قصة بالدارجة المغربية🌹تحت عنوان🌹:#مصير عاشقين🔞

💞📝 بارت 69📝💞

فراح هنا عينيها غرغرو و بدات كتشوف فيها بخوف: أحلام نتي عرفاني ياكي مستحيل نديرها و الله
أحلام شافت فيها بتساؤل :اش أديري
فراح شافت فيها و دموعها دايزين: أحلام عافاك غدا ياله معايا عند طبيبة خرى رراه مستحيل هادشي
أحلام شافت فيها خايفة و متوترة شدات ليها فليدها و شافت فيها بتقة: هانتي بشوية عليك علاش بغيتي تمشي عند طبيبة خرى واش لاخرى قالت ليك شي حاجة فشكل
فراح هزات راسها بإيجاب و عينيها مزگاوش من دموع
أحلام شافت فيها بخوف: اش قالت ليك اش واقع
فراح غمضات عينيها و عودات حلاتهم و نطقات بتوتر: قالت ل ليا ا انا حاملة
أحلام عينيها مرمشاتش بيهم مستوعباتش اش سمعات عند بالها غير كتخيل
أحلام بجدية: ماشي وقت ضحك
فراح هنا عرفات راه مشات فيها : راه و الله مكنضحك
شافت فأحلام لي حلات فمها و كملات كلامها و عينيها مزگاوش من دموع: عرفتي راه شفتو بعيني و سمعت قلبو تاهوا
أحلام: فراااح واش داوية من نيتك
فراح هزات راسها بإيجاب: راه و الله عمري نعست مع شي حد بزز باش قنعتها متقولهاش ليكم و قلت ليها بغيت نديرها مفاجئة لراجلي
أحلام نتفات راسها: مايمكنش و شحال عندك
فراح حطات ليديها على كرشها: شهرين و شي حاجة معرفاتش بضبط سولاتني غير شحال مجاتنيش ليغيگل
أحلام متفهماتش ليها: فراح بيناتنا ياكي راكي ماشي كنشك فيك غير هادشي مكيدخلش لعقل واش عمرك وقعات بينك و بين أدم ولا سيف الدين شي حاجة
فراح خرجات عينها: حرااام عليك واش معرفانيش راه و الله عمري وقعات بيناتنا شي حاجة راه أدم مكينعسش هنا و سيف الدين عمري نعست فدارو ولا حداه
أحلام تلفات وقفات كتمشي و تجي: هانتي دبا نتي مغتقولي تاحجة ياكي حيت هادشي ايجيب ليك اشوهة و اول واحد إقدر إقتلك الى ساق لخبار هو سيف الدين مهم راه تقدر تكون طبيبة غالطة غدا ان شاء الله ملي غنوصلو مريم لمطار غنمشيو لعند طبيبة نسائية تفقنا
فراح اومأت ليها راسها: اه صافي و أصلا منقدر نقول والو مي الى كانت بصح اأحلام راه نتاحر كفاش انا حاملة و عمري نعست مع شي حد راه مستحيل
أحلام عنقاتها: متخافيش غالقاو حل إن شاء الله غير هدشي إبقا بيناتنا متقولي لتاحد واخا إسراء صافي
فراح اومات ليها راسها و أحلام تمات خارجة تا وقفات فم لباب شافت فيها و نطقات
أحلام: فراح مشهية شي حاجة
فراح شافت فيها شوفة ديال مستحيل نكون حاملة
أحلام فهماتها مي طمرات: متخفيش غير واش مشهية شي حاجة
فراح شافت فيها و سرطات ريقها لي داز: بغيت لحامض ولا ليمون يكون حامض ماشي حلو
أحلام شافت فيها بإبتسامة لي مخبية بزااف لخوف هنا تأكدات بيلي بصح حاملة: واخا انسيفطو ليك مع أدم صافي
فراح اومأت ليها و تكات و أحلام هابطة و كتخمم فهاد موصيبة لي نزلات ليهم على راسهم
مشات لكوزينا هزات حامضة وحدة و ربعة ليمونات دارتهم فطبسيل مع موس و هزات شي ليمونات اخرين عصراتهم ليها و مدارتش فيهم سكر باش إجيها حامض خوات لعصير فكاس و حطاتو فبلاطو مع طبسيل ياله جات تخرج تا كيبان ليها أدم وقف عليها
أحلام مدات ليه بلاطو: هكا دي هدا لفراح راه مزيان ليها ليمون
أدم ياله بغا يهز كاس إدوق منو تا خطفات ليه أحلام بلاطو
أدم: واتي راه بغينا غير ندوقوه
أحلام خنزرات فيه: تا تمرض و نديرو ليك تانتي
أدم شاف فيها شوفة ديال من نيتك: فمك لاحسو كلب دبا بلاتي ليمون فهمناه و حامضة لاش
أحلام ماتخافوش عليها عارفة بلاناتها: ياااه راه باين لاش راه مزيان لقلب و كيحيد سخفة، دبا من هادشي كلو غادي طلعو ليها ولا نطلعو انا
أدم خداه من عندها : اريه انا نطلعو الى طلعتي نتي اجا ميهبطك
عطاتو ليه أحلام و رجعات تجمع روينة لي دارت و كطلب من ربي يدوز هاد الأيام على خير