قصة بالدارجة المغربية🌹تحت عنوان🌹:#مصير عاشقين🔞

💞📝 بارت 109 📝💞

  خبط ليديه مع لحيط معصب منها و من راسو و من بشار جاب الله سد عليها لباب بقا مدة و ليديه تحت روبيني بعد مدة مشا لحمام دار ليها فاصمة و رجع لبيت نعاس
تكا فبلاصتو غمض عينيه بغا إنعس بقا مدة 5 دقايق و حل عينيه حمرييين تنهد و جرها لعندو خاشي وجهو فعنقها و غمض عينيه كيستنشق ريحتها ديك ساعة نعس اه مقدرش إنعس و هو بعيد عليها و ماشي فحضنها ولفها لدرجة لموت لدرجة فنيد نعاسو و هو عطر ريحتها لي إستنشقو نعس براحة اصلا هو كان بغي يتعطل حيت باش يلقاها ناعسة حيت مابغاش إتحاك معاها و زائد الى جا و هي باقا فايقة ماغيجيه نعاس تاتنعس هي داكشي لاش بقا كيتوخر بحال هكا

🌞أصبحنا و أصبح الملك لله🌞
غير أذن لفجر فاق صلاه و خرج فحالاتو و هو ميت بنعاس مشابعش نعاس
فراح فاقت فصباح ملقاتوش حداها عينيها غرغرو بقا فيها لحال عند بالها ما جاش مي غير شمات ريحتو و شافت حوايجو لي كان لابس لبارح مليوحين تنهدات عرفاتو جا وقفات توضات و صلات رجعات جلسات كتخمم تا كتسمع تيلي ديال دار كيصوني جوبات لقاتها أحلام 
أحلام: الو فراح اش وقع مقدرتش نطلع عندك خفت من صعصع ديالك
فراح تنهدات: اوووف بزااف هادشي والله
نقزات إسراء لي جالسة حدا أحلام: فراح عاودي لينا اش وقع
فراح بدات كتعاود ليهم و دموع فعينيها : اوى هادشي لي كين
إسراء: ولد لحرام شكون هاد زا*مل لي سخن عليه تب*و
فراح نطقات بحزن و عينيها شلال: ما بقاش فيا لحال حيت ضربني و لا حيت دار شوهة لا بقا فيا لحال حيت شك فيا
أحلام نطقات بجدية: انا عارفة سيف الدين راه كولشي يفوتو تال كدوب و خيانة
فراح بحزن: ادن كيشك فيا
إسراء تنهدات: اوووف هبطي بعدا تغداي راك لبارح مامعشياش و ليوم ما فطراش
فراح بحزن: دايرة إضراب ياله
إسراء ضحكات: هههه عن طعام اتي نوضي
فراح نطقات: نخليكم البنات بسلامة
قطعات مع لبنات و رجعات تيلي لبلاصتو و هي جاها ملال و تيلي ديالها ماكاينش راه سيد هرسو و هي مابغاتش تهبط لتحت حيت شافت حنكها فلمراية حمر تنهدات و بدات كتلف فالوقت وصلات سبعة جاها نعاس ديك ساعة تلاحت فناموسية و جو كآبة مخيم عليها نعسات ما فاقت

سيف الدين عوتاتي تا وصلات جوج ليل عاد تم داخل مي هاد لمرة غير طلع فدروج وصل طبقة بانت ليه إسراء واقفة فلباب حيت كانت كتسناه غير بانت ليها لوطو ديالو عيات تطلب أدم إخرج إدوي معاه مي مابغاش خدا منو موقف حيت ضربها ما حملش راسو حيت بقا كيتفرج كون ماشي خوه بربي تا يدير ليه بحال عتمان وكتر ،هي شافت تا عيات و خرجات
إسراء: خويا سيف الدين بغيت غير نقول ليك راه فراح لبارح من لغدا ما كلات و ليوما ما هبطاتش تاكول الى ما كلاتش فدار اذن راه يوماين دبا ماكلات
دخلات و خلاتو واقف و عاقدهم طلع ديك ساعة دخل و عوتاني توجع لكوزينا بان ليه غير كاس واحد لي مغسول لي هو ديال لماء حل تلاجة لقا كولشي باقي كيما هو تا من لفريز لي كتموت عليه ديك ساعة و بلا ميزيد إتسنى دخل لعندها و هو ميت بلعيا جسدي و نفسي بجوج ما مولفش ليه إقطع معاها لهضرة كتر من ساعتين
وقف على راسها و شاف فوجهها لقا اتار ديال صباعو ما تمحاوش زير على ليديه لي مجروحة بحال الى كيحاول يعاقب راسو براسو نطق بنبرة جدية و أمر
سيف الدين: فراح وا فراح فرااح
فراح حلات عينيها دغيا بان ليها واقف على راسها تقادات فلجلسة بدات كتحك فعويناتها بحال درية صغيرة سالات و دلات شفايفها و شافت فيه ببراءة مخلطة مع لحزن
فراح: نعاام
لا بلاتي واش باغا تخرج ليه عقلو بهاد براءة لي فيها راه كتحدهم ليه لعن راسو الف مرة حيت مد ليدو عليها مكرهش كون كان هو ماشي هو باش يقتل راسو و يتهنى شاف فيها بغموض و نطق
سيف الدين: نوضي تحنجري عاد نعسي
فراح رجعات نعسات ما تسوقاتش غطات راسها حيت بصح مقلقة منو : مابغيتش
ديك ساعة قفزاات ملي سمعاتو غوت بأعلى صوتو
سيف الدين: وااانوضييي بلا منخدم ليدي
ديك ساعة تهزات وقفات و تمو خارجين لجيهة كوزينة و هو كيشوف و متعجب ناس كيتخاصمو مع رجال ديالهم و بلعاني يلبسو لي شوميز و لعرى باش يغريوهم و هي لابسة ليه بيجامة ديال ميكي ماوس و باش كملاتها بشعرها لي جمعاه لفوق و كمايم بيجامة لي جاراهم تا شداتهم بين ليديه و زادت براءة ديالها كملات لباقي دبا ربي واش هاد أخت غادي تربي ليه بنتو و لا ولدو كيحس براسو هو لي غيربيهم بجوج مي واخا هكاك عجباتو ببراءة كتبان كشي درية صغيرة قدام باها ماشي راجلها و بالنسبة ليه راه مكتغريهش بلعرى لا راه كتغيره بطفولتها و برائتها
وصلات لكوزينا مشات نيشان لتلاجة هزات لفريز ياله اتحطو تا كتحس بيه جرو ليها شافت فيه بحزن و نطقات
فراح: عطيني فريزي
سيف الدين بملامح باردة: غتاكلي عاد غنعطيه ليك
فراح : عطيه ليا عافاك
سيف الدين تماشا ناحية تلاجة عرفاتو ما غاديش إعطيه ليها عينيها غرغرو كتحس بالحگرة هزات رجليها و بدات كتخبط تا وصلات لكورسي و جلسات تلفت عندها سيف الدين و خنزر فيها
سيف الدين: بغيتي تهبطي عندهم راه دروج متحتاجيش تقبي ليهم صقف
فراح ميقات فيه و رجعات حدرات راسها مافيها لي يتناقش اصلا اعلى سبة و هو شافها هكاك نغزو قلبو مي حالف تا يربيها و يعلمها كفاش تكدب و لا تخبي عليه و واخا ماعارفش لبلان مي تايق فيها و عارفها ما دايرة لا بليديها لا برجليها ،شاف تا عيا و تماشا ناحية ديال بوطة و كأي مغريبي جاه جوع بليل ينوض يصيب BM و لي هي أكلة شهيرة بيض و مطيشة كان فلول بغا يدير سباكيتي مي غير تفكرها كتموت عليها قرر يصيبها ليها ،سالا و حطها قدامها و جاب لخبز مشا لتلاجة بان ليه عصير ليمون ديجا هي نيت مصيباه راه حملها جاها عليه ،داه حطو و جاب  جوج كيسان و جبد لعنب غسلو هو ولفريز حطهم فطبسيل و حطهم تا هما جر كورسي و جلس حداها قطع لخبز و حطو قدامها خوا ليها لعصير حطو قدامها و تال ليه هو و طول هاد لفترة و هما ساكتين و شي ما كايشوف فشي من غير شوفات بنص عين ،تسنى شوية كيشوفها ساهية و مكلاتش نطق بأمر
سيف الدين: كولي
فراح هزات عويناتها دبلانين فعينيه لحمرين عرفاتو كامي اصلا غير من ريحة حدرات راسها بعد ماتنهدات قطعات ندغة غمساتها و كلاتها هز عصير كيشرب منو و كيشوف فيها بنص عين ماباغيش ياكل، فواحد لحظة شاف فيها قطعات ليه فقلبو كيشوف فيها ساهية و ملامح ديالها دبلانين كتحط ندغة ففمها كتبقا فيها عاام اصلا ما كلتها تقيلة مي دبا بزااف گاع باينة فيها كتبزز على راسها خصوصا ملي كتبقا تلعب بصباعها فوق لكاس جمع قبضة ليديه هز لخبز قطع دغمة غمسها و داها ليها جيهة فمها هي ساهية تا كتحس بشي حاجة على فمها نزلات عينيها و عقدات غوباشتها كتر ملي لمحات ليديه كلات دغمة بلا مادوي
سرطاتها و شافت فيه بخوف : مالك فليديك
كانت ياله نتابهات لليديه لي فيها فاصمة مع فليمن بسيف ما تشوفها و هو كيوكلها
سيف الدين ما شافش فيها نطق بجدية و هو ماد ليها تاكول : جرحتها دبا و مشفتهاش
فراح شافت فيه بخوف و قلبها كيضرها : م ماكتوعتكش
سيف الدين غمض عينيه خاصو هو لي يسول هاد سؤال مقادرش إطلع عينيه فيها و هي حنكها حمر هكاك كيجيه تأنيب ضمير و عداب حدو ماجوبهاش و نطق وهو معصب من راسو
سيف الدين: كوولي
فراح سكتات و بدات كتاكول تسالي دغمة يزيدها وحدة خرى بقات هكاك تا سلاتها كلها بلا متحس حط حداها طبسيل ديال ديسير بدات تاهو تنقب منو غير شوية ما رشقاش ليها عليه
سيف الدين نقب منو وقف و وقفها معاه جرها من ليديها داها لحمام حط ليها شيتة سنان فليديها و سنيال و خرج سد لباب
غير خرج هبطات دمعة من عينيها هادشي كيقتلها الف مرة كون غير يقطع معاها لهضرة بمرة و لا هاد معاملة لي كتبين اهتمام ديالو بقات فطواليط تا بكات و فشات خاطرها عاد حكات سنانها و غسلات وجهها باش مايبانش فيها لبكا و خرجات
هو شافها تعطلات بدا كيهز رجليه بتوتر بغا ينوض عندها مي مازاعمش شاف تا عيا و تبت و غمض عينيه
فراح خرجات دخلات لبيت كيبان ليها ناعس فوق ناموسية و مغمض عينيه و عاطيها بضهر تنهدات حمدات الله بعدا مخواش لبيت(بغيتيه إعواج)  حيت راه تموت ليه ما فيهاش راه خوف متملكها بدات كتسوس على عينيها بليدبها باش يبردو من حمورية تقدمات لناموسية نعسات و بقات حالة عينيها و كتقلب دازت ربع ساعة حل عينيه صاعر و ضار لعندها و هو معصب
سيف الدين: فرراااح رصاي
فراح ضارت لعندو و بجوجهم عندهم حاجة مشتاركة بيناتهم لي هي عينين لحمرين هو عينيه حمرين بلعيا بغا ينعس و هي بلبكا ،شاف فيها و عقد حواجبو كتر عرفها لاش تعطلات فالحمام حس بقلبو تشنج نطق و هو معصب
سيف الدين: نعسي افراح نعسي
فراح شافت فيه ببراءة: راه طار و الله نعست كبيلة بزاااف
سيف الدين نتف راسو: فراح راني عيان و ميت بنعاس نعسي خليني نعس
فراح دلات شفايفها بحزن: راه و الله ما فيا غير نعس نت
سيف الدين صعر بالمعقول ناض وقف كيمشي و يجي و ناتف شعرو نطق و هو معصب
سيف الدين: وواااااع كيشكي عليهم بالعگر قالو ليه كدايرين لولاد هي ديالك
شاف ففراح و نطق و هو معصب: واااش باغا تجهليني راك عارفة مزيان منقدرش نعس و نتي مزال مانعستيش داكشي علاش نعسي دبا خليني نراتاح
فراح فلداخل ديالها بتاسمات و اخيرا اتشد عليه شي حاجة تلعب عليه بيها
وقفات و نطقات مصطنعة لحزن: ولكن ما فياش انا انخرج برى و نت نعس باش منبرزطكش
مخلاتوش إستوعب خرجات ديك ساعة مشات لبيت لاخور و سدات عليها لبيت بساروت بتاسمات بحزن و نطقات
فراح: و نشوفو دبا واش تقدر تنعس مرتاح
تماشات ناحية ديال تلفازة خدماتها و جلسات كتحاول ماتفكرش فشي حوايج لي ماكيناش حيت هي خوافة اتمشي ترجع لعندو لا خافت
سيف الدين لي غير شافها خرجات و ستوعب لهضرة زير على ليديه و ياله ايمشي يتبعها تا كيوقف حاول يزير على راسو و يخليها تماك و يشوف واش يحاول ينعس تنهد تنهيدة كبيرة باين فيه مهموم تمشا ناحية ناموسية و تكا فيها بقا مدة كيحاول يضبط افكارو لي هربو ليه هاد ليومين غمض عينيه باش ينعس
دازت ربع ساعة و حل عينيه بعصبية ماقدرش إنعس جاتو ناموسية باردة بلا بيها دفء لي مولفو ما كاينش عيا يشتت تفكيرو لي مستقر غير عليها مي والو ناض جلس و هو كيأفأف و بلا مايزيد يفكر كتر وقف و خرج معصب عندها شاف صالون ما بانتش ليه مشا لبيت لول بان ليه محلول و خاوي تماشا ناحية لبيت تاني بان ليه باب مسدود ضور بواني لقاه مسدود بساروت هنا تعصب دق و نطق بعصبية
سيف الدين: فراااح حلي

يتبع...✏️
فراح مطلعاتش ساهلة🤦