قصة بالدارجة المغربية🌹تحت عنوان🌹:#مصير عاشقين🔞

💞📝 بارت 120📝💞

لتحت كانو تاهما كيوجدو لسيف الدين ما ياكول تا سمعو دقان فلباب مشا عمر يحل لباب تا شافهم بتلاتة كان سيف الدين واقف ليد داير ليها لجبص و شادينها مع عنقو هازينها ليه و رجلو فيها بانضة ماقادرش إتمشا عليها مزيان كان مكالي بأدم لي مشا جابو هو و يوسف
نادية بإبتسامة: دخل دخل اولدي على سلامتك
سيف الدين كتافا فقط باش يبتاسم ليها تم داخل و ادم معاونو تا نطق
سيف الدين: غير طلعني لفوق باغي نرتاح
أدم : واخا زيد
كان غادي و كيقلب عليها بعينيه والو ما بانتش ليه طاحت فبالو حاجة وحدة الى ماكانتش لفوق إبلبلها  عليهم حيت ايكونو خلاوها تخرج ،طلعو حلو لباب و تمو داخلين و مع دخلو مع حلات لباب ديال حمام و خرجات حادرة راسها كتنشف فشعرها سارد كانت ملوية عليها غير فوطة واصلة ليها حد لفخاض هما مع هزو راسهم تصدمو مي ماتكونش بحال صدمة فراح لي جمداات فبلاصتها فبلاصة ما تهرب
سيف الدين عينيه حمااارو كتر من لقياس كون كان صحيح كون هضرة خرى ضور وجهو لعند أدم بان ليه مصدوم عاد عرف اش كاين ضور وجهو و نطق
ادم: استغفر الله
سيف الدين نطق بصوت لي خلاها تفيق من صدمة ديالها: الله انعل ديلموك لما غبري ستري راااسك
فراح ديك ساعة رجعات منين جات دخلات و سدات عليها و بدات كتولول شداتها لبكية شوهة لي وقعات ليها عمرها دارت بحسابها
سيف الدين شاف فأدم و نطق بغضب: صافي غير قو*د نكمل بوحدي
ادم شاف فيه و هو كيرمش بزربة صدمة مزال فيه عمرو شافها فهاد لحالة و قبل ما يدوي نزل عليه سيف الدين بكروشي بليد لي صحيحة
سيف الدين نطق بعصبية : و زااا*مل راه هاديك لي بقيتي كتحنزز فيها راه مرتي
أدم نطق بتوتر: راه ماشفت والو زيد ندخلك و نخرج نقو*د فحالاتي
سيف الدين تنتر منو و نطق: غيييير قو*د نمشي بوحدي
ادم ما سمعش ليه شدو و تم غادي بيه دخلو لبيت نعاس جلسو فوق ناموسية و حط ليه مخدة من مورا ضهرو و نطق
ادم: هاك ها امانتك حداك
كان حط ليه ساك حداه صغير
سيف الدين نطق و هو معصب منظر كبيلة ما تنساتش ليه: هبط و قول ليهم بلا ما يطلعو ليا ماكلة دبا بغيت غير ننعس
اومأ ليه ادم و خرج
تنهد سيف الدين و نتف شعرو بشمتة كيتفكر منظرها كيبغي يجهل شاف تا عيا و حل ساك بليدو هز منو شوكة كانت عامرة شوية حطها و هز واحد لحزام حزم بيه دراعو واخا توعت مي صبر (معلومة هو لگبص دايرو غير من لمرفق لتحت اما لفوق لا) هز شوكة و ضربها فليديه و هو مغمض عينيه سالا و حيد لحزام و رجع راسو لور و عينيه مغمضين
هي برى كانت حاطة ليديها على فمها كاتمة شهقاتها و دموعها دايزيين شافت كولشي هي غير سمعاتهم دخلو لبيت تفكرات راه كينين شي حوايج فلبيت لاخور خرجات كتسلت لبساتهم سمعات لباب تسد عرفات أدم مشا خرجات بغات تشوفو واش خاصاه شي حاجة مي تصعقات ملي شافت داكشي قفزات ملي سمعاتو نطق
سيف الدين بصوت عالي و لكن متقطع نطق: دخلي نتفاهمو دخلي
فراح سرطات ريقها عرفاتو حس بيها دخلات بخطوات بطيئة و حادرة راسها و دموعها ما بغاوش إتحبسو وقفات قدام ناموسية
حل عينيه نايميين و لي ولاو حمرين نطق بزز: اش هاديك لحالة
فراح هزات عويناتها و شافت فيه ببراءة و نطقات: ماكنتش عارفاكم جيتو
سيف الدين كان ملاحظ عينيها لي فيهم دموع شاف فيها مطول شوفة هز ليديه بززز باش قدر يحك نيفو نطق ببحة: مالكي
فراح غير قال ليها هكاك بلا ما تفكر تلاحت لعندو جلسات فوق ركابيه و تخشات فصدرو معنقاه نسات راه سيد مهرس و مفدوع كتافا فقط باش إعض شفايفو بألم هز ليديه بتقالة و حطها على ضهرها و خشا نيفو فعنقها و غمض عينيه كيستنشف عبيرها لي تقطع عليه كيحس براسو صبر بزااااااف على بعادها وهادشي لي كان كيسطيه نطق بعد ماسمع شهقاتها
سيف الدين: مالكي
حركات راسها بنفي و نطقات و هي لا دموع لا خنونة كولشي دايز ماقدراتش تصبر كتشوفو فديك لحالة ليديه هي لخرة ما قدرش اهزها مابقات هاماها لا نسرين لا تاحد فهاد لحظة
نطقات بصوت منغنغ فراح: والو
سيف الدين حل عينيه حط ليديه على كرشها و نطق بصوت خافت: كنت باغيها بنت و تكون بحالك مي تا ولد مزيان
فراح بعدات منو و بدات كتمسح دموعها: ماكنتيش معايا ملي عرفت
سيف الدين غمض عينيه بتقالة و عاود حلهم: نتي لي كنتي بغيتي طلاق
فراح تفكراتها كانت ناسية اي حاجة ما عندهاش علاقة بيهم نطقات بتوتر: و و مزال باغياه
سيف الدين عض على شفايفو بغضب و عصبية ونطق: مزاال هاد لموضوع انتفاهمو عليه من بعد
فراح حدرات راسها و عودات هزاتو ونطقات: هادشي لي كدير ما مزيانش ليك
سيف الدين ها لي ماكيبغيش هو ملي كان كيكمي ما كيبغيهاش تشوفو و لا تهضر على هاد لموضوع و ماعساك دبا لي مشا لشي حاجة كبيرة نطق ببرود
سيف الدين: بقاي بعيدة على هاد لموضوع
نطقات و عينيها مغرغرين: و لكن ما خاصكش تبقى
قطعها سيف الدين بغضب حتا قفزات: غرقت افراح سمعتي فات لفوت انا وليت مدمن على داكشي
فراح دلات شفايفها و نطقات بتوتر: الى د دخلتي لمصحة ا ا
سيف الدين زير ليها على ليديها و نطق :مستحيل سمعتي
دازت ليها دمعة من عينيها من حر الم ديال ليديها و من حر الم ديال هضرتو نطقات و هي كتشوف فيه بحزن
فراح: واخا نطلبها منك انا
سيف الدين رخف ليها من ليديها و عينيه فعينيها كيشوف كمية لحزن لي فيهم نطق بصوت مافيه حياة و عينيه دغيا بان فيهم لحزن بدات كطلع معاه تبويقة
سيف الدين: محتاج ليك بزاااف افراح متخيليش قداش محتاج ليك اه باغي نبعد منو مي ماعرفتش كفاش غرقت فيه و لكن كنحلف ليك الى كنتي فجنبي واخا تقولي ليا رمي راسك فلبحر نرميه غير بقاي فجنبي
سالا هضرتو و عينيه غرغرو هي هضرتو جرحاتها الف مرة شدات ليه وجهو بين ليديها باست ليه راسو بحب بقات مدة حاطة شفايفها على جبهتو و هو فلمقابل غمض عينيه كيحس بشفايفها سخان على جبهتو لي بارد
بعدات منو و شافت فيه و نطقات: ماشي طلاق سبب لي يخليني مانكونش فجنبك تانا كنحلف ليك تا غنبقا فجنبك تا تبعد من هادشي
سيف الدين عنقها و كلمة وحدة لي كضور فدماغو هي طلاق ادن عرفها مصممة على طلاق و مايمكنش تنازل مي عارفها فنفس لوقت كتبغيه تبلوكا فهاد لحظة كتافا فقط باش يغمض عينيه و يسمع قلبها لي كان كيضرب
دازت مدة و فراح گاع لأفكار طاحو ليها فبالها ما عرفات ما دير معاه نطقات بحزن
فراح: سيف
ماجاها تا رد بعدات منو شوية بان ليها ناااعس عرفاتو عيا بجهد حطات ليه راسو على لمخدة و قضاتو هبطات لرجليه حيدات ليه سبرديلا و غطاتو طفات عليه ضو و سدات لباب و تمات غادا بخطواتها ناحية ديال لباب دار
دخلات فراح لعند أحلام لقاتها متكية جلسات حداها و سهات
أحلام : مالكي
فراح بحزن: عيت من هاد لحالة و الله
أحلام تنهدات و نطقات: وليت كنفكر نقولها ليهم باش نرتاحو
فراح بنفي: وياك نخسر معاااك اأحلام و الله
أحلام : راه هادشي بزااف و اصلا لي عصبني كتر نسرين من صباح و هي كتأمر و تنهي ولكن هاد نهار شفتها ما صونات ما سولات على طلاقكم
فراح بخوف: باينة اتكون كتوجد لشي لعيبة ما فيهاش
أحلام تنهدات: من بعد 14 ليوم عرسي من اكتر شخص كنكرهو
فراح : بإمكانك دوي معاه باش يأجل لعرس شوية
أحلام دازت ليها دمعة من عينيها و نطقات: طلبتو تا عيت ما بغاش
فراح عنقاتها: صبري ما عندك ما ديري
أحلام عنقاتها و بعدات كتمسح دموعها نطقات و هي مبتاسمة: شحال باقي ليك و تولدي
فراح بتاسمات حطات ليديها على كرشها و نطقات: قالت ليا طبيبة موحال نقدر نصبر تا نكمل شهر تاسع
أحلام نزلات لعند كرشها و نطقات: يعني حبيب عمتو باغي غير إمتى يخرج
فراح بإبتسامة: هانتي تشوفي يعني غير شي 10 و لا 15 ليوم و نولد عرفتي و الله تا خايفة ندخل نولد و نخرج بلا بيه و لا هو يخرج بلا بيا
أحلام طلعات عندها و شافت فيها بعتاب: اش هادشي كتقولي اصحبتي ماتقوليش هكا ربي غادي يحفضك و يخرجك نتي و ولدك بيخير و على خير
فراح شدات ليها فليديها و نطقات: امييين كنتمنى مي عافاك الى ماخرجتش ولدي فعنقك ربيه بحال ولدك
أحلام خنزرات فيها و نطقات: ناااري فمك لاحسو كلب
فراح بتاسمات و نطقات: راه كولشي ممكن
أحلام عنقاتها: ان شاء الله ما يوقع ليك والو ماتخافيش
بتاسمات ليها فراح و بعدات منها و بقاو هكاك كلمة مني كلمة منك تا دازو ساعتين و عودات طلعاتو لقاتو فايق ما كلمها ما دواها رجع بحال شخص لي كان فسبيطار تحلف ماشي هو لي كان معنقها هو كبيلة تصرف بلا شعور حيت كان مبوق ولكن ملي صحا رجع لبرود ديالو ناوي يعقبها و صافي هي شافت هاد لحالة بقا فيها لحال بزاااف بغات تمشي و تخليه و لكن كتشوفو بصح لاعقها داكشي لاش صبرات بقات معاه تا جا ليل و ناضت و نطقات
فراح : احم انا راه غنعس و الى حتاجيتي شي حاجة صوني ليا فتيلي
هو هنا عقد حواجبو بإستغراب من ديك صوني ليا ادن ما غتنعسش معاه لا تال هادي مستحيل إصبر عليها هو بعيد عليها و بزز صبر راسو و اش نقولو دبا لي قدامو و مناعساش حداه مي واخا هكاك ما نطق بتا كلمة و تا عينيه ما شافش فيها هي شافت تا عيات عينيها غرغرو تنهدات مشات لبلاكار و هزات جوج مانطات و خرجات سمحات تا فمخدتها حيت متكي عليها مشات لبيت لاخور فرشات دوك جوج مانطات فأرض دارتهم على حساب جوج أشخاص خدات مخدة من فوق فوطوي حطاتها فلوسط و جرات مانطة محطوطة تماك تغطات و تكات مابغاتش تنعس فوق فوطوي غادي تعدب تا ناموسية و كتعنكش فيها و دارت بحساب جوج بلايص باش تاخود راحتها مزيان بقات مدة و هي كتفكر فحالتها و غير ساهية تا جاها نعاس هزات تيلي ديالها شافت شحال ساعة و نعسات(اه تيلي كان جابو ليها سيف الدين حيت كيما كنتو عاقلين كان هرسو ليها فلقهوة اوى قبل ما يسافر خلاه ليها عند ادم )
هو كان مغمض عينيه و 100 فكرة كضرب ليه فدماغو شاف تاعيا و هو يتماطا لكوافوزة خدا ساكو حلو خدا منو گارو و بدا كيتكيف و يفكر و دماغو ما حبسش والو شاف تا عيا ناض بشوية عليه جلس فطرف ديال ناموسية هز واحد شاسية صغييرة حلها و خوا شوية لغبرة فوق كوافوزة حل مجرها هز لاكارط ديالو و بدا كيسطر بيها سالا و تحنى حاط صبعو على جيهة من نيفو و جيهة لاخرى ستنشق بيه لغبرة و رجع راسو لور و دار نفس لحاجة لجيهة لاخرة مسح نيفو و غمض عينيه و تكا على لكادر ديال ناموسية و نيوفو دازو ليه و هو كيمسح

يتبع...✏️
تخيلو معايا تموت فراح و هي كتولد راني قلت غير تخيلو🙄