عطاها ربي أخ لي تماناه أي أخت و كيف كيتعامل معاها عارفاه معندوش فلوس مي مع ذالك إلى طلبات شي حاجة إحضرها ليها واخا هو لي صغر منها مي كيتصرف ،تصرفاتو كيدلو على أنه هو كبير هي ربي عطاها نعمة أخ بحالو مي باباها خدا منو ربي هاد نعمة يعني هو فقد واليديه و واخا عندو أسرة ديالو مي فراغ ديال أخ و والدين تا حد مكيعمرو عنقات بدر و كتدعي من قلبها باش عمر علاقة ديالهم تبدل ديما إيبقاو هاكا ( مي واش فنظاركم هاد الأخوة أتبقا الحياة كاملة هادشي لي غادي نعرفوه فالأجزاء تالية😈🥵)
بقات معنقاه و كتبكي و هو كيمسح ليها على شعرها مخاليها على خطرها تا بردات على خطرها و هي تبعد بدات كتمسح دموعها و تا هو معاونها
بدر: دبا اتقولي ليا مالكي شوشتيني عليك
بتاسمات ببلاهة و اومأت ليه راسها بواخا
فراح: أنا كنت ناوية ندير صلاد لعشا و بصدفة سمعت بابا و ماما كيقولو .....
و بدات كتعاود ليه بتفصيل داكشي لي سمعات ختمات كلامها بوالله أبدر ماكنت ناوية نتصنط عليهم
بدر: ششششش صافي لاش حلوف تقت بيك و الله
مي حسابي مع لعربي عند بالو عبد الله ما عندوش راجل لي يتحزم بيه
غير ختم كلامو زير على يديه
فراح غير سلا هضرتو شدات ليه ليديه : متخالينيش ندم حيت عاودت ليك مغادي دير والو سمعتيني
بدر تعصب : واش من نيتك راه كيبتزنا حنا فين غنمشيو و بابا هادي 4 يام ضراه لمعدة و گالس أفدار
فراح كدوز يدياتها رطبين على وجهو: أه بابا الله إشافيه 4 يام و هو مريض مي متنساش 4 يام و نت كتمشي فبلاصو كاينة و لا لا
بدر غادي و كيتهدن: أه بصح كنمشي مي حركة عيانة هاد يامات كولشي كيسول أعلى بابا
فراح: بعدا كتصور غير نص اللهم نص ولا والو فهمتيني
بدر حدر راسو و نطق بنبرة فيها حزن : و لكن معدناش باش انكريو كل شهر الله إياخود فيه الحق
فراح هزات ليه راسو و حركات راسها على شكل لا : كيبقا عمنا أبدر و حنا عمرو قاصنا بالعيب فهمتي يعني يدير لي بغا يدير كيبقا خو بابا و زيد عليها نسيتي فلوس لي كانا كنجمعو ؟؟
بدر خرج عينيه بصدمة منين طاح فبالو دوك فلوس: فراح لا ماشي وقتهم هادوك خبيهم ماشي دبا
فراح حلات ظرف جبدات منو فلوس حسبات 2500 درهم عطاتها لبدر يشدها و ردات داكشي لاخور لظرف و سداتو
خدات من عندو فلوس و نطقات
فراح: وقتهم دبا إلا مصرفناهم دبا إمتى غادي نصرفوهم هادو أنعطيهم لبابا صافي
بدر أومأ براسو: واخا ياله دبا نهبطو تعطلنا
فراح : واخا ياله
هابطين فدروج و تفكرات كفاش تا جمعو هاد فلوس
🎬فلاش باك🎬.
كانت أي فلوس شداتهم من عند شي حد كتخبيهم ولا كانت غادا لافاك كتحيد فلوس مركوب و فلوس ماكلة و كترجعهم لباباها ملي لحظاتو مكيبغيش إشدهم ولات كتخبيهم و بعض مرات كتبقا بجوعها أباش تشيط لفلوس تا نهار قالتها لبدر و لقاتو تاهو كيدير نفس حاجة نهار يدور معاه باه و لا شي حد كيخزن منهم غير هو بعض مرات كيخصر منهم داكشي لاش ولا كيفضل إعطيهم لفراح و تافقو نهار إيجمعو مليون إيعطيوها ليه مي مزال مكملوش مليون وقفو عليهم داكشي علاش فضلو يحيدو منها مبلغ و يخابيو داكشي لاخور باش تا نهار إتزير عبد الله و يعتقوه بيها
🎬أند باك🎬
غير دخلو لدار عيطات ليها ماماها دخلات بيت رجعات ظرف فبلاصتو و دارت فلوس فجيبها مشات عند مها تشوفها أش بغات
فراح: نعم أماما بغيتي شي حاجة
نادية كتغسل يديها: اه أبنتي إرضي عليك حطي لعشا انا عيت
فراح تبسمات تا بانو غمزات دياولها : اهاه هي لولة
بدات كدي فالعشا حطاتو فوق طبلة تجمعو عليه و بداو كياكلو فجو متوتر كل و فاش كيفكر ناضت جابت ليهم فراح غسيل سلات و جمعات طبلة دغيا دوزات على ماعن لقاتهم شي كيتفرج شي كيلعب شي شاد تيلي و شي ساهي
تمشات بخطوات مترددة بزااف فأخير قدمات أمرها لله جلسات حدا باباها و هي تحنحن تا دارو شافو فيها
فراح: احم احم هو ف فصراحة كي شتو
عبد الله : مالكي أحبيبتي كدخلي و تخرجي فالهضرة
فراح توترات و بداات كتحك فيدياتها مع بعضياتها: أنا بغيت ندوي معاكم فواحد موضوع
تقد كل من عبد الله و فاطمة فجلسة و نطقات
فاطمة: كنسمعوك أبنتي
فراح متوترة خلوق : هو فصراحة أنا و الله مقصدت عارفيني مافياش تجسس مي بلا مانقصد كبيلة سمعت هضرتكم
فاطمة غمضات عينيها و عبد الله صغر عينيه بشوية و شاف فيها : إن هضرة
فراح صافي الله إرحمها بديك شوفا ماتت فبلاصتها هي صراحة عمرهم غوتو عليها مي كتحترمهم و كتحشم منهم بزاااف
فراح حدرات راسها : ديال عمي عربي
عبد الله : اهاه إذن عرفتينا أنرحلو ياكي
فراح هزات راسها بإيجاب و خشات يديها فسروال جبدات منهم فلوس مطاتهم لباباها و حطاتهم ليه فيدياتها: هادو دياولك أبابا
عبد الله و فاطمة مصدومين كل تفكيرهم منين جابت هاد مبلغ نطقو دقا وحدة :أش هادشي ومنيت جبتيه
فراح تنهدات بشوية: هدا غير فلوس بابا لي كان كيعطيني أنا و بدر كنا كنجمعوه لبحال هاد نهار لي غادي نحتاجوه فيه
عبد الله عينيه دمعات كيشوف ربي حرمو من حنان أخ مي عطاه بنت ولا أحن منها عطاه بنت و ولد لي يقدر يعول عليهم و إيرضي عليهم و عينيه مغمضين مسح دغيا دمعتو و قال: فراح و بدر الله إيرضي عليكم أنا مفرشكم و مغطيكم برضى و هو يحل دراعو ليهم
هما شافوه حل دراعو تلاحو عليه بجوجهم معنقينو محسوش إمتا هبطو ليهم دموع ب 4 و هي تنقز تا فاطمة : و انا متعنقونيش كولهم ضحكو فعز دموعهم و عنقوها معاهم
يتبع ..✏️
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
Fiction générale🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
