قصة بالدارجة المغربية🌹تحت عنوان🌹:#مصير عاشقين🔞

💞📝 بارت 101📝💞

هو هنا سولها حيت زيف لي دايرة طوييل ماكيبينش ليها شعرها ما عرفش واش عراتو و لا دايرة ليه زيف
هي هنا سرطات ريقها خافتو غير يرجعها و يقول ليها غطيه راه بربي تا يديرها حركات راسها إيجاب مي سمعاتو عاود سولها
سيف الدين مسح على وجهو مابغاش إتعصب: دبا نتي غدخلي لبلاصة عامرة و مخلطة بلا زييف و وجهك مزوق و رجال يزهاو عليك افراح هادشي لي كتقصدي ياك
فراح حنيكاتها حمارو بلحشمة : لا رااه
سيف الدين قاطعها و هو كيحاول إتحكم فراسو: على أقل ابنت ناس كون غير غطيتي شعرك
فراح دلات شفايفها و هي حادرة راسها : راه هادشي غير نهار مافيها باس
شدها من خصرها و نطق بفقصة : لا مافيها باس
حل لوطو و هبطات كوافورة و طلعاتها و عاودات طلعات
كسيرا و تبعو أدم و يوسف لي طول طريق و كلاكسون و غنا و حالة عندك وحدة لي تقولبات هي عائشة كتشوفهم كيغنيو وهي طالعة مع هاد صعصع فلخر نغزات كوافورة و قالت ليها طلقي حلوقك و داكشي لي دارت واخا سيف الدين صدعوه مي صبر
وقفو لوطو قدام قاعة و كلاكصون كانو كولهم واقفين قدام لقاعة و معاهم دقايقيا و هازين دفوع هبطو من لوطو و جاو نگافات ناحية ديال فراح نزلوها و وقفو حداها سيف الدين لي عطاوه لورد و طلقو حلوقه كيصليو على رسول الله و ناس كتصور و حالة مهم نشاط بعينيه و نص فلحضور حالين فمهم فسيف الدين و غالبا بنات خلاتو و عائلة فراح لي تصدمو فيه ،تمو داخلين لباب لقاعة كانت قاعة ملي كدخلي ليها كتلقا طواالة مفرشين فيها زربية فلكحل و راشين لورد و ضواو مغلوقين و باردين كولشي مخلط عاد كتوصلي لقاعة
داخلين و عائلة لعريس هازين دفوع  و دقايقيا خداميين دخلو لقاعة لي كانت كبييرة ،اصلا داكشي لي بغاو حيت عندهم ناس بزاااف
جلسو سيف الدين و فراح فجلسة ديال عرسان و جاو حطو ليهم دفوع قدامهم و دقايقيا مزالين خدامين و لي عندها شي طر*مة كتلوز بيها سكتو دقايقيا و جلسو ناس و بداو لگروب خدامين و هي تم داخلة نقاشة و سيف الدين جالس على نار بانت ليه نادية حداه نغزها تا هبطات و نطق ليها فودنها
سيف الدين: امتى غا نعري ليها وجهها
نادية بإبتسامة: تا تنقش
سيف الدين اومأ ليها و سكت و كيشوف فنقاشة كتنقش ليها شوية عقد غوباشتو ملي بانت ليه هزات ليها قفطان على رجليها تا بانو سيقان دياولها لي كانو بيضين و رجيلاتها حميمرين و ضفار مصبغاهم هز راسو كيسرط ريقو ،ما بان ليه غير حزاق كلو نصهم رجال شاف تا عيا و نطق بصوت لي قدرات تسمعو نقاشة
سيف الدين: ختي واخا تهبطي ليها داك نم على رجليها راه عريتيهم بزااف
نقاشة بتاسمات ليه حيت ماشي اول مرة يوقع معاها بحال هاد موقف هبطات ليها قفطان شوية مي واخا هكااك ما برداتش ليه لقلب
اوى بقات تا سلات ليها نقاشة و هي غير كتشمشم تحنات عند سيف الدين بلا متحس و نطقات
فراح: ريحة ديال دوليو زوييينة
سيف الدين ضحك و نطق: ولا ولا دبا تبوقي ليا هنا
فراح هزات كتفها و نطقات: وراه زوينة والله
سيف الدين بتاسم كيشوف فيها و مرة مرة كيشوف ليها فرجليها و كيرمي عينيه مع ناس لا يكون شي مخلوق ساخطة عليه مو حاضيها