ادم مشا بحالاتو و رجعات هي لبيت نعاس شعلات تلفازة و بقات كدوز فيها ملقات والو و ناضت ملي تفكرات راه نسات لماعن مغسلاتهمش حطات بيجامتها و بقات بشورط باش تشقا على خاطرها طلقات موسيقا بشوية و بدات كتغسل ماعن مشات جمعات بلاصة ديال ادم و رجعات لبيت نعاس جمعاتو و هزات حوايج لي خاصهم إتصبنو لماكينة صابون لاحتهم فيها و بقات ملاهية مع تيلي تا وصلات 10:30و لبسات بيجامتها و صيبات شعرها و هبطات لتحت (تا قدام عمر مكديروش حيت نادية قالت ليها واحد نهار اخودي راحتك حسبيه بحال باك و فيما تشوفها دايرها كتعرفها كتحشم و كتحيدو ليها)
مهم هبطات مع دروج لقات كولشي باقي ناعس و هي جاها لملال مشات لكوزينا و سخنات لما و حطات دقيق و بدات كتعجن عجنات لخبز و لمسمن بدات كتسمن فيه تا كدخل نادية مقلوبة بنعاس فيقها اتقرقيب
نادية: صباح لخير ابنتي
فراح بابتسامة : صباح لخير اخالتي
نادية: كون غير تسنيتيني ابنتي تانفيق
فراح : لا عادي اخالتي ما فيها والو
نادية : الله إرضي عليك
فراح هازا مقلة: امين
كملات فراح شغلها و نادية تاهيا بدات كتعمر فاتاي و لقهوة ،سالاو توجاد و بداو كيحطو لفطور فصالون تا فاقت أحلام و عمر عاد بداو كيفطرو سالاو لفطور و ناضت نادية لبيتها تجمعو و عمر خرج لمحال و أحلام كتغسل فلماعن و فراح جالسة حداها
أحلام: ماقريتيش ليوما
فراح حاطا ليديها على حنكها: لا و نتي
أحلام هزات كتافها: انا لي مبغيتش نمشي
فراح: الى كانت حصة ماشي مهمة بلاش
أحلام: فراح بغيت نخرج نشري شي تويشيات تمشي معايا
فراح: اممم تا نشوف
أحلام شافت فيها بترجي: عااافاك
فراح كتفكر: صافي ان شاء الله تا ادم مغيجيش بكري صافي نمشيو
سكتات شوية و كملات كلامها: اجي اش دارت صكعة ديال مريم
أحلام تنهدات: ويلي طارت تا عيات و طاح حبها فيه و هو واخا تبقا هي لخرة و الله لا داها فيها
فراح : صراحة هو دار فيها خير غير حيت بقا فيها لولد مي راه حنين غير نهار تمشي تماك تخدم قوالبها
أحلام: راه ولد عمك عفريت مقدات فيه والو
فراح : دبا تشوفي اتقدي فيه
احلام تنهدات: ويلي نسيت اسكتي انا تبعني صابون
فراح وقفات قافزة: ويلي انا راني نسيتو لفوق انطلع دغيا نشوف
أحلام : بسم الله عليك خلعتيني
فراح مجوباتهاش طلعات كتجري فدروج و صوت خلخال كيتسمع دخلات و مشات بانت ليها ماكينة سكتات جبدات منها لحوايج دارتهم فشبكة و خرجات بعد ما سدات لباب طالعة فدروج وصلات لطبقة ديال سيف الدين بقات كتشوف فيها للحظة تفكرات گاع لحظات ديالهم مي دغيا فاقت من سهوتها و طلعات مكملة دروج وصلات لسطح حلاتو و هو يضرب فيها شعا ديال شمس دخلات و خلات لباب مردود و بدات كتنشر
لتحت تسمع لفران ديال موطور تي ماكس فلخضر كان فوق منو شخص لابس سروال كحل و جاكيطا كوير كحلة و فيها لبيض و نفس شئ بالنسبة لسبرديلا كان داير لكاسك ما كيبان فيه والو من غير عينيه لكحلين هبط بعدما حيد لكاسك و بان ملامح ديالو لي كيبان عليهم إرهاق نيييت تحت عينيه زرق و لحية لي منقصهاش و عينيه لي حمرين بقوة لعيا تماشا بخطواتو لباب دار حلو بساروت و تم طالع فدروج حمد الله حيت ما تلاقا مع تا حد واخا سمع صوت نادية و أحلام مي حاول ميديرش لحس وصل لطبقة ديال أدم بقا واقف شوية كيفكر واش إدق عليها محتاجها بزاااف مي الى كانت ناعسة او الى كانت لتحت شاف تاعيا جمع قبضة ديالو و تم طالع فدروج ياله وصل طبقة ديالو بغا يحل لباب تا كيتسمع صوت باب سطح تخبط عقد غوباشتو حيت بحال إلى تخبط ليه فراسو ضار ممسوقش و بدا كيحل فلباب مي ياله أيدخل و هو يتم طالع فدروج عرفهم لتحت و ايكونو نساو لباب ومافيه لي يدخل و يعاود إسمعو تخبط راه أيحيدو من بلاصتو و يهني لوقت حيت دبا راسو إسمع كلمة وحدة إتفركع
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
