قصة بالدارجة المغربية🌹تحت عنوان🌹:#مصير عاشقين🔞

💞📝 بارت 124 📝💞

✨فلاش باك✨
دازت 22 يوم و نسرين مزال مصدومة خارجة من لابواط تا شافتو واقف قدامها سرطات ريقها بخوف و بدات كترعد
نسرين: سيف الدين
سيف الدين شدها من دراعها ركبها فلوطو و كسيرا و هي غير كتقفقف و ترعد وقفو فواحد لخلا هبطها لاحها حدا واحد 5 رجال و نطق
سيف الدين: حدرتك و قلت ليه بعدي مني حيت لعبي مقاو*ود بزاااف مي نتي تحديتيني اوى ها نتيجة
نسرين بدات كترجع بلور و كترعد نطقات بخوف: اش كتقصد ياك بعدت منك
سيف الدين شد ليها فكها زيرها و نطق: بعدتي مني ماشي من مرتي واش عند بالك الى هددتي ليا ختي و لا مرتي غادي نبقا سااكت ااا لي شافك مايقولش معاشرة معايا شحال من عام حيت كون كنتي عرفاني مزيان كون مقربتيش ليا و تا دبا ماغاديش ندوي غادي نتصرف
نسرين بدات كترعد نطقات بخوف: اش كتقصد
سيف الدين جبد لفيديو و راه ليها كانت كتبان فيه هي قتلات سيد و تعاونات هي و ياسين تا لاحوه و ركبو فلوطو
نسرين بخوف: منين منين جاك هادا
سيف الدين بجدية : غدا فصباح غاتشدي طيارة و غترجعي لعند لحوالة ديالك (كيقصد سعوديين و امارات) و متبقايش تباني فالمغرب و لا ضوري بساحتي حيت قسما برب لكعبة غير تفكري تقربي ليا و لا تحطي رجلك فلمطار ديال المغرب غادي تلقاي راسك فلحبس و بسباب هاد لفيديو حيت هادي جريمة قتل ماشي بحال فيديو لي عندك غير تعدي و واخة ديه لبوليس الى ما شكاش ياسين بينا فراه ما غادي تصوري والو ماشي بحال هاد لفيديو لي اقل حاجة تحاكمي ب25 عام
نطقات نسرين و هي كتبكي: عافاك و الله تا غندير هادشي كامل و منبقاش نقرب ليك غير خليني نمشي
سيف الدين بتاسم بشر و نطق: توءتوءتوء حشومة تمشي بلا مايدوقو ليك هاد رجال مساكن لحلوة راه محرومين
نسرين تصعقات و حركات راسها بنفي: لا عافاك
سيف الدين: واخا تبوسي ليا رجلي ماغاديش رحمك عرفتي علاش ماشي حيت قربتي ليا لا حيت فكرتي تقتلي ليا ولدي لي مزال فكرش ماماه
غير سالا كلامو دفل عليها خلاها مليوحة و رجع لوطو ديالو، ملي سمعها كتغوت و طلب فيه للحظة كان ايحن فيها مي لا تفكر لحالة لي ولا فيها و دموع فراح
كسيرا ديك ساعة بعد ما علمهم ملي يساليو يوصلوها مطار
💥اند باك💥

سيف الدين : اوى لغد ليه وصلها واحد من هادوك دراري لمطار تا ركبات و وصلني فيديو دليل على انها ركبات
يوسف حل فمو: بابابابا هادشي بحال ديال مافيا منين ضبرتي على دوك خوتنا
سيف الدين بإستهزاء: لفلوس دير ليك طريق وسط بحر
ادم : اهاه و اش وقع من بعد
سيف الدين: دازو يوماين و جا موعد لجلسة كنت جاي و مع كنت مبوق درت كسيدة كنت ناوي نفرگع رمانة ديك ساعة ولكن كسيدة خرجات ليا من جنب
نطق ادم بعصبية: و ملي نت عارف هادشي كلو علاش تبليتي انمي
سيف الدين بجدية: كنت قبل ما نعرف بديت فلبلية ولكن كان بإمكاني نبعد منها مي انا ختاريت طريق صعيبة و مشيت فيها حيت بعادها عليا كان صعيب داكشي هو لي كان مصبرني باش منرجعش عندها و نرمي لحزاق كلو ورايا و منصور تا نم من هادشي ، بعدا دبا تهنينا من وحدة بقا غير داك نم
يوسف نطق بمزاح: لا خويا اخليه يتزوج بختك ما بقيتش باغيها صدقات مكلخة كتر من لازم
ادم جمعها معاه: مكلخة حيت خافت عليك لا نت لا نت ازب*ي (وجه هضرتو لسيف الدين)هما بجوج دارو هادشي كلو اباش متشدوش فلحبس مكانش عليك تصرف مع احلام هكا
سيف الدين بجدية: لا احلام لا فراح ما تصرفتش معاهم هكاك حيت تقلقت لا تصرفت هكاك باش نعلمهم درس خصوصا فراح شحال من مرة قلت ليها لكدوب لا و اي حاجة واقعة قوليها ماتخبيهاش و تا احلام هكاك مي هما صدقو نية بزااف و هاد لوقت ما بغاتش نية لهاد درجة
ادم بجدية: ساعف حيت نت عارف مزيااان احلام تقدر تصبر على كولشي تال تقطع معاها لهضرة
سيف الدين : ايكون خير
يوسف: مهم انا راه انجي نخطب و نضرب لعقد قبل من سبوع ديال ولدك
ادم بإبتسامة: ضرب لحديد ما حدو سخون لا يخرج لينا شي مشكيل اخور
يوسف بجدية: لا كون هاني مي خاصك تعالج اسيف الدين
سيف الدين سهى و نطق: ضروري على قبل فراح و إسلام
ادم و يوسف بتساؤل: شكون إسلام
سيف الدين بإبتسامة: ولد ذيب
بتاسمو و نطقو بجوج: اه حقا نسينا مبروك عليك
سيف الدين بمزاح: اش بغيت ندير بيها حرفية بغينا زرورة
ادم حل لباب لوطو بغا ينزل و نطق: زرورة كتعطى لمرى ماشي راجل ،مهم ياله ندخلو نشوفوها ياكما فاقت
سيف الدين جبد گارو و نطق: سبقوني تا نسالي هدا و نجي
سدو لباب و طل عليه يوسف من شرجم لقدام و نطق و هو واقف حدا ادم : فخبارك لمرأة ملي كتولد خاصها 40 يوم ديال نفاس
ادم بجدية: اه علاش
يوسف بإستهزاء: باااز 3 شهرو و 11 يوم و زيد عليها شهر و 10 ايام صراحة باز لخوك ايحكو مع لحيط
ادم و يوسف تكرشخو بضحك نطق ادم و هو ميت بضحك: ناري اصاحبي و حاسب ليه من لفوق
نطق سيف الدين بفقصة : وا بربي واخا دير لعقد تا من غدا مي لعرس ما غديرو تا يدوز شهر و 10 ايام ياله نوض على سلامتك
يوسف خنزر فيه : وانمي ما فعايلش
سيف الدين بجدية: حلفت و سالينا
ادم كيضحك: ههههه انا بعدا سعداتي و خلاص
يوسف بعصبية: زيد انمي ندخلو زيد
دخلو دراري و ادم ميت بضحك بقا شوية و تبعهم سيف الدين  
جالسين و كيتسناو طبيبة تخرج من لغرفة ديالها لي حولوها ليها غير خرجات وقف سيف الدين و تمشى لعندها نطق بلهفة
سيف الدين: واش ممكن نشوفوها
طبيبة بإبتسامة: اه دخلو مي غير بشوية بلا صداع صافي
نقز ادم نطق: و دري معاها
طبيبة : لا مامعاهاش مي غادي نسيفطو ليكم مع ممرضة تشوفوه
بتاسمو ليها و توجهو ناحية لباب حلوه و دخلو لعندها بانت ليهم ناعسة و مكتحركش تقول غير ميتة صافي مي لا نعسة لي كتكون من مورا لولادة كتكون بحلاوتها مكتنساش ،حط سيف الدين ليدو على راسها و نطق بصوت خافت و حنين
سيف الدين: فراح حبيبتي نوضي فرااح
فراح بدات كتحل عويناتها بشوية كتحس براسها كلها مدگدگة مافيهاش عظم صحيح
نطقات فاطمة من بعد ما باست ليها راسها: على سلامتك احبيبتي كيف بقيتي
فراح بإبتسامة باهتة و صوت خافت نطقات: شوية الحمد الله
سيف الدين هز زيفها و لاحو ليها على شعرها راه لي فيه ما مهنيه كولشي لي فلغرفة بارك ليها نطقات فراح بتساؤل
فراح: فين هو ولدي
احلام بإبتسامة: هاهما غايجيبوه ليك
ماكاملاش 5 دقايق تا دقات لممرضة فلباب كانت حاطاه فلكونة ديالو و جاراه لابس حوايج زرقين كانت جابتهم ليه  فاطمة ملي قال ليها ادم راه امكن اتولد ،وصلات ممرضة لعندهم هزات دري بإبتسامة و نطقات
ممرضة: فين هو باباه
ادم كان واقف حدا سيف الدين خبط ليه كتفو و نطق: هاهوا
ممرضة بتاسمات و مداتو ليه مي ضربات ليها على لجبص ياله بغات ترجعو تا نطق سيف الدين بتوتر
سيف الدين: غير اريه
عطاتو ليه ممرضة حطاتو ليه على ليد لي صحيحة و كالا بليد لاخرى واخا هكاك ما بقاتش كتعطيه صداع بزاااف مي ضروري إبقا دايرو تا يكمل شهر او اقل
سيف الدين شدو و عينيه كيلمعو بلفرحة كيشوف فيه كان مغمض عويناتو و شعرو كحل و ليديه حاطها جيهة فمو كانو ليديه صغيورين مي واخة هكاك كان وافي شوية متقولش تزاد قبل من لوقت مشاء الله و صافي، سيف الدين عينيه غرغرو واحد شعور مستحيل يتوصف حس بلمسؤولية و حنان و أبوة كولشي تخلط عليه، هبط باس ليه راسو بشوية خايف لا يأديها بلا ما يحس مشا لجيهة ودنو و بدا كيأدن ليها تا سلا و نطق بصوت خافت كيسمعو غير ولدو
سيف الدين: انت اسمك محمد إسلام إسلام إسلام
عاود سميتو تلاتة لمرات و عطاه لأدم يشدو من بعد أدم ضار عندهم كامليين نطقات نادية بفرحة
نادية: اش سميتيه
سيف الدين بإبتسامة: إسلام ،محمد إسلام
فاطمة نطقات بإبتسامة: هاد سمية كانت كتعجب فرااح بزاااف
تلفت شاف ففراح و نطق بحب: عارف
كيشوف فيها عينيها غرغرو مافاهمة والو لي عارفة انها كانت كتكون جالسة فبيتها كدوي مع كرشها و كتقول ليه الى بغا باباك غادي نسميوك إسلام و تفاجآت دبا سماه نفس سمية و هي ماقالت ليه والو كون غير قالتها لشي حد تشك(ماديوش على أخت راها مزال مافراسها والو🙂)
مسحات دموعها ملي سمعاتها نطقات
ممرضة: ختي خاصك ترضعيه
فراح تزنگات حيت من غير عمر و يوسف و أدم كان تا رشيد لي جا بارك تلفتو لعند عمر لي نطق
عمر: احم ياله حنايا نخرجو
بتاسمو و ودعوها و خرجو بقا رشيد تقدم لعندهم و تحنى جيهة ديال لولد لي كانت شاداه لممرضة جبد من جيبو گرميطة بحال ديال سيف الدين غير هادي صغيرة قاضها ليه فليديه و نطق موجه هضرتو لسيف الدين
رشيد بمزاح: ما نسمحش ليك الى حيدتيها ليه قبل ما يكبر
سيف الدين بإبتسامة شكر: و الى حيدتها ليه راني ماشي راجل
رشيد بإبتسامة: ارضي عليك خليها ليه تا يكبر و نجيب ليه وحدة اخرى تقدو
سيف الدين عنقو: الله إكبر بيك
رشيد توجه لباب و نطق: راه ولد ذيب هدا خاصو كتر من هكا
خرج رشيد خلاه مبتاسم و كيشوف فلممرضة عطاتو لفراح لي عينيها دازو بدموع حيت تاهي حسات بشعور لي حس بيه سيف الدين او كتر گاع ،باستو بشوية و حطات نيفها على جبهتو حمقاتها ريحتو تحنى سيف الدين لعند فراح باس ليها جبهتها و نطق بصوت خافت
سيف الدين: كنشكر ربي ليل و نهار حيت عطاني جوج هدايا فحياتي الله إخليكم ليا
فراح بتاسمات بحب و نطقات: كنبغييك بزاااف ا سيف الدين و الله
سيف الدين نطق بعد ما باس ليها حنكها: انا كنتسطى عليك اراحة قلبي
حنحنات لممرضة لي غرقات فحوايجها نساوها و تا فراح حشمات نسات راسها جات حداها لممرضة و وراتها كيف دير و خرجات تحت طلب سيف الدين
جلس سيف الدين و هو كيشوف فيها كترضعو و بلا ما يحس وقف و نطق
سيف الدين: واش غادي إبقى ديما إرضع من تماك
فراح شافت فيه و دوات من نيتها: اه تا يكمل عامين
سيف الدين خنزر: كفاااش عامين دبا عامين و هو غيبقا مزاحمني فرزقي ولا شنو
فراح شافت فيه موسعة عينيها كتشوف فيه واش كيدوي من نيتو: من نيتك اسيف الدين اويلي راه اصلا حليب ديالو
سيف الدين ديك ساعة و بلا مايحس حيد راس لبزولة من فم ولدو و نطق: براكة عليه راه شبع
غير حيدها إسلام بدا كيبكي ما سكت تا رجعات ليه
فراح بصدمة: اويلي دري باقي فيه جوع خليه يرضع
سيف الدين كيحس براسو تعصب اه هو باغي ولد و باغي يتسطى عليه مي ماشي لدرجة يتشارك معاه فراح نتف شعرو و عاود حيدها ليه بنترة تا تأوهات فراح حيت وعتها نزل لراس باسو و دوز عليه لسانو تا فراح تبورشات بعد منها و هو عينيه ولات فيهم رغبة كبيرة حيت ملي قاسها بانت ليه كبرات بزاااف حيت ديجا واخد لعبار نطق بصوت خافت كيبورش
سيف الدين: واخا نصبرو عليه هاد شهر و 10 ايام و من بعد و نشوفو واش ايبقى مزاحم معانا
فراح بقات غير كتشوف ولا ماشي لهاد درجة يغير من ولدو لحبس هدا صافي، نزلات عينيها و حنيكاتها مزنگين شافت فإسلام بان ليها نعس رجعات صدرها دغيا قبل ما يهجم عليها لأخ و بقات شادا ولدها تا جات ممرضة خداتو داتو حدا أطفال لاخرين و سيف الدين بقا مع فراح داك نهار حيت ضروري لمراة لوالدة ابقا معاها شي حد إقابلها

يتبع..✏️
حرمها على يوسف مسكين🤣🤣
ولا اسيف الدين نعل شيطان🤦😳