قصة بالدارجة المغربية🌹تحت عنوان🌹:#مصير عاشقين🔞

💞📝 بارت 52 📝💞

انادية: اريها اأحلام حداي
و داكشي لي كان مشات فراح حدا نادية جالسة و راسها مهبطاه
هزات ليها نادية راسها و نطقات: مشاء الله جيتي زوينة
فراح نطقات بصوت متقطع: ش شكرا أخالتي
عمر: و باركة انادية على درية حشمتيها
نادية ضحكات: هههه بيني و بين مرت ولدي
فراح هاد لكلمة بضبط  تمنات فهاد لحظة كون كانت على سيف الدين فاقت من سهوتها على صوت عمر
عمر: بنتي فراح اش باليك واش قابلة تكوني مرت ولدي ادم على سنة الله و رسوله
فراح بقات لثواني ساكتة تا جات صورة ديال باباها قدام عينيها و هي تنطق بصوت باكي: قاابلة
تعالات صوت زغاريت على ديك لكلمة
عمر: إوى الله إكمل بلخير نقراو الفاتحة
بداو كيقراو لفاتحة مجموعين تا سلاو و نطقات نادية
نادية: اجي ا أدم هنا باش تركبو لخواتم
أدم حدو حرك راسو بالإيجاب و ناض جلس حداها

يوسف كان گالس و كيشوف فصمت تا كيسمع تيلي ديالو كيصوني وقف و خرج مشا جيهة لبيت غير شاف شكون سرط ريقو و نطق
يوسف: ياله صباح عليك الحال
جاوب فتيلي و نطق: الو
سيف الدين نطق ببرود: فينك
يوسف :علاش
على ديك علاش تسمع زغاريت ديال نادية
سيف الدين عقد غوباشتو و نطق: فيينك
يوسف سرط ريقو و نطق و لي ليها ليها: فدار فراح
سيف الدين نطق تحت سنانو: علاااش
يوسف: احم  هو بصراحة
سيف الدين: وا طلقنا ألقلا*وي
يوسف نطق بزربة: ليوما خطبة و تركاب لخواتم
سيف الدين عينيه حمارو و نطق بصوت باين عليه عصبية مي فنفس لوقت خافت: ديالمن
يوسف: ديال ف فراح و أدم
متسناهش إيجاوبو كان سيد كيتسناه غير إنطق بيها و قطع خرج من شومبر ديالو معصب و كل خطوة كيدير فيها جوج وصل لموطور ديالو و كسيرا بلا عقل باغي غير إمتى يوصل
يوسف رجع تيلي لجيبو و نطق: ناري قود*توها
وتم داخل لعندهم لصالون

هما لي غير خرج يوسف بداو تركاب لخواتم شربو بعضياتهم لحليب و تمر مع بعض تصاور من طرف إيمان، ياله أيقطعو لاطاغت لي متكونة من جوج طوابق جابوها معاهم، هو يتم داخل يوسف مدار هاه لا هاه مشا ديريكت  جلس حدا لبلاصة لي كان جالس فيها أدم تساناه تا قطعوها و وكلو بعضياتهم و جلسو و هو يهبط راسو حدا ودن ادم و نطق
يوسف: سيف الدين جاي
أدم ضار لعند يوسف و خرج عينيه: لاش قلتيها ليه
يوسف: سمع زغاريت
أدم مسح على شعرو : اوووف
يوسف شاف فيه و نطق: قود*توها
أدم شاف فيه شوفا ديال واش من نيتك: لا قود*ناهااا
يوسف سرط ريقو ملي ستوعب لأمر و رجع شاف قدامو فنادية و عمر لي هاد  أخير نطق و هو ما علابالوش
عمر: إن شاء الله من هنا لسيمانة نهار الجمعة بضبط يكون لعقد أش بان ليك أختي فاطمة
فاطمة بتردد:ماشي زربتو شوية حيت نت عارف خاص بزااف ديال توجاد لعرس
ياله ايدوي عمر تا قاطعو أدم: خالتي فراح مابغاتش لعرس دبا داكشي لاش سيمانة جاية نديرو لعقد و حفلة صغيرة بيناتنا و من هنا نهار تحيدي لبيض إن شاء الله انديرو لعرس أش باليك
فاطمة كتشوف فيه بفرحة: الله إرضي عليك أولدي ما خليتي لبا منقول
أدم : امين
ضور راسو شاف ففراح لقاها كتشوف فيه شوفة ديال شكر حيت دار بكلامها
نطقات بصوت خافت قدر إميزو غير هو: شكرا
أدم بإبتسامة: مابيناتناش
على هاد لكلمة أخيرة تسمع صوت تيليفون كلهم ضارو لمصدر صوت لقاوه عند أحلام
أحلام هزات تيليفونها غير شافت شكون بلعات ريقها و رجعات كتشوف فيهم كلهم كيشوفو فيها بفضول نطقات بصوت عادي: هيهيهي غير صاحبتي أنوض ندوي معاها
و بلا متسناهم إيجاوبوها خرجات و خلاتهم بعدات شوية من صالون و جوبات بصوت خافت
أحلام: ألو
سيف الدين بعصبية: أتقولي لفرااح دباااا طلع لعندي لسطح ولا بربي تا نهبط نحو*ي زا*مل بكم كلكم
أحلام بتوتر : واخا
جات تشوف لقات راسها جاوبات غير ريح بقات كترعد فبلاصتها شافت تا عيات و صونات لأدم
أدم كان كيدوي مع يوسف تا كيصوني ليه تيلي
عمر شاف فيه: نتوما مالكم مع تيليفونات هاد نهار
أدم ماجاوبوش باقي شاد فخاطرو من جيهتو حدو ستغرب ملي شاف أحلام لي كتصوني
يوسف بإستغراب: شكون واش سيف الدين
أدم: لا أحلام
يوسف بشك: أحلام
أدم جاوب فتيلي: ألو
أحلام: شوف بلا متعيق قول لفراح دير شي سبة و تخرج لعندي
أدم بإستغراب: علاش
أحلام غلضات صوتها: أتقولي لفرااح دبااا طلع لعندي لسطح ولا بربي تا نهبط نحو*ي زا*مل بوكم كلكم
رجعات لصوتها عادي: هادشي لقال ليا ملي صونا
أدم بتوتر: واخا هايا اتخرج لعندك
قطع معاها و شاف فيوسف
يوسف: أش بغات
أدم: أتقولي لفراااح دبا طلع لعندي لسطح ولا بربي تا نهبط نحو*ي زا*مل بوكم كلكم ، هادشي لي قال ليها
يوسف بلع ريقو : قوليها تنوض دغيا راه إديرها كيدار لاخور
أدم ضار لعند فراح هبط لجيهة ودنها و نطق: خرجي تكلمي لأحلام
فراح شافت فيه و نطقات بصوت خافت: أش بغات
أدم : هو لي بغاك ماشي هي
فراح بإستغراب: شكون
أدم طول فيها شوفة: سيف الدين
فراح شداتها لقوة خرجات عينيها: اااا
أدم : شششش اتفضحينا هانتي ديري سبة بطواليط و طلعي لعندو
فراح بنفي: لائح غادي إقتلني
أدم بتقة: ماتخافيش انا معاك
فراح شافت تاعيات و نطقات: ربي معايا
ناضت تال عند ماماها تحدرات لعند ودنيها و نطقات: ماما عرفاني منقدرش نأجل صلاة راه غنتوضى و نصلي و نجي صافي
فاطمة شافت فيها: واخا ابنتي امتعطليش باش نحطو لعشا
فراح أومأت ليها بإيجاب و نطقات: واخا
خلاتهم و خرجات بانت ليها أحلام كتمشي و تجي متوترة بحال إلى غتولد
أحلام شافتها مشات كتجري لعندها: تعطلتي ياله طلعي دغيا ليصدق مخلطنا كلنا
فراح بترجي: عافاك ياله طلعي معايا
أحلام بنفي: لاااالا أختي طلعي بوحدك
فراح : ياكي و عقلي عليها
أحلام دخلات غادا لصالون: هاني عاقلة
فراح شافت تاعيات مشات لبيت دخلات هزات ساروت سورتاتو باش لا جات ماماها تقول راه كتصلي تسلتات بشوية و مشات لباب دار حلاتو و لگات ليه جفاف باش ملي تهبط تلقا كيف دخل بلا ميعيقو بيها، دارت تحت من جفاف ساروت ديال بيت حيت بان ليها باب ديال برى مسدود طمأنات و شعلات ضو ديال دروج و تمات طالعا بشوية عليها و صوت صقيل كاين من غير صوت خلخال ديالها لي كيتسمع بان ليها لباب ديال سطاح محلول دخلات و رضاتو شوية بلا متسدو بغات تشعل ضو مي بان ليها ضو ديال زنقة مضوي سطح كلو عاد ضو ديال قمر تماشات بخطوات صغار لجهة لبيت ديال صابون قالت مع راسها أيكون تماك