قصة بالدارجة المغربية🌹تحت عنوان🌹:#مصير عاشقين🔞

💞📝 بارت 54 📝💞

كانت مريم فاقت سمعات لحس و حلات عينيها بانو ليها مجموعين سرطات ريقها ملي سمعات طبيبة نطقات
طبيبة: كيف بقيتي
مريم بصوت خافت: شوية شكرا
طبيبة بدات كتفحصها: باش كتحسي
مريم : بدوخة و تحت كرشي عاطيني صداع
طبيبة: ان شاء الله مايكون والو ها تحاليل خرجو نشوفو اش عندك
حلات طبيبة تحاليل و بدات كتقراهم بعينيها تا سلات طواتهم و رجعاتهم فطابلية
طبيبة موجهة هضرتها لمريم: مهم رضي لبال لماكلة ديالك و متبقايش توتري و لا تعصبي حيت هادشي ماشي فصالحك ولا فصالح ديال جنين
كولشي وسع عينيه بصدمة تامن مريم سرطات ريقها و نطقات: جنين
طبيبة شافت ردة فعل ديالهم : اه سمحو ليا امكن ماكنتوش عرفين ان أنسة راه حاملة و فأسابيع لولة لي كايكون فيهم جنين فخطر داكشي علاش خاصها ترد لبال لراسها تا يفوتو على أقل هاد شهورا
إسراء لي عتقات لموقف منهم كلهم حيت مصدومين: ان شاء الله شكرا بزااف ادكتورة
طبيبة: عفوا هادي هي خدمتي
خلاتهم طبيبة و هما مصدومين تا نطقات مريم ملي شافتهم أيخرجو
مريم: أحلام واخا ندوي معاك
أحلام شافت فيهم بانت ليها إسراء خرجات و تا فراح تبعاتها و هادشي بحال الى كيقولو ليها دوي معاها
شافت فيوسف لي نطق : بقاي انا برى
كمل كلامو و خرج حدى فراح و إسراء و خلاهم بجوج مريم حادرة راسها وأحلام كتشوف فيها
أحلام بعتاب: اش هاد لحالة وصلتي راسك ليها
سكتات شوية و نطقات: شكون باباه
مريم هزات عينيها لي فيهم دموع: كنقسم ليك تاحد ما قاصني من غير ياسين
أحلام بعتاب: اوى فين هو ياسين لي كدوي عليه
مريم و دموع نزلو من عينيها: سافر
أحلام ضحكات بإستهزاء: حاجة متوقعة من واحد بحالو
مريم مسحات دموع: انا أنطيحو ميمكنش نخليه ماما اتقتلني
أحلام بنظرات فشكل: يوسف ايبقا برى باش يوصلك
ياله ضارت تخرج تا كتسمعها نطقات
مريم بندم: عافاك سمحي ليا أأحلام
أحلام بلا متلفت نطقات: منقدرش
مريم ناضت من فوق ناموسية تماشات لعندها و ضوراتها و عينيها محبسوش من دموع: عافاااك لي بغيتيها ديريها فيا غير سمحي ليا راني ندمت بزااف و دبا عاد عرفت بقيمتك
بدات كتشهق و كتشوف فيها بحزن و ندم و رجاء: عمر شي وحدة فكرات فمصلاحتي قدك ولا عطاتني قيمة هاني دبا شوفي حالتي مريضة و مع دلك مخليتينيش بوحدي
أحلام رجعات جوج خطوات لور و تاهيا دازو ليها دموعها: مستحيل رجعو كيف كنا امريم منقدرش نتيق فيك عوتاني
مريم شدات ليها فليديها وكتشوف فيها برجاء: مكنطلبش منك رجعو كيف كنا مهم غير سمحي ليا و نكونو صحبات مبغيتش نبقا بوحدي كنحس بحال الى كولشي تخالا عليا مابقيتش كنخرج من دار بزااف الله إخليك ا أحلام
أحلام بقات فيها : هانتي الى بغيتيني نسامح ليك عندي ليك شرط
مريم مسحات دموعها و نطقات بلهفة: شناهوا
أحلام سكتات شوية : مغاديش طيحي لولد
مريم خرجات عينيها مصدمة: لا لا منقدرش ا أحلام راه غتقتلني ماما الى عرفات عافاك الى هدا
أحلام زيرات ليها على ليديها ونطقات : نتي كتحسي بكولشي كيتخلا عليك و بغيتي تخلاي عليه براكا غير أغلاط لي درتي متزيديش تا هاد غلط و طيحيه
مريم شافت فيها بتوتر: منقدرش ا اأحلام
أحلام بتقة: خليه دبا تانفكرو فشي حل و الى اضطرينا راه نخلصو شي حد تا إتزوج بيك و تقولي حاملة و طلقو
مريم بتردد: معرفتش
أحلام: لبسي نتي حوايجك دبا باش نمشيو
اومأت ليها مريم بإيجاب و مشات جلسات فوق ناموسية حطات ليدها على كرشها و نطقات
مريم: واش لي غيكون جاي زوين ولا لا و لكن كنتمنى من كل قلبي تقدر تسامحني أحلام و تانت ملي تجي لهاد دنيا