سيف الدين ببرود: اوى هادشي لي وقع
يوسف : نت خطار كنتي اتقتل ليا لمدام
سالا هضرتو و عنق احلام ياله اينطق سيف الدين تا سمعو نطق
إسلام: بابا بغيت نقول ليك داكشي لي قلت ليك كبيلة تال دار
كلهم تلفتو لعندو لقاو گاع لي حداه نعسو بقا غير هو و زياد
نطق يوسف بمزاح: نت مزال فايق
نطق سيف الدين بجدية: قول نسمع
إسلام شاف ففراح هي غير شافتو شاف فيها عرفات راسها قفراتها وقفات و نطقات بتوتر: ااا لا خاصو ينعس تال من بعد
سيف الدين شافها متوترة عرف عوتاني شي بلان بحال ديما نطق بجدية لي خلاتها رجعات جلسات: جلسي
شاف فإسلام و نطق بجدية: اش كاين
إسلام شاف فيه و نطق بجدية: و تواعدني ما تغوتش على راحة قلبك بزاااف ولا ضربها ياكا
سيف الدين هنا عض شفايفو و شاف فيه بعصبية: ااش دار ادم
سيف الدين راه عارف مزيااان اسلام امتى كيتشكا من مو كيتشكا منها الى كان ادم قريب منها ولا بدر راه هو كيغير عليها كتر من سيف الدين(زدت فيه ياكو🙂)
إسلام ببرود بحال ديال سيف الدين: كبيلة عمو باس ماما من جبهتها
هنا فراح سرطات ريقها ولات كتقفقف لا هي لا اسراء عارفاه اينوضها عوتاني و تا ادم عض على شفايفو بتوتر و عصبية من إسلام
سيف الدين جمع ليديه بعصبية نطق بغضب واضح: ادم بربي لا بقات فيك
وقف سيف الدين و ياله ايتقدم لعند ادم لقاه طار عض على شفايفو و نطق بعصبية موجه هضرتو لفراح: دارك دبا
فراح سرطات ريقها شافت فإسلام بعتاب و وقفات تقدمات ناحية دريات ياله تحنات تهز وحدة فيهم حبسات ملي سمعاتو نطق
سيف الدين بجدية : خليهم انا انطلعهم
فراح حدرات راسها و خرجات و تمات طالعة فدروج ديك ساعة تبعها إسلام اما سيف الدين تحنى عند ولادو هزهم بجوج كل وحدة دارها فجنب و تم طالع مخليهم غير كيشوفو
ادم غير شافو طلع خرج من طواليط و تماشا لصالون و دخل: شي نهار غيسكتو ليا لقلب هاد جوج
نطق يوسف و هو كيضحك: ما تفكينا مع واحد زادنا تاني
إسراء : بااز لفراح
احلام نطقات ملي وقفات: يوسف ياله نمشيو
نطقات إسراء بمزاح: بيتك باقي كيف هو نعسي فيه تال غدا و سيري
نطق يوسف بعد ما تاوب: صراحة عندها لحق مافيا لي يسوق دبا
نطقات احلام بعد ما هزات كتافها بلامبالاة: واخا صافي
✨لفوق✨
فراح غير دخلات مشات نيشان لبيتها دخلات و جلسات فوق ناموسية و ليديها حاطاهم على حناكها دخل من موراها وقف قدامها و كيشوف فيها بإستفسار نطق بتساؤل
إسلام: ماما مالكي
فراح شافت فيه ميقات فيه و ناضت لبلاكار كتجبد فحوايجها
إسلام هنا عقد غوباشتو و تزير تماشا لعندها جرها من تريكوها و نطق بحنان: راحة قلبي مالكي
فراح شافت فيه مدة و رجعات شافت قدامها مامسوقاش ليه
هو هنا عينيه غرغرو اه شداتو لبكيا راه يصبر على كولشي تال فراح تقاطعو لهضرة راه كيبغي يموت نطق بحزن: سمحي ليا مي مابغيتوش يبوسك انا بوحدي لي نبوسك
فراح شافت فيه بان ليها ملامح ديالو كلها حزن بقا فيها تنهدات شدات فيه و تمات غادا بيه جيهة ناموسية جلسات و هزاتو جلساتو على فخاضها ونطقات بعتاب: واش عارف ا إسلام يقدر باباك شي نهار يضارب مع عمك غير بسباب لهضرة لي كتقول ليه
اسلام شاف فيها ببراءة و نطق: انا ما باغيهمش اضاربو عمي عزيز عليا مي مابغيتوش إبقا يبوسك
فراح نطقات بحب: راه عمك بحال خويا بدر سمعتي يعني راه انا بحال ختو على نت ما كتبوسش رؤى و رؤيا
نطق إسلام بجدية: كنبوسهم ولكن مابغيت تاحد إيبوسك نتي لا عمي لا خالو بدر و تا بابا ما كنبغيهش ايبوسك بغيت نبوسك انا بوحدي بحال هكا
سالا كلامو و تحنى على حنكها باسها بحب فراح بتاسمات و باستو و ياله اتنطق تا قفزات ملي سمعاتو نطق
هو لي كان واقف فلباب و حضر لهادشي كلو حيت غير طلع حط لبنات و جا لعندهم نطق بجدية و هو عاقدهم
سيف الدين : واشتي زعامة كيف دايرة نوض من تماك نت
إسلام شاف فيه بتحدي ونطق: لا انعس حدا ماما
هنا سيف الدين عقد غوباشتو مادواش تقدم لعندو هزو من ليديه و رجليه و تم غادي بيه خلا فراح مصدومة وصل لبيت دراري لاحو بشوية فوق ناموسية حيد ليه سبرديلا و غطاه و نطق بتهديد
سيف الدين: تنوض من تماك نقطع لمك رجليك
عقد غوباشتو إسلام و نطق بنفخة: ماغسلتش سناني
سيف الدين بجدية: بلاش
إسلام خنزر فيه وقف باسو و باس فراح بإبتسامة رجع لبلاصتو شاف فسيف الدين نطق بنفخة: تصبح على خير بابا
شاف ففراح و نطق بإبتسامة: تصبحي على خير اراحة قلبي
سالا هضرتو و غمض عينيه خلاهم بجوج كيبتاسمو كيشوفو فهاد لمخلوق لي كتر من سيف الدين بلعاني قال ليها راحة قلبي ضد فيه و واخة هكاك سمع هضرة باباه و باسو واخا مقلق حيت هكا رباهم و إسلام راه كيموت على شي حاجة سميتها سيف الدين و تا سيف الدين هكاك حاجة وحدة لي ديما مناقشين عليها هي فراح كل واحد باغيها تجلس حداه كل واحد باغيها توكلو ايه اخ شارف واحد لمغيار منو ما كاين مي تا إسلام قال ليه ما تعرفش
خرجو من البيت سد لباب شد ليها فليديها و تمو غادين لبيت ديالهم دخلو سد لباب و كلاها عليه ليديه فخصرها و ليديها فصدرو نطق بتخنزيرة
سيف الدين: كفاش امدام مابغيتيش تحيدي منك هاد قعيدة اا
نطقات فراح بتوتر: راه غير ادم
نطق سيف الدين بجدية: و حيت ادم افرااح راه شحال من عام كانقول ليك بعدي منهم راه كون لقيتك تبعدي تا من إسلام لي ولدك
فراح ميقات فيه و نطقات بدلال: إسلام مسكين ما فلتش منك فطمتيه قبل من لوقت و تا نهار رضعتو بتخبية داكشي لي درتيه ليا عمري نسيتو
سيف الدين قرب ليها كتر و نطق و عينيه فعينيها: حيت بغيت نرضع غير انا مابغيت حد إتزاحم معايا
نطقات فراح بعد ما سرطات ريقها بحشمة: و علاش لبنات ما درتيش ليهم داكشي لي درتي لإسلام
سيف الدين هز ليديه و بدا كيدوز صبعو على شفايفها نطق بحب: راك قلتيها هادوك بنات هو دري
فراح نطقات بصوت خافت: ولكن
و قبل ما تكمل هضرتها كان تلاح على شفايفها كيقبل فيهم بشوق و لهفة بعد عليها غير يوماين و توحشها بلا قياس حس براسو كان بعيد على روحو و تا هي ماشي قل منو كانت متوحشاه بزاااف
حسات بليديه كتعصر ليها طر*متها فاقت من سهوتها حيت كانت عايشة معاه بدات كدفع فيه هو حس بيها عقد غوباشتو و جر ليها شفتها سفلية تا تجرحات و سال دمها لحسو بلسانو و بعد عليها مخنزر نطق بجدية
سيف الدين: اش كاين
يتبع....✏️
هانتوما شوفو ليك ولد ذيب لاخور🙂
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
Ficción General🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
