قصة بالدارجة المغربية🌹تحت عنوان🌹:#مصير عاشقين🔞

💞📝 بارت 111 📝💞

سيف الدين عقد غوباشتو و ادم ما فهم والو
ادم: داوي من نيتك
يوسف: واش وقت تفلية انمي من نهار عرسك و درية تقلبات تقول هزيتي وحدة و حطيتي وحدة خرى
سيف الدين نطق بجدية وبلا دخول و خروج فالهضرة: أحلام قالت لينا ليوم جايينها لخطاب و نادية قبلات
يوسف جاتو صدمة غوت بجهد: كفاااااش
ادم خنزر فسيف الدين: وا صاحبي قولها غير بطريقة زوينة تفهم مشاعيرو
سيف الدين: وا ضروري يعرف يا بطريقة زوينة و لا خايبة نفس لمعنى
يوسف مسكين مصدوم شاف فيهم بحزن: ما كضحكوش ياكو
أدم شاف فيه و نطق: هادشي لي قال كاين
يوسف بعصبية وقف و خبط على طبلة: وا بربي لا كانت لشي زاا*مل واحد خور من غيري سمعتو واش ياله كانت مزيانة و كاتقولو ليا بغات واحد خور واش بغيتو تجهلوني
سيف الدين شاف فيه و نطق: تا انا هادشي مادخلش ليا لدماغي انهضر معاها و نشوف اش واقع
يوسف شاف فيه و نطق: انا لي غادي نهضر معاها فين هي فدار
أدم هز كتافو: خرجات مي اتكون قريبة تجي
يوسف تم خارج رجع هز ساروت هز صبعو بتهديد و نطق: بربي و قالت هاه و لا هاه تا ننحرها و حاجة خرى الى مرجعاتش لدار عرفوها مخطوفة ما كاين ما ولكن
خرج و خلا سيف الدين كيشوف فيه و أدم مصدوم شاف فخوه و نطق
ادم: من نيت هاد ز*بي
سيف الدين: بيناتهم اصلا كون كنت فبلاصتو اندير ما كتر
أدم بسهوة: وأصلا راك درتي ما كتر
سيف الدين شاف فيه: ختي اه نحميها مي هو كيبغيها و عارف مصلاحتها ماشي انا بنت ناس نتحكم فيها و ختي ما نبغيش لي يتحكم فيها هادي لي متكونش
أدم تنهد: و عرفت و لكن إلى ضربها راه ماغنتقبلهاش
سيف الدين جغم من قهوتو و نطق: الى ضربها اتكون كتستاهل سالينا حيت كون تا إسراء دارت ليك هكا راه اتنحرها ماشي غير ضربها
ادم شاف فيه: عندك صح
بقاو دراري مدة ساكتين عاد بداو كيتناقشو

💥فبلاصة أخرى 💥
هبطات من طاكسي بعد ما خلصاتو تنهدات و جمعات لقوة ديالها و دخلات كتقلب بعينيها تا كتلمحهم جالسين فواحد طبلة زيرات على ليديها و تمات داخلة لعندهم غير وصلات جلسات بملامح لبرود نطقات
أحلام: درت داكشي لي قلتو
سمعاتو ضحك إشمأزات منو سمعاتها نطقات ضورات وجهها لعندها
..: مزيان بعدا نص من لخطة غدا مزياان و نص لاخور فين وصل
أحلام شافت فيها و عينيها حمرين بغضب: ما نجحاتش راه ماخليت ما درت اي حاجة طلبتيها مني مي راه مابغاوش إتفارقو ديما كيحلو مشاكيل حيت بكل بساطة كيتيقو فبعضياتهم
سكتات طلعاتها و هبطاتها بإحتقار و نطقات: اصلا واخا يتفارقو عمرو أيشوف فيك انسرين
نسرين بتاسمات بشر و كتشوف فيها: هادشي انا عارفة اش ندير فيه مي لمهم خاصهم يتفارقو و لا راكي عارفة اش ممكن ندير
أحلام زيرات على قبضة ليديها و سكتات تا كتحس بيه هز ليديها باسها ديك ساعة خطفاتها و شافت فيه
أحلام بغضب: اخر مرة اياسين تحاول تقيسني سمعتي
ياسين كيشوف فيها بحب : قلتي لواليديك انجي نخطبك
أحلام بتقزز: اه و راه كيتسناو امتى تجي
ياسين ضحك بشر: مزيااان قرييب ان شاء الله تولي ديالي
أحلام خنزرات فيه و شافت ف نسرين: قولو ليا دغيا لاش عيطتو خاصني نمشي
نسرين شافت فيها بشر و نطقات: كاينة واحد لخطة و خاصها تنفد فأقرب وقت و لي نتي غتعرفي وقت مناسب
أحلام بتوتر نطقات: اشمن خطة
نسرين : سمعي مزيان اول حاجة خاصنا نتهناو من لولد لي فكرشها ما بغيت تا حاجة تربطها بسيف الدين
أحلام ديك ساعة وقفات ضربات طبلة و نطقات بغضب: كولشي نصبر عليه كولشي تال هادشي تحاولي تقيسي لجنين راه انا لي نقتلك و بدم بارد
ياسين شافها فديك لحالة نطق: نسرين حنا تفقنا تفرقيهم اش دخل روح جنين لهضرة
أحلام ضارت لعندو شافت فيه بإشمأزاز و نطقات: اخر واحد يهضر على روح جنين هو نت لي مخلي ولدك و هارب
ياسين شاف فيها بتساؤل : اشمن ولد
أحلام جلسات و نطقات: اووو امكن ما فخباركش مي مريم خليتيها حاملة و لكن لحسن لحظ طاح ليها ربي مابغاهش اعيش حياتو فلعذاب حيت ايكون من دمك
ياسين شاف فيها بعد إهتمام: مزيان اصلا كون كان باقي راه غنتعامل معاه بحال الى ولدي غير هي تحاول تبعد مني
أحلام ضحكات بفقصة سالات و شافت فيه: ههههه شتي هي موحشة فيك سيدة تزوجات و رجلها كيموت عليها و كان مستعد إربي ولدها
ياله اينطق تا قاطعاتو نسرين: شوفي نتي ديري هادشي لي قلت ليك ولا
أحلام وقفات و نطقات: ديري لي عجبك ما بقيتش كنخاف كولشي نصبر ليه تا تقتلي ولدها
ياسين غمز نسرين سرطات ريقها بغضب و نطقات
نسرين: اوكي جلسي نقول ليك لخطة
جلسات أحلام و نسرين بدات كدوي و أحلام عينيها كيوساعو
كملات كلامها نسرين و نطقات : هادشي لي خاصنا نديرو
أحلام خرجات عينيها بصدمة: واش من نيتك واش عارفة الى ساق ليا سيف الدين لخبار اش غادي يدير راه يقتلني ا نسرين
نسرين بخبث: ماتخافيش احبيبتي غير نولي مرت خوك انصالحو معاك
أحلام عضات على شفايفها و نطقات و عينيها مغرغرين: فراح غاتمشي لدارهم غتجلس شي يامات تماك الى كان شي وقت مزيان فراه ايكون هو هاد تلتيام
نسرين بتاسمات: مزياااان فلعشية ندويو و نشرح ليك لخطة مزيااان
أحلام وقفات و ياله اتحرك سمعاتو نطق ملي وقف
ياسين: احلام نوصلك
أحلام شافت فيه بغضب و نطقات: مطلبتكش
نطقاتها و خرجات شيرات لطاكسي و ركبات فيه و هي مرفوعة