قصة بالدارجة المغربية🌹تحت عنوان🌹:#مصير عاشقين🔞

💞📝 بارت 8 📝💞

تا كيلمحو جالس و عاطيه بظهر عرفو غير بلوشام  أما تا فورمتو تبدلات عليه تمشا قاصدو يله وصل عندو تا نطق سيف الدين: تعطلتي ب جوج دقيق 6:02 دبا
خلا يوسف غير حال فمو : باش عرفتيني
وقف سيف و بانت فورمة ديالو لتبدلات على يوسف مظنوش غادي إصحاح بحال هكا تلفت عند يوسف طلعو من رجليه تال شعرو و بتاسم بجنب فمو بالكاد تقدر تشوفها حل دراعو و قال
سيف الدين: أتبقا تعبر فيا ياكما ما توحشتيش عشيرك
يله كملها تلاح عليه يوسف عنقو عناق رجولي طبطب سيف على كتف يوسف
سيف الدين: ربيتي بادر ألبطال
يوسف ضحك: قلا*وي راه نت لي وليتو كيف غول زيانيتي أساط
سيف قهقه بفعل كلمة ديال غول: راه ذيب هدا أولا لا
غير كمل كلامو هز حاجبو
يوسف: مافيهاش شك هادي
سيف بتاسم تا بانو سنانو بيضين و مستفين : ياله نغيروها من هنا
جبد سيف فلوس حطهم فوق طابلة ثمن قهوة لي طلب و تحرك تبعو يوسف و خرجو من قهوة قطعو شانطي تقد يوسف جيهة لوطو حلها
يوسف: ياله ركب
سيف الدين شاف فيه : بصحة مدام
يوسف شاف فيه بملامح كولها تساؤل: مدام
تحرك سيف لجيهة لاخرى باش يركب: كنقصد طونوبيل
يوسف : من نيتك
سيف الدين :من قلا*ويا
متسناهش جاوبو ركب فلوطو يوسف بقا غير كيشوف فهاد مخلوق شاف تاعيا و ركب و كسيرا

🌹عند فراح🌹

كتشوف فالبيت لي مجموع و مسيق هزات سطل ديال جفاف و كراطة و خرجات دازت عند ماماها لصالون لتاهوا كل مهزوز خاصو غير إتسيق حطات سطل و كراطة
فراح: ماما ساليت بيوتة بقا غير صالون و طواليط تامن كوزينة ساليتها
فاطمة: الله إرضي عليك هاني أنا أنجمع هاد خامية مع طلامط و جفي نتي صالون باش غير يجي باباك نحط ليكم تغداو راه مشا لحال
تحنات فراح كتهز فجفاف: واخا ماما غير حيدي من هنا باش ناخود راحتي
فاطمة: واخا هاني
خرجات فاطمة و خلات فراح كتجفف
سلات تجفاف حطات جفاف فسطل و مسحات جبهتها لي كتقطر بلعرق بمرفقها سمعات باب دار تسد مشات تجري تشوف شكون كتلقاه باباها و بدر لي كان  داخلين جابت ليهم كرسي و عيطات لماماها
بدر: عفا ختي لماء
فراح: واخا تسنا
خلاتو و مشات حلات ثلاجة جبدات قرعة باردة و سداتها خرجات فين جالس خوها مشات جيهت واحد كاس جبداتو شلاتو و خوات ليه ماء و عطاتو ليه
فاطمة: أمضرا أش درتي
بدر شرب ما و عطا كاس لفراح لي شداتو و عودات عمراتو مداتو لباباها
فراح: بابا هكا شرب
عبد الله خداه من عندها و شربو
عبد الله : الحمد الله
عطا لكاس لفراح و كمل على هضرتو مشيت عند سمسار و لقا ليا دار لكرا و فدرب سلطان نيت مي كان مولاها طالب غالي
فاطمة قطعاتو : اهاه و أش درتي
عبد الله : ههه أبلاتي مالكي زربانة
فاطمة: ونت الحاج لي كتعاود بشوية
عبد الله جابت ليه ضحكة: هاني ألالة غنكمل صافي خديت نمرة ديال مولاها و درت أنا وياه نتلاقاو
فراح كتسمع لباباها و محولاتش تقاطعو على عكس فاطمة لي جالسة على شوك
فاطمة قطعاتو عوتاني : أيه و إمتى أتلاقاو
هاد مرة بدر مقدرش إحبس ضحكة و تا عبد الله ولا كيضحك : هههههههه و راه قلت ليك زربانة
فاطمة تاهيا ولات كضحك معاهم : هههه و صافي غير قول اش كاين و طلقنا نتغاداو راه فينا جوع
عبد الله سمعها أش قالت و هو يخنزر فيها : ياك قلت ليك يا هاد لمرأة  تغاداو متبقاش بجوع
فاطمة حصلات حصلة ديال معقول مي فمها لي دارها ليها : هيهيهيهي راه معطانيش خاطري ناكل و زماني إبقا بجوع
عبد الله بحال إلا كبيتي عليه ماء مثلج بهاد كلمة برداتو : مممم واخا ألالة
واحد فراح و بدر كيدورو غير فعينيهم و حابسين ضحكة على مهوم لي خرجات راسها بحال شعرة من عجينة
فاطمة: وا كمل لينا إمتى أتلاقاو
عبد الله : راه تلاقينا درنا نتلاقاو نيت فدرب سلطان باش إلى قبل إنقص ليا نشوفو دار إلى عجباتني  نتوكلو على الله صافي تلاقينا و كان سيد الله إعمرو دار صدق ناقص ليا فثمن و عطاني سوارت واخا نسيت مديتش معايا لكارط تاق فيا دخلت شفت دار كانت كبر من هادي و فيها 3 بيوت واحد فيهم كبير شوية و عاد صالون و كوزينة مصلوحة و طواليط مشروكة مع حمام نقدر نقول ليك هدا هو عيب وحيد لي معجبنيش أما مافيها ما يتعاب
فراح تنهدات براحة ملي سمعات هاد هضرة تا كتسمعها نطقات عوتاني
فاطمة: و أشمن طابق كاينة
عبد الله: أصلا دار كلها فيها غير جوج إيطاج حنا فسفلي و فوق منو كينين ناس مي علا حساب مقال ليا سيد قليل فين كيكونو عاد طلعني لسطح كان كبير و فيه بيت ديال صابون محطوطة ماكينة و كين فيه سداري قال ليك لابغيتي حط ماكينة ديالكم و صبنو تماك
فاطمة: إوى الحمد الله ربي مبغاش إخيبنا و إمتى أنمشيو
عبد الله: لي بان ليكم بغيتو تا من دبا يله
فاطمة: من أحسن نمشيو ليوما كيقولو ليل كيستر
تسمعات ضحكة ديال عبد الله : إهديك الله أفاطمة 
كمل كلامو ياله نوضو حطو لينا لغدا باش بيما تسيفطتي مع جيران نكون أنا هزيت رحيل
حركات راسها بإيجاب و ناضت تحط لغدا
تبعاتها فراح حطو لغدا بداو كياكلو بصمت تا سلاو ناض عبد الله إيشوف شي كاميو إيدي ليهم رحيل و فراح و فاطمة و بدر كملو داكشي لي بقا فدار
         

💥فدرب سلطان💥

وقفات لوطو ديالو فدرب هبط منها يوسف و سيف الدين حل لباب حط رجل و تفكر تيلي ضار إهزو و كاع الأعين عليه كولشي كيتسناو شكون هدا لي غادي إنزل من لوطو غير نزل من لوطو كولشي تصدم خصوصا بنات درب كيشوفوه كيفاش تبدل و زيان أما ولاد درب شي عينيه فيهم فرحة حيت رجع و شي محاملوش و شي خايف علاش ميخافوش و ذيب رجع سد باب لوطو و هو عقدهم متعرفش اش تحت راسو مي شعور لي كيحس بيه دبا مكيتوصفش توحش درب ديالو عائلتو كولشي  يله بغا يتمشا تا كيلمح دراري درب جايين عندو وصلو عندو و بداو كيسلمو عليه و يقولو ليه على سلامتك أ ذيب سلم عليهم و هو باقي مخنزر واخا بعض المرات كيبتاسم مي غوباشتو حرام واش يفكها عيالات درب غير كيشوفو مزعموش إسلمو عليه حيت كولشي كيخاف منو و كيحترموه على أساس عندو 50 عام ماشي 26 عام توادع مع ولاد درب و تقدم جيهتو يوسف و تحركو
يوسف: ماكنتش عارفك مشهور
سيف الدين نطق بلا مايشوف فيه:  دور تحو*ا لا
يوسف دار فيها تقلق : أيه سر زا*مل بويا لي مخالي نعاسي و جاي عندك
دار عطاه بظهر بحال غيمشي كيتسناه إوقفو مي بقا تما دور وجهو بشوية شاف فيه
يوسف: واش مغاديش تحبسني
سيف الدين شاف فيه بديك غوباشا: نحو*يك لا
يوسف رجع حداه: غير لي بغا إتعاشر مع قوم بحالك
 
✨عند نادية و عمر✨

نادية دايرة ليد على وجها و ساهية
نغزها عمر تا قفزات
عمر: بسم الله مالكي كتباني ليا ماشي تال تم
نادية شافت فيه: معرفتش علاش قلبي كيضرب بجهد كنحس بالفرحة و هادشي خلعني
عمر بقا غير كيشوف : بغيتي تحسي بالبكيا باش متخلعيش
نادية : ماشي هادشي لقصدت مي معرفتش كنحس براسي توحشت ولدي
عمر فهمها أش قصدات مي بغا إبدل موضوع حيت غادي تبدا دمع ليه و أجا ميسكتها: ولدك راه كان معاك غير صباح غير حيت متغديتيش معاه تغادا برة هو و ختو أديري هاد الحالة
نادية عينيها غرغرو أبوحدهم وهي تقفز و وقفات : و الله أعمر تا كنشم ريحت ولدي
عمر تصدم : متقوليش ليا صافي تسطيتي
نادية خلاتو داوي و تمات غدا لجهة الباب و عينيها غادين و كيتغرغرو تا مبقاتش كتبان ليها رؤيا واضحة
عمر ناض تبعها لا دير ليه شي فضيحة معرفها مالها تقلبات هكا ياله كانت مزيان و لباس عليها
هي وصلات لباب حلاتو و هو يبان ليها شاب واقف و هاز ليدو يله ناوي يدق عمر جا من موراها غير شاف شكون جاتو صدمة من هاد أحداث لي وقعو فهاد اللحضة نطق بصوت بالكاد سمعو تا هو: سيف الدين
نادية طاحت ليها دمعة من عينيه خلات رؤيا توضاح ليها و يبان ليها واقف قدامها واخا شحال من واحد مقدرش إتعرف عليه من شوفة لولا حيت تبدل بزااف مي هادشي مصعيبش على أم لقدرات تميز ريحتو من أمتار و قبل حتى ما تعرفو واش جاي ولا لا شهقات بصدمة و حطات ليديها على فمها و نطقات بصوت باكي: ولدي سيف الدين

يتبع...✏️