قصة بالدارجة المغربية🌹تحت عنوان🌹:#مصير عاشقين🔞

💞📝 بارت 6 📝💞

       

🌞أصبحنا و أصبح الملك لله🌞

نهار جديد كيتسمع أذان الفجر عالي بحكم أنهم كيسكنو حدا جامع كمشات عويناتها على إثر صوت المنبه لي مالي الغرفة مطات يديها لتيلي سكتات منبه و بدات كتحك فعينيها حلات عوينات و بقات جامدة فبلاصتها لمدة 5 دقايق تقريبا تا تستوعب فين هي و شكون هي ،هادي هي عادة ديالها كتفيق مدعوقة حرام واش شي نهار كي تفيق تنوض من بلاصتها حيدات ليزار عليها بحكم كان صيف جمعات شعرها شفنجة فوق كانت لابسة دوني و شورط قصير فوق ركبة لبسات عليها شي حاجة من فوق سترات راسها جمعات بلاصتها و مشات جيهت سداري لي ناعس فيه بدر دوات بصوت حنين و باين بلي ياله فايقة من نعاس
فراح: بدر و بدر
كتحرك فيه مي والو مامن مجيب طاحت عليها فكرة جهنمية بتاسمات إبتسامة الأشرار تا بانو سنيناتها مستفين و بيضين ( بيض من زهري 🤣🤣) قربات وجها لودنو و شجعات راسها حسبات 1 2 3 و هي تغوت ليه فودنو
سيد فين هو راه مات مسكين غير شافتو فاق مخلوع و ضرباتها بجرية لبيت ماماها
خلات بدر كيحك ودنيه: و الله أبتي يا فراح لا بقات فيك
وصلات هاد كلمة تا مسامع ديالها سرطات ريقها و خدات نفس و دقات جوج دقات خفاف فبيت واليديها
مكملاش تلاتة تواني تا حل ليها باباها الباب
فراح: صباح النور أبابا راه أذن
عبد الله بتاسم و حط يدو على راسها: صباح خير أوجه الخير أه سمعتو راني توضيت غنفيق ماماك و نمشي جامع
بتاسمات ليه و شدات ليه يديه كبار وسط ليدياتها صغيورين و باستهم : واخا الله إقبل
عبد الله :أمين ليا و لجميع المسلمين
كتافات بإبتسامة  و مشات تسخن الماء و هو دخل فيق فاطمة و خرج لجامع
ماء سخن خوات فسطيلا لوضو داكشي لي يكفيها و خلات لبدر و ماماها دخلات لحمام طرفات حالتها و قضات روتينها صباحي و توضات. و خرجات تا كتلقا قابض روحها قدامها
سرطات ريقها بفعل منظر ديالو لي كيخلع: هانت غير نشرح ليك عاد حكم      
بدر هز حاجبو : هاني كنسمع أش كين
فراح بحال إلى بان ليها أمل ملي خلاها دوي بلا ميرجع دقتو: هانت و الله تا عيت نوضك مابغيتيش كان عندي جوج حلول يا نخوي عليك ماء يا نغوت ليك فودنك و أنا حيت عزيز عليا بقيتي فيها غوت ليك فودنك غير بشوييية هيههيي و الله عظيم
بدر سمع ديك بشوية خرج عينيه بصدمة: بشوية تي فين هو بشوية فالموضوع
فراح كانت غافلا على ليديه لي دايرها مورا ضهرو ياله ناوية دوي و تعتق موقف تا كتحس بالماء دافي لهابط ليها من فوق راسها
شهقات بصدمة و كتشوف فحالتها كيف ولات: حرام عليك
بدر نتوما فين هو بدر راه مات بضحك عليها : عههههههههههههه واااااع كي واليتي كي فلوس ديال درهم ههههههههههه
فراح عينيها غرغرو بدموع مي غير سمعاتو قال فلوس ديال درهم بدات كضحك: هههههه و الله تا حرام عليك مافيا لي بقا يبدل
بدر كيحاول إحبس ضحك : ههه راه و الله تا تعاملت معاك و ماخويتوش عليك بارد
مزال يله أيدوي تا كيسمع شهقة من موراه
بدر عض على لسانو : متقوليش ليا الحنانة هادي
فراح حابسة ضحكة من منظر ديالو ربعات ليديها و حركات راسها بأه
هو شافها قالت ليه أه  غمض عينيه و حلهم بزربة و تلفت بشوية عليه: هيهيهي صباح الخير اعمارت دار
فاطمة: أش هادشي درتوه
بدر و فراح نعتو فبعضياتهم و دواو دقة وحدة: هو / هي هيههي
فاطمة شافت فيه بنضرة طيح زرزور من فوق سور: شكون لي خوا لما
بدر فخاطرو: 1_0
فراح قربات حداه و دوات بشوية : متكلاشيش على مك
بدر شاف فيها بنضرة عادية حيت عرفها حافضاه مزيان
  فاطمة: راني سولتكم الإخوان
بدر و فراح شافو فبعضياتهم : أنا / هو
فاطمة : دابا تجفو و تجمع هاد حالة
فراح شافت فيه و كتقلي ليه سم و بدر تعصب مي معندو مايدير حكمات عليه المحكمة
مشات فاطمة توضا و فراح بدلات حوايجها لبسات بيجامة صيفية طويلة فايتة ركبة بشوية و بلا كمام فبيض و فيها كحل و حمر تسناتهم تا توضاو كولهم و صلاو الفجر رجع باباها من جامع دخل هو فاطمة إكملو نعاسهم شوية تا بدر مشا بلاصتو نعس حيت تابعهم نهار طوييل

مشات فراح هزات تيلي ديالها شافت ساعة لقاتها 6:30 و هي مافيهاش نعاس و تفكرات أن غدا غادي إرحلو و لا ليوما بليل قرات ليوما تصيب أخر فطور فهاد دار مشات لكوزينة وقفات كدور عينيها منين أتبدا كانت كوزينة غالب عليها لون مارو و بيض كولشي فبلاصتو مقاد أول حاجة قررات ديرها هي تعجن دارت ماء إسخن و فكرات دير تا مسمن مقلي حيت كيعجبهم بزاااف عجنات لعجينة و خلاتها تخمر و مشات لتلاجة تشوف واش كين حليب بغات دير الحرشة لقات كاين نص لترو تا كانت أتسد تلاجة تفكرات راه هي و ماماها كيبغيو قهوة كحلة بلا حليب جبداتو و جبدات مقادير الحرشة حطاتهم و مشات كورات لعجينة كانت بغا دير خبز فران مي باباها كيموت على بطبوط مدهون و هي تگرسو على أساس بطبوط و وكورات تا مسمن و مشات خلطات حرشة و  دارتها فالفران  رجعات لمسمن بدات كتسمن و تقلي شافت بطبوط خمر دارت مقلة تسخن و بدات كتبطبط( زعما كطيب كتخبز هههههه )صافي بقات هكاك تا سلات فطور ستفات مسمن فطبسيل و خوات عليهم شوية عسل و دارت 3 بطبوطات فطبسيل و قطعات حرشة دارتها تاهي فطبسيل و جبدات كيكة لي كانت صيبات بارح قطعاتها و ستفاتها تاهي جبدات طبيسلات صغار دارت فيهم زيت و زيتون خضر و زبدة بلدية و دات فرماج حطات بلاطو ستفات فيه كيسان و حطات براد أتاي لي كانت شحراتو و تا بريق ديال قهوة بدات كدي  لطبلة تا كتسمع بيت واليديها تحل
عبد الله و فاطمة شمو ريحة فعز نعاسهم و هما ينوضو تمو خارجين تا كتبان ليهم طابلة عامرة و فطور على حقو و طريقو
خارجة من كوزينة هازا قرعة ماء باردة و جوج كيسان واحد ديال زاج و لاخور ديال طين حيت كول واحد و فاش كيشرب شافتهم تبسمات و نطقات
فراح: فقتو ياله كنت ناوية نجي نفيقكم
فاطمة ردات ليها تبسيمة: لاش عدبتي راسك كون تسانيتيني تا فقت و نتعاونو
حطات فراح داكشي فوق طبلة و دارت عندهم: عادي أماما بيما أنه إقدر إيكون أخر نهار هنايا قررت نصيب أخر فطور
بانو علامة حزن على وجه كل من فاطمة و عبد الله و فراح مي تداركات موقف و نطقات
فراح: ياله سيرو غسلو ليديكم و وجهكم أنا أنفيق بدر و صفاء
مشات فراح تفيق بدر و هما قداو روتين صباح و جلسو كيتسناو فولاد
لحقو عليهم و باشرو فلفطور ديالهم

✨💥نمشيو لعائلة بطل ديالنا💥✨

مجموعين فطبلة فجو مليئ بضحك و نكات حامضين ديال أدم و عمر
أحلام: و الله إرحم بيها واليدين ما هنينا اأدم من حموضة ديالك
أدم شاف فيها : إلى جاوك حامضين زيديهم سكر و يوليو حلوين
نادية شافت فأحلام : حشومة تدوي مع خوك كبير هاكة
دارت كتخوي فلماء و قالت من تحت سنانها: كبير أبفورمة  أما عقل الله إجيب
هادشي قدر إسمعو عمر لي تشتت بضحك مابقا قادر إجمعها أحلام و أدم كيسولوه مالو و هو و تقول واش قادر إدوي
نادية كاس لي خوات ديال لماء عطاتو ليه
نادية: مالك بسم الله عليك
و بدات كتغمز فيه باش إسكت  و والو تا سالا على خاطر خاطرو ملي سولوه مالك
شاف فنادية لي كتخرج فعينيها: لا والو غير تفكرت واحد نكتة نقولها ليكم
أحلام غير سمعاتو ناضت : أنا خاصني نمشي لافاك نسول علاش سيت مكيبغيش إتقبل ليا مود باس
أدم سمعها بحال إلى عتقاتو من نكتة بايخة وقف تاهو: تانا عندي غراض نوصلك
أحلام: شافت فيه بنضرة ديال معندك وين: لا لا أخويا لعزيز بلا متعدب راه أنمشي أنا و مريم
أدم كون كانو عينيه قرطاسات كون قرطسوها: أنا أصلا غادي تماك واش أنا غادي غادي و نخالي حبيبتي تكرفس فطوبيسات
ياله أحلام أدوي و هي تقاطعها نادية: بلا قوة هضرة أبنيتي سيري لبسي حوايجك و خلي خوك إوصلك الله إرضي عليك
أحلام شافت فيها و حركات ليها راسها بإيجاب و مشات لبيتها تلبس حوايجها

يتبع...✏️