قصة بالدارجة المغربية🌹تحت عنوان🌹:#مصير عاشقين🔞

💞📝 بارت 122📝💞

احلام شافت ففراح لقاتها واقفة بزز تنترات منو و شدات فيها: غير بشوية عليك مالكي واش ضاراك شي حاجة
فراح نطقات بنفي و هي ليد حطاها على كرشها و ليد لاخرى فظهرها: لا غير عيت بالوقفة
احلام بتاسمات و نطقات: واخا ياله اجي جلسي رتاحي
اومأت ليها و تمشات معاها تا وصلو لواحد لكورسي جلساتها و جلسات حداه و ياسين جلس و ما عاجبو حال
تلفتات ليه احلام و نطقات: طلقنا اش بغيتي
ياسين: راه بحال الى باقي غير ربعيام على لعرس بحالا خاصنا ناخدو لخاتم و نتافقو على بزاااف لحوايج
احلام ياله اتبدا تطلق فبخورها قرصاتها فراح عاد فهمات راسها حيت هما ما عرفينش راه فراح فخبارها كولشي نطقات بغيض
احلام: ختار على دوقك غير هنينا
و ياله ايدوي ياسين تا سرط ريقو و غمض عينيه
نطق بصوت باين فيه رعب: ما فعايلش ا احلام
احلام ياله اتنطق تا كتحس بظل واقف عليهم طلعات راسها ببطئ و ياريتها ما مطلعاتوش كانو وحوش قدامها ماشي بشار عرفات قضية ما غاديش تخرج على خير شافت ففراح لقاتها كتر منها بقوة لخلعة كتحس براسها غادي تولدو هنا
كان سيف الدين ناعس تا كيحس بيها قضاتو فبلاصتو و غطاتو و ياله ايعاود ينعس تا كيسمع كلامها بغا ينوض يفرشخها مي داتو تقيلة عليها خرجات و صبر واحد 5 دقايق بزز باش قدر إهز ليدو لواحد لقرعة حداه خوا عليه لماء باش اصحصح شوية و داكشي لي كان بقا لابس نفس لحوايج و هبط ديريكت لعند أدم دق عليه خرجات ليه إسراء نطق بجوج كلمات
سيف الدين: كلمي ادم
اومأت ليه إسراء و دخلات كلماتو هو خرج لعندو شاف فيه بإستغراب
ادم: باغي شي لعيبة
سيف الدين بجدية: كيما كتشوف راني خدام غير بليد و انا محتاج ليك تمشي معايا
ادم بجدية: واخا بلاتي نجيت ساروت ديال لوطو
اوما ليه سيف الدين و هبط يتسناه حدا لوطو هز تيلي دوز ليه نمرة و نطق
سيف الدين: فينك
يوسف: فدار
سيف الدين: الى قلت ليك ياسين حدانا فدرب اش غدير
يوسف وقف و نطق بجدية: فينكم
سيف الدين: جي لجردة لي حدانا
قطع عليه سيف الدين و هو يبان ليه ادم جاي طلعو فلوطو و نطق
ادم: فين غادين
سيف الدين: سير لجردة لي هنا
ادم بإستغراب: انمشيو غير على رجلينا لاش لوطو
سيف الدين بغموض: محتاجينها
اومأ ليه ادم و كسيرا و مع يوقف بان ليه يوسف وقف نطق بتساؤل
ادم: نت لي قلتي ليه إيجي
سيف الدين حيد سمطة : اه
نزل و تبعو ادم مستغرب من تصرف ديالو مع هبط وقف حداهم مع سمعو نطق
يوسف: فين هو
ادم : شكون هو
سيف الدين: نسيبك
ادم بإستغراب: شكون نسيبي
يوسف بعصبية: داك خونا لي داير بحال ز*بي و حشا ز*بي واش يكون بحالو
سيف الدين كان كايقلب بعينيه تا بانو ليهم جلسو زير على قبضة ليديه بعصبية و هو مزال مبوق شوية نطق: هاهوا
هزو راسهم شافوه فين شاف و كان اول واحد يتقدم هو ادم حيت عرفهم علامن داوين تمشاو تا وقفو عليهم و نظرات كلهم شر نطق يوسف
يوسف: اااح و اخيرا جيتي تا بين ليديا عرفتي شحال كنت محلف عليك
احلام وقفات و نطقات: اااا اش كديرو هنا
ادم خنزر فيها و نطق: قود*ي لدار تا نجي و نتفاهمو
شافت فسيف الدين بان ليها ما مسوقش او بالأحرى باغي يطرطق حيت عينو كانت غير على فراح كيشوف فيها شي شوفات لا اله الا الله و تاهي عينيها كيشوفو غير فيه و باين عليهم لخوف و تساؤل ياك خلاتو ناعس كفاش تا عرفها هي هنا قفزات ملي سمعاتو نطق
سيف الدين: بربي وما تقود*ي لدار و تسدي عليك فبيتك ما تعتبيهش تا ليوما تشوفي ذيب اش كيسوى
غير سالا هضرتو تقدم لعند ياسين نزل عليه بكروشي و نطق بعصبية: عندك زهر ما غاديش تموت على ليديا بجوج و لكن ليد وحدة قاضية لغراض
شاف فادم و نطق: ارى ساروت ديال لوطو و هاد خونا بغيتو دبا فلبلاصة لمعلومة نسالي بلاني مع هاد جوجات و لحق عليكم
عطاه ادم ساروت و هو ضار لعند فراح نطق بعصبية: تحركو من قدامي كتسناو لعراضة
فراح ولات كولها كترعد صافي لبولة لي باقا ماطلقاتهاش و احلام كتر منها عرفات هدا نهارها لخر تحركو قدامو و ماعارفين تا فين غادين تا غوت عليهم و سبقهم عاد تبعوه
طول طريق و صمت لي كاين تا حد ما نطق بشي كلمة وصلو لدار حلو لباب دخلو و شاف فيهم واحد شوفو نطق بصوت بارد
سيف الدين: طلعو قدامي نشوف
احلام ياله اتنطق و هو يغوت بصوت عالي
سيف الدين: واقلت لزا*مل بوكم طلعو ما تجهلونيش نصدق قاسم شي وحدة هنا
خرجات نادية كتجري هي وعمر ملي سمعو لغوات و تا من إسراء هبطات بان ليهم سيف الدين فحالة هيجان و لخرين قدامو بحال شي فلالس ديال درهم لي كيموتو غير بلبرد
نطقات نادية بخوف: اش واقع اسيف الدين
سيف الدين ما نطقش
عمر: ساعف اولدي سااعف گاع اش غادي يكونو دارو
سيف الدين نطق بعصبية و عروقو ديال عنقو خرجو: اااش غايكونو دارو گاع لا مادارو والو غير لمدام ولات كتخرج بلا خبار راجلها و غادا تسلگط ليا فجرادي ااا
عمر بجدية: سيف الدين عرف اش كتخرج من فمو
سيف الدين نطق بعصبية: لواليد مغاديش تفهم باش كنحس بغيتي تعرف مالي واخا نفرگعو هاد رمانة ليوم لي بغا يوقع يوقع
شاف فأحلام و نطق و شرار خارج من عينيه: فاش كنتي كتفكري اختي لوحيدة لي كتبغي ليا لخير ملي كنتي كتسيفطي ميساجات لمرتي على اساس انك دري ااا
هنا احلام رجعات جوج خطوات لور جاتها صدمة تلاتية ابعاد لا كفاش عرف، كولشي يطيح ليها فبالها تال هادي مي صدمتها ماتكونش بحال فراح لي ولات كتحس بقلبها  كيضرب و نفسها تجهد و كرشها بدات كتعطيها صداع
نطق مكمل كلامو بعصبية: او فاااش كنتي كتفكري ملي كنتي كتسيفطي ليها تصاوري مع لبنات ااا او فاااااش كنتي كتفكري ملي خلييتي كولشي يتيق بيلي راني خنتها
احلام شداتها دوخة ولات كترمش ببطئ ما فهمات والو كتمنى غير تكون كتحلم نطقات فراح بتوتر
فراح: و و
قفزااات ملي غوت عليها سيف الدين: نتي سكتي مانسمعش حسك سمعتي و لا بربي تا بصح نيت نطلقك و طلاق تلات من فوق
نتف شعرو بعصبية و نطق: فاش كنتي كتفكري امدام ملي طلبتي طلاق و نتي عارفاني مزيااان ما خنتكش او بالأحرى كنتي مشاركة فالخطة اااا
نطقات احلام و دموعها شلال : ر ر راه ما ماشي ل لخاطرنا ر راه ه هي ل لي
قاطعها سيف الدين بغضب: وا الله إحرق دماغكم لي ما كاتفكروش بيه ناس عندهم دماغ و نتوما عندكم خرية واش انا شكيت عليكم واش انا قلت ليكم ما بغيتش لحبس ولا شنو ااا اش درت فحياتي تا عطاني ربي مراة بحالك و اخت بحالك ماعرفتش واش نية زااايدة و لا كلاخ لمفرط
سالا هضرتو و بدا كيضرب فلحيط نطق عمر لي مافاهم والو و عاد ما تصدم بكلامو
عمر: شرح لينا اولدي اش واقع راه ما فهمنا والو
سيف الدين تلفت لعندو و هو كيترعد و نطق: انا كان عندي شي حساب مع داك زا*مل ديال ياسين و صفيناه ، لحنا لكلب مي جات ديك لقح*بة لي كارين ليها لفوق صوراتنا اوى بدات كتهدد بيه بنتكم انها الى ما فرقاتنا انا وفراح و هي ما تزوجات بياسين اتعطيه لبوليس و حنا انتشدو فلحبس اوى الأخت بدات كتسيفط ميساجات على اساس دري باش نشك ففراح و سيفطات تصاوري مع شي كليانات باش فراح تشك اوى مقضهاش هادشي زادت لبلان ديال داك نهار و هي لي دخلات لقحب*ة لدار و دارت لينا دوا باش نعسو و لمشكيل ماشي هنا لا مشكيل ان ما قضنا فيل زادوه فيلة فبلاصة ما تجي تعاود لينا حنا نعرفو اش نديرو مشات عاودات لهاد اخت لي نية كتر منها و واخة طلبات طلاق و دارت ديك لمسرحية كلها و حرقات ليا دمي على والو فلخر كانت عارفة و مزيان انا مخنتهاش و مشكيل كبيييير لي كون دارتو أحلام بربي تا نقتلها هي اخت كانت بغات تزيدها تقتل ليا ولدي ادن فنظاركم كيفاش خاصني نتصرف. اااا
طول هضرتو لي ما تسوق لتاحد فتخسار لهضرة ما كيبغيش اخصرها قدام واليديه مي ملي كيجهل ما كيعقل تا على راسو بقا غير تخسار لهضرة ،نادية و عمر و إسراء ولاو بحال الى شي حد ضربهم بفردي خاوي تصدمو لواحد درجة لي ما كتصورش يعني گاع هاد لحزن لي عاشوه كان مخطط ليه نطق بصوت باين فيه صدمة و بحال الى كيقول ليهم كدبو هادشي
عمر: واش هادشي بصح ااا
نادية عينيها دايزين نطقات: قولو هادشي كدوب اللهم يكون بصح خانك ولا هاد لحالة
نطقات احلام و هي كتبكي: ما كان عندي تا خيار اخور هدداتني راه غدخلو لحبس و انا عارفاكم الى شفتوه داخل لحبس غادي تمرضو داكشي لاش ضحيت براسي و بزواجهم مي و الله تا درت هادشي كلو غير باش مانخسروش و الله
نطق سيف الدين بجدية واضحة و الم: مي خسرتيني اأحلام
على هاد لكلمة شهقات نادية حيت ياله ردات لبال لفراح لي ملي كان كيعاود ليهم سيف الدين جلسات فأرض و بدات كتأوه بألم كتحس فلماس فكرشها و فظهرها لتحت
نادية: فراح مالكي
سيف الدين تلفت لفراح بخوف بانت ليه عاضة على شفايفها و دموعها دايزين و كتأوه بألم رجليه فشلو عليه دماغو حبس دغيا تبدل مشا كيجري لعندها تحنى عليها و بدا كيخبط ليها فحناكها بخوف: فراح مالكي اش واقع فراح نطقي دوي
جاو كلهم تجمعو عليها و هي والو واش نطقات واحد لحظة تجهد عليها لألم غوتاات و نطقات: ااااي كرشي ااامممم كرشي كنموت عتقوني عافاكم
نطقات نادية بتوتر: ياكما جاها لوجع و خاصها تولد
نطقات احلام بخوف: اه راه قالت ليها طبيبة ماغاديش تكمل شهر تاسع
نطق سيف الدين بخوف موجه لكلام لعمر: لواليد هانت عاوني غير نهزها
سيف الدين حس بضعف فهاد لحظة ما قدر تا يهزها حيت ليد لي عندو نطق عمر بجدية
عمر: لا راك مريض انشوفو الى مقدراتش تمشى انهزها انا
سيف الدين تلفت لعند فراح كيشوف فيها بخوف و نطق: فراح هانتي بشوية عليك تنفسي مزيان قولي ليا تقدري تمشي غير شوية تال لوطو ااا
فراح جهد لي عطاه ليها ربي فشكل بقوة ما كطلب ربي فقيام ليل اسهل ليها لولادة امكن هو لي عونها اه ولادة ما كاين ما صعب منها خاصها توجع و تغوت مي فراح لا بحالا حشمات من عمر ماقدراتش تبدا تغوت كتافات فقط باش تخلي المها بينها و بين نفسها شافت فيه و لعرق هابط معاها حركات راسها بإيجاب اه ما قادراش تمشى بزااف ولكن شافتو شحال حس بضعف ما بغاتش تكمل عليه،جات لعندها نادية و احلام عاونوها تا وقفات و تمو غادين بها بشوية و سيف الدين سبقهم حل لوطو خرجوها و دخلوها ركبو و كسيرا عمر ما خلاش سيف الدين إسوق هزات إسراء تيلي و صونات لأدم لي مرة لولة ما جاوبش تا لمرة تانية

وقفات لوطو ديالهم قدام لگراج هبطو منها و تمو جارين ياسين لي كيترطا علاش لا و هو تفكر لجحيم لي عاش داك نهار فهاد لبلاصة دخلوه رماوه و سدو لباب بدا يوسف كيتني كمام ديال قميجة و نطق
يوسف: هي كنتي ناوي تزوج ليا بلمدام اا

يتبع...✏️
ارسول الله 🙆داكشي مع مع غير غوت بغات تبلزو ما حيلتها لأب ما حيلتها لولد تقول محامين عليها🙄