و بعد ما سلاو جميع رجعو جلسو كان باقي غير عمران و صفاء لي رجعات نعسات فوق سداري حداه و إيمان و فراح ماماها ناضت لبيت و سعد خرج و بدر تا هو
إيمان شافت ففراح و نطقات: ختي فراح معندكش شي بانضة نجمع بيها شعري راه صهدني
عمران : ههه ولاش طالقاه من لول بغيتي تباني كيوت صحة
إيمان: واااع و تا بعد مني ( شافت ففراح) شهدي عليه إلى قتلتو ما تقولوش علاش
فراح ضحكات تا تسدو عينيها : بعد من سيدة
مي دغيا تمحات إبتسامة ديالها ملي تفكرات أنه مبقاش كيضحك معاها هكا كانت ديما هي و ياه كي لمش مع فار مي ملي مات باها حسات ببدر بعد عليها ، ملي شافتو فصباح بلا ميقول ليها صبح لخير قالت إمكن انا لي بعدت عليه حيت كنت مريضة مي ملي جات تشوف طول فترة لفطور مادواش معاها
فاقت من سهوتها على ليدين إيمان: تي فين مشيتي
بتاسمات ليها فراح و نطقات: لا هاني معاك
وقفات و مشات جيهة لمريو و بدات كتقلب تحت لحويج حيت تماك فين كتخبي داكشي ديالها و هي كتقلب تا طاحت ورقة متنية فأرض نزلات ليها هزاتها و مع شافتها متنية قالت ديالاش هادي بدات كتحل فيها تا طاحت شي حاجة منها و من زهرها ما طيح غير جيهة عمران حيت كان جالس جيهة ماريو
هاد أخير لي تحنى و هزها لي غير شافها عرفها حيت تاهو فواحد مرحلة من حياتو كان كيدير داكشي
دغيا حيد راس صفاء لي كانت ناعسة على رجليه و وقف جات لعندو فراح كتشوف فلفنيدة لي فليديه
فراح سولاتو بتساؤل: ديالاش هاد فنيدة واش ديال راس
عمران هز راسو شاف فيها و ملامح ديالو كلها صدمة: منين جاتك هادي
فراح ما فاهمة والو : مادياليش إمكن ديال بدر حيت غير حوايجي و حوايجو لي هنا
هو على كلمة بدر جمع قبضة ليديه ياله ناوي يخرج يقلب عليه تا كيلمحو داخل
هاد الأخير لي كان خارج طالع ليه زعاف و هو يتفكر حبة و رجع ليها باش يقاد لمزاج غير دخل شنق عليه عمران مبقا فاهم والو
بدر كيحاول إحيد ليه ليديه : و مالنا انمي تا طلق مني
عمران شاف جيهة فراح: سدي لباب
فراح لي كانت مصدومة مافهما والو حدها دارت داكشي ملي سمعاتو بدا كيرفع صوتو
عمران: أنا أش قلت ليك ياك تبريت منك داك نهار ياك قلت ليك نلقاك كدير شي قلو*ة نحو*يك مي نت مكفاكش لگارو نقزتي لحبات ناوي تقرقب أز*بي
فراح و إيمان شهقو بصدمة دبا عاد عرفو مال عمران لي دغيا تلاح على بدر
بدر حيد ليه ليديه و دفعو تا رجع لور : ونت مالك أش دخلك حياتي هادي نت ملي كنتي كدير دكشي دخلت ليك فحياتك لا و إلى لاش داخل ليا فكر*ي أنا
عمران: اه حيت أز*بي أنا ندمت و مبغيتكش طيح فنفس لبلان لي طحت فيه مي نت لا عاد مزايد فيه
إخوان خداو راحتهم فالهضرة و نساو أخوات راه حداهم
فراح عينيها دازو بدموع حيت أخر حاجة كانت كتمناها هي خوها و حبيبها إتبلى و إمتى فلوقيتة لي محتاجا ليه لا هي لا مها حيت هو راجل ديال دار و كون كان عبد الله مغاديش إبغي هادشي
وعلى تفكيرها بباها طاحت دمعة سخونة على خدها
تقدمات ناحيتهم موقفات تا ولات اونفاص مع بدر شافت فيه بملامح لحزن
فراح: بدر و واش هادشي بصح
بدر كتافا فقط بصمت
هزات ليديها و حطاتها على وجهو : عافاك كدبو قول هادشي مكاينش انا بدر حبيبي مستحيل إخسر تقة ديال عائلتو ليه
بدر بلا ميحس حيد ليها ليديها بنترة : لاا هادشي لي قال ماكدوبش
فراح ضحكات بصدمة و عينيها فيهم دموع : هههه لا لا ميمكنش نت ماشي بدر لي كنعرف تا ماشي خويا
بدر تعصب ماشي من هدرتها لا تعصب حيت كيحس براسو حارقو بزااف و عاد هضرتهم زادت حرقاتو وبلا ميحس خرج هضرة لي من بعد غادي إندم عليها بزااف
بدر زير ليها على دراعها : بدر بدر بدر صدعتيني فراسي من بعد إلى درت هادشي اش مشا ليك نتي قتلتيني بهاد خاوة ديالك فين كنتي ملي كنت انا محروق و مصدوم على بابا و بلا متجي دبا تحرقي ليا دمي أفرااح
مع سالا هضرتو مع دفعها كون ما كان عمران كون طاحت
عمران غوت بصوت زعزع لقلوبة : بدررررر
ياله أيمشي ليه تا شداتو فراح و شافت فبدر شوفة لي عمرو ينساها شوفة مجموع فيها كولشي ، كل من خدلان و غدر و تقة لي ضاعت، على إثر هاد نظرة طاحت ليه دمعة من عينيه تجاهل نظراتها و دوا مع عمران
بدر مد ليه ليديه : أراها
عمران خنزر فيه و لاحها من شرجم : إلى بغيتيها تبعها
بدر جمع ليديه بعصبية و ضحك بفقصة: ههه هدا لي فجهدك أنمشي نجيب حسن منها
حل لباب و بانت ليه ماماه ياله ناوية دخل
فاطمة: بدر ولدي جيتي
بدر مداهاش فيها ضرب فيها و زاد
شافت ففراح و نطقات: ويلي مال هدا
فراح شافت فعمران و نطقات : خصنا نتبعوه ( رجعات شافت فماماها) لا متخفيش راه امخاصم مع عمران و بغينا نصالحوه
عمران: واخا غير تا تلبسي بعدا انا عارفو فين غيمشي
فراح : واخا صافي خرجو لبس حوايجي وهانا جاية
اومأ ليها عمران و خرجو مخلينها كتلبس بلا عقل لبسات كسوة فصفر فيها حزام من جيهة خصر و جات من تحت فرفارة دارت زيف بيض دغيا بدات كتقلب على سندالتها و من تلفة مبانتش ليها مشات جبدات سبرديلا بيضة لبساتها دغيا و خرجات بان ليها عمران و إيمان كيتناقشو وقفات حداهم كتسناهم إيساليو مناقشة ديالهم مي هما حلفو واش سلاوها
عمران: وا الأخت و نعيمة و بربي لا مشيتي دوزي ريحي تانجيو
إيمان تاهي دارت راسها كتگفض كمايمها و هي أصلا لابسة قميجة بلا كمايم و كتشالي بليديها : و تانا بربي تا نمشي معاك راه عشيري تانا
فراح سدات ودنيها وغوتات: وااااع و صافي (دارت شافت فعمران) خليها تمشي اش فيها و ياله طلقونا نتي وياه
عمران كيتحلف على إيمان بعينيه و هاد أخيرة لي بدات كتقلي ليه سم بعينيها و حجبانها
عمران : ياله زيدو
تحركو بتلاتة خارجين من درب ولوجهة عند تيتونة
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
General Fiction🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
