بدر: وااااا ماشي سوقك وااااا ديها فكر*ك واااااش انا قلت لييها تبعني لااا مقلت ليييها والو و وااااش انا كانقول ليك شيييي حاجة ملي كنشوووفك كتكمييي لا و علااااااش هاد خصاايل ديال لقح*اااب
عمران بعد ليه ليديه بنترة و زاد عطاه كروشية: هادييي حيت ختك كطيح و تنوض على قبلك و نت مامسوقش
بدر كان طايح فأرض و مسح جنب فمو حيت كان مجروح فيه ياله بغا ينوض تا كيشوفو مد ليه ليديه ، خنزر فيه بدر و شد فيها تا ناض و بدا عمران كيسوس ليه فحوايجو و جرو معاه تا جلسو
عمران شاف فيه و نطق: دبا غادي ندويو هضرة رجال و بلا تبرهيش
بدر أوما ليه راسو و تنهد تنهيدة خارجة من لقلب
عمران رجع راسو لور كيشوف فسما و نطق: كانت عندي 6
سنين كنت دري صغير ماعارف والو فهاد دنيا لي كيهمني هو لعب و صافي كنت عايش بيخير مع ماما سميتها سعيدة و بصح كانت ديما فرحانة و متبغيش شي حد تشوفو مقلق كانت حاملة فشهر سابع كانت عندها بنت كنت فرحان اتزاد عندي ختي و بابا تاهوا مكانش غير فرحان راه كان ميت بلفرحة اصلا هو و ماما كانو كيموتو على بعضياتهم تال نهار كان بابا خدام و انا كنت كلعب بالكورة برى جاني لعطش دخلت لدار كنجري باش نشرب عرفتي أش لقيت
شاف فبدر لي كان كيشوف فيه متبع معاه لهضرة ورجع شاف فسما
💔فلاش باك💔
دخل عمران لدار و كيسمع صفارة ديال كوكوط كتصفر
عمران: ماما و ماما فينك
غير دخل لكوزينة تصدم وقف مسمر و لكورة طاحت ليه من ليديه، لقا سعيدة فلكوزينة غايبة على لوعي و دم هابط من جيهة رجليها و واحد لكورسي مليوح حداها ، بقا مدة 2 دقايق غير كيشوف فيها و دم وصل لعندو و هو غير مصدوم ملي ستوعبت لوضع مشا كيجري لعندها كايحاول يفيقها مي والو خرج بزربة عند جارتهم جميلة لي هي مامات إيمان دخل لعندها بلا دقان بلا والو كانت هي ورجلها و جوج بنات كيتغداو وحدة قد عمران فسن (سلمى) و وحدة عندها 3 سنين و لي هي إيمان
عمران بدا كيبكي و يغوت: خالتي جميلة ماما ماعرت مالها عافاك عتقوها
ناضت لعندو جميلة و شدات فيه كتحاول تهدنو: هانت اوليدي أتهدن و قول ليا مالها
عمران: د د دم م ماما
هما غير سمعو دم جميلة خرجات كتجري و حميد ( بابات إيمان) ناض ياله أيخرج شاف فسلمى و نطق: بقاي هنا مع ختك أحنا راجعين
خرج و تبعو عمران لي غير دخلو و شافوها شهقو بصدمة، كان دم كتييير
مشات جميلة كتحاول تفيقها مي والو شافت فحميد و نطقات
جميلة: حميد عيط لعبد المجيد دغيا و ياله نديوها نعتقوها
حميد داكشي لي دار عيط لراجلها خبرو يلحق عليهم لسبيطار و هزها هو وجميلة و داوها لسبيطار و غافلين على عمران لي كان مخشي لواحد لقنت و كيبكي
💔اند باك💔
تنهد تنهيدة طويلة ملي سمعو نطق
بدر : و أش وقع
عمران مسح دمعة نزلات ليه : اش غايكون وقع بقيت كنتسنى مع سلمى و إيمان باش تجي ماما بعد ما لحق عليهم بابا بقيت كنتسنى مدة تا وصلات 22:00 بضبط و هما يدخلو
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
