قصة بالدارجة المغربية🌹تحت عنوان🌹:#مصير عاشقين🔞

💞📝 بارت 24 📝💞

شافت فسيف و نطقات
فراح: لاش جينا لهنا
سيف الدين هز فيها حاجبو: بغيت عندك شي مانيع
شافتو بحال هكاك حركات راسها بلا
شابك ليديه مع ليديها و هبطو لجيهت لبحر وصلو لواحد بلاصة و هو يحيد جاكيتة ليكان لابس فلكحل و فرشها فوق رملة بقا لابس شورط بيض و تيشورط تاهو بيض و سبرديلة فلكحل
سيف الدين: جلسي
فراح حشمات : غير لبسها راه كاين لبرد عادي نجلس فوق رملة
سيف عجبو حال حيت فكرات فيه مي بقا محافظ على تخنزيرتو
سيف الدين: قلت ليك جلسي
فراح معوداتهاش معاه جلسات يله بغات تربع رجليها تا كتحس بيه حط راسو فوق فخاضها
صافي سيدة بقا ليها شوية و خدودها إطرطقو من قوة حشمة
سيف حيد كاسكيطا و هز ليديها حطها ليها على شعرو و ليد تانية شدها و بدا كيلعب بصباعها بحال شي ولد صغير و كيشوف قدامو مباغيش إحرجها
هي لي غير حط ليها إديها فشعرو عرفاتو بغاها تلعب فيه بدات كدوز ليديها صغيورة فشعرو و كتلعب بيه و كتشوف فلبحر عجبها شعرو جاها رطب و ليديها لاخرى باقي كيلعب بيها
منظر ديالهم كان رومانسي لي شافهم كيدعي معاهم بلولاد حيت شافوها ببيجامة قالو سيدة كتوحم و جايبها رجلها لبحر فليل
بقات على نفس حالة حتى كتحس بسيف خشا ليها شي حاجة فصبعها بونصر هبطات راسها شافت فليديها

هو لي كان مستحلي حركاتها تا كيتفكر شي حاجة خشا ليديه فشورط ديالو جبد منو خاتم ديال نقرة فيه فراشة منظر ديالو زوين خشاه ليها فصبعها و باسها ليها هز راسو لقاها مزنگة بتاسم ليها و نطق
سيف الدين: تحيديه من صبعك نقطعو ليك
فراح لي سهات فإبتسامة ديالو شحال عجبابها منظر ديالو و هو مبتاسم أول مرة كتشوفو مبتاسم
رجعات ليه تاهيا إبتسامة و نطقات
فراح: شكرا
سيف الدين شافها بتاسمات و غمزات ديالها بانو هز ليدو و حط صبعو فثقبة
هي شافتو دار هكا و هي تجمع إبتسامة ديالها مفهماتوش أش ناوي إصنع تا كتسمعو نطق
سيف الدين: ضحكي
فراح : كفاش
غير دوات و بانت عوتاني غمازة دياولها
عاود نطق : و قلت ليك ضحكي
فراح ضحكات ماشي حيت قالها ليها لا حيت جاب ليها ضحكة دار كي شي واحد مسطي
هو بقا ساهي فضحكتها و فنفس وقت حاط صبعو فغمزاتها
سيف الدين : ملي كضحكي أفراح كنسى همومي كلهم
فراح تصدمات و حشمات فنفس لوقت بعدات شوفاتها عليه
سيف الدين: فراح
فراح شافت فيه : اممم
سيف الدين : كنبغيك
فراح بتوتر: هااا
سيف ناض من عند فخيضاتها جلس مقابل معاها شد ليها وجها بين ليديه و كيشوف فيها بنظرات كلهم حب دوا بصوت حنين
سيف الدين: ملي ماكنتيش نتي كانت حياتي عادية و روتينية مي غير شفتك و بلا حتى مانهضر معاك بغيتك جاني شعور غريب أول مرة نحس بيه قلت إمكن غير إعجاب مي غير عاودت شفتك و كنتي قريبة ليا مقدرتش نكبح مشاعر دياولي تجاهك و زدت تأكدت ملي كنت أنقتل شخص غير حيت دوا عليك مستعد نقدم كل ماقدامي و ما ورايا غير نبقا نشوف ضحكتك و منشوفكش باكية أه كنعتارف أنا لي كنخاليك تبكي مي راه ماشي بليدي راه كنغير من لهوا لي كتنفسي شتي باباك و كنغير منو حيت قريب ليك كثر مني و لكن إلى لقيت شي واحد مبكيك بربي تا نقطعو طراف طراف و بلا منحن فيه حيت نتي خط حمر
هز ليديها حطها على قلبو و كمل كلامو راه هدا ماشي غير كيبغيك راه كيعشقك عمري فحياتي كنت كنظن غادي نبغي شي بنت لامرى تا بغيتك نتي و ماشي بضروري تكوني كتبغيني حبي ليك كافينا بجوج حبك أفراح كنحس بيه كيستنزف طاقتي كلها
فراح مصدومة إذن هضرة لي قالت أحلام بصح تبلوكات معرفات متقول ياله بغات تدوي تا قطعها
سيف الدين رجع غوباشتو مي باقي كيدوي بنفس نبرة: و إلى بغيتي أنا مستاعد من دبا نمشي نخطبك
هنا فراح صافي تصدمات بلمعقول يله أدوي و عاود قطعها ملي وقف و وقفها معاه
سيف الدين:ياله دبا راه مشا عليك لحال
وقفو ياله تاحنا باش إهز تجاكيطة و يمشيو تا وقفو عليه جوج بوليس فراح شافتهم محساتش تاكانت شدات فليد سيف و زيرات عليهم
هو حس بيها و زيرها لعندو
بوليسي 1: سلام
سيف الدين: و عليكم سلام كاين ما نقضيو
بوليسي 1:. أش كديرو هنا
سيف الدين عقد غوباشتو: كنشويو راه باين أش كنديرو
بوليسي 2: نت فهاد موقف و كتفلا من فوق
سيف الدين: ياكما بنت ليك كنحو*ي أشمن موقف كدوي عليه
فراح زيرات ليه على ليديه حيت عارفاه قاصح و إلى مرطبش معاهم أتشوه هاد نهار
بوليسي 1 لمح لوشام : اممم و كتخسر لهضرة من فوق أرى لكارط ديالكم
فراح حركات سيف تا شاف فيها دارت ليه براسها زعما هبط
سيف هبط راسو لعندها
فراح: مجبتش لاكارط
سيف كتافا فقط باش إزيرها عندو بحال إلى كيقول ليها متخافيش أنا معاك و تاهيا حسات بالأمان جبد لاكارط ديالو و عطاها ليه
بوليسي 2 شاف ففراح طلعها و هبطها عجباتو فورمة ديالها : و نتي
سيف الدين لاحظ شوفاتو كان أيطير عليه مي غير تفكر راها معاه و تقدر يتجبد ليها صداع بسبابو حقد هبط خدا تجاكيطا من أرض و عطاها ليها
سيف الدين : لبسيها
و رجع شاف فلبوليسي :مجابتهاش
فراح لبسات تجاكيطا ديالو واخا فيها صهد مي مبغاتش تجابد هي وياه شافت فلبوليسي بان ليها كيشوف فصدرها رجعات من مورا سيف لهاد أخير عينيه حمارو و عروقو خرجو مكانش غافل على شوفاتو ليها
بوليسي 1 شاف فسيف : أجي ندوي معاك
سيف الدين شاف فيه و تم غادي بفراح تا نطق
بوليسي 2: غير خاليها هي
سيف الدين شاف فيه بشي شوفات كون كانو قرطاسات كون تثقب كلو
سيف الدين: مرتي أتمشي معايا
بوليسي 2: مرتك
سيف الدين : أه عندك شي مانع
بوليسي 1: شي دليل
سيف الدين بملامح باردة: واخا
جبد تيلي ديالو و دوز نمرة ديال يوسف هاد أخير لي كان ياله خارج من خدمة

يتبع.....✏️
شناوا نخليهم اباتو فلبنيقة🙂🔪