🌞أصبحنا و أصبح الملك لله🌞
و كيف داز نهار لعيد دازو ايام من موراه و جا يوم لي غتحيد فيه فاطمة لبيض اه دازو 4 شهور و 10 ايام لوقت دغيا دازت و دكرى ديال عبد الله مزال متمحات بنسبة لفاطمة و لولادها
فاقت فراح تمشات ناحية دوش دخلات و بدات كدوش و مرة مرة كتشوف فكرشها دوي معاها و تبتاسم ولفاتها بزاااف ،سالات دوش و خرجات لبسات عباية كحلة و دارت زيفها و لبسات سندالا فلبيض و خرجات هبطات لتحت لقات نادية و أحلام كيفطرو
فراح بإبتسامة: صباح لخير
نادية و أحلام: صباح نور
فراح جلسات كتفطر معاهم تا نطقات أحلام: صافي واجدة نتيا
فراح بإبتسامة: اه انمشي نسبقكم باش نعاونها راكم عارفين راه دايرة صداقة
نادية وقفات : انمشي نلبس جلابتي باش نمشي معاك
اومأت ليها فراح و نطقات أحلام بتساؤل: و انا اماما
نادية : غسلي ماعن و تبعيني تا لغدا بلا مديريه راه مجايينش لا خوتك لا عمر لغدا
أحلام اومأت ليها راسها: صافي واخا
مشات نادية لبسات جلابتها و جات عند فراح و تماشاو خارجين متاجهيين لعند فاطمة لي كانت دارها عامرة و ريحة طياب خارجة من دار
دخلو و سلمو عليها و بدلو حوايجهم و مشاو كوزينة كانت جايبة لي طيب كانت دايرة كسكسو و ناوية تجيب طلبة باش إقراو لقرآن ، مشات فراح لصالون ناوية تجمعو لقاتو مجموع مشات غير لبيت تجمعو تا كدخل عليها إيمان تا هيا معاوناها سالاوه مشاو لبيت لاخور تاهوا جمعوه اوى هنا جلسات فراح عيات بانت ليها احلام داخلة جلسات حداها
أحلام شافت فيها بشك: جهدتي على راسك ياكي
فراح كتشرب لما: اووف عيت
وقفو كلهم ملي سمعو صوت كيتجهاد عرفو ناس بداو كيجيو خرجو كيستقبلو ناس دخلو لعيلات مقسمين فجوج بيوتة و رجال فصالون كان منهم تا عمر و رشيد و عبد المجيد(بابات عمران) و تا عمران و بدر و يوسف كينين
اوى وصلات 17:35 عاد جاو گاع ناس هادو حالة لمغاربة تقول ليهم بغيناكم لغدا مع 15:00 إجيو ليك لكاسكروط مع 18:00
اوى حطو لغدا و تغداو ناس و دعاو معاه برحمة وصل لمغرب كانو ناس فديورهم تا حد ما بقا اوى روينة وحلات فيهم هما بقاو كيجمعو و فراح لي كتحس بلعيا و ظهرها من تحت عطاها صداع بزز منها احلام جلساتها اوى بقاو فديك روينة تا سلاوها و دخلات فاطمة دوشات وخرجات لبسوها بيجامة فلخضر و فيها وريدات فلخضر مغلوق و لباج و دايرة زيفها فلباج جلساتها فاطمة دارت ليها لكحل و عطاتها سوك و هي عينيها دمعو بلا متحس هادي هي عادات ديالهم لمرأى ملي كتبغي تحيد لبيض كدير هادشي
سالاو و خرجو جلسو فصالون حاطين اتاي و حلوة و كيكة و حرشة و كريب مهم اي حاجة بغيتيها راه محطوطة فوق طبلة لي فراح غير كتاكل و تبنن و حداها أحلام تبرد ليها قهوة و تعطيها و كاينة تا إيمان و عمران و صفاء و تا نادية و عمر و رشيد و يوسف و بدر كولهم جالسين سمعو دقان وناض بدر يحل لباب
برى كان سيف الدين و أدم جايين و هازين فليديهم ميكات تا وصلو لباب و صونا تيلي ديال سيف الدين شاف فادم و نطق
سيف الدين: ادم سبق هاني جاي
و داكشي لي كان تقدم أدم و دق تا حل ليه بدر لباب و ياله ايسد سمعو نطق
أدم: غير خليه راه مزال جاي سيف الدين
بدر اومأ ليه و دخل تابعو مخلي لباب محلول
دخلو و أدم سلم عليهم كولهم و جلس : ناري كتاكلو بلا بيا
فاطمة بإبتسامة: و نت اوليدي لي تعطلتي
أدم بإبتسامة: هاني جيت تا دبا مامفاكش تا ناكول
نادية بإبتسامة: لي شافك يقول مجوعاك
أدم كلا من كيكة و جغم من قهوة: لا اميمتي راه طياب فراح لي مايشبعش منو لواحد
هنا كولشي ضحك و نطقات أحلام : اوى هي لي مطيباهم
فاطمة ضحكات و نطقات: فيناهوا خوك لكبير اولدي ادم
أدم خرجات ليه لقهوة من نيفو بقوة ضحك : خالتي شتك صغرتيني إنا ولد علاش كدوي هه
فاطمة بان ليها سيف الدين دخل لقا سلام و جلس نطقات بإستغراب: ياك سيف الدين هو خوك لكبير
سيف الدين بتاسم بجنب فمو و خبط كتف أدم : كنقول ليك براكة من تبرهبش راك كتبان باقي مبرهش
أدم عقد حواجبو: راه نت أصاحبي لي كتبان شارف
فهادشي كلو كولشي كان كيضحك الى واحد شخص لي جاتو بحال تصرفيقة نطق و هوا كيشوف ففاطمة
عمر: ختي فاطمة واخا تشرحي ليا كفاش هاد خوك لكبير حيت ادم راه كبر من سيف الدين
فاطمة بإبتسامة: اه والله ما كانت فخباري حيت نهار شفنا انا ولمرحوم سيف الدين كان عند بالنا هو ولدك لكبير
اوى هنا عمر وقف مصدوم غوت بصوت عالي : كفااااااش
هنا كولشي شاف فيه بإستغراب نطق رشيد بمزاح: راه ادم لي خاصو إتقلق ماشي نت
عمر مكانش هنا جملة وحدة لي كضور فراسو و لي هي" انا مكرهتش الى بنتي كانت موافقة بغيتك تزوجها لولدك لكبير" هو هنا عرفو كان داوي على سيف الدين ماشي أدم
شد راسو بليديه و كلمة ففمو لي كينطق بيها و كولشي سمعها لي هيا
عمر: اش درت اش درت انا اربي اش درت
نادية حيت كانت جالسة حداه شدات ليه فكتفو نطقات بتساؤل: مالك اعمر ياكما كاين باس
عمر هز راسو كيشوف ففراح و أدم و سيف الدين لي كل واحد كيشوف فيه بإستغراب رجع شاف فنادية
عمر نطق بندم: خرجت على ولادي انادية خرجت على ولادي
رشيد عقد غوباشتو و نطق: عمر اش واقع
عمر نطق بتردد و حزن: وصية لي طلب مني مرحوم مكانتش نزوج فراح بأدم
سرط ريقو ملي شافهم كلهم شافو فيه بإستغراب : طلب مني نزوجها لسيف الدين
هنا نادية و أحلام و إيمان و رشيد و عمران و بدر و يوسف كلهم نطقو دقا وحدة: كفااااااش
اما تا فراح و ادم و سيف الدين مصدومين
و هنا عندك فاطمة لي مافاهمة والو اما تا رشيد معاود ليه عمر و يوسف
نطقات فاطمة بتساؤل: اشمن وصية
جوباتها نادية: تال من بعد و نشرح ليك
رجعات نادية شافت فعمر و نطقات: ونتا شرح ليا كفاش بلان هاد زواج
عمر سرط ريقو و بدا كيعاود ليهم اش قال ليه عبد الله بضبط
كمل كلامو و نطق: و انا عند بالي كيدوي على أدم حيت هو ولد لكبير
فهاد لحظة كولشي ضار شافو فتلاتية أدم لي مصدوم و حال فمو و عينو و فراح لي عينيها مغرغرين كتشوف طول هاد مدة و هي كتعدب على والو اصلا لي باغيها باباها تزوج بيه هي بليديها بعدات منو و منساوش سيف الدين لي كان عقدهم و عينيه حمرين و مزير على قبضة ديال ليديه
نطقات فاطمة بعدم تصديق: دبا نتوما زوجتو أدم و فراح ببعضياتهم على قبل وصاية و انا كنقول كفاش تا قبل سيف الدين و طول هاد لمدة و انا كنشوفو كيف مهتم بيها و تاهي هكاك فلخر صدقو بعاد على بعضياتهم بسباب وصية غالطة ياكو هادشي لي كتقصدو
أحلام كترمش بزربة: لا لا هادشي بزااف تزيدوني صدمة خرى نموت هنا
عمر شاف فسيف الدين لي عروقو برزو : ولدي سمح ليا
سيف الدين نطق من تحت سنانو : علاش انسمح ليك
عمر هبط راسو بحزن و نطق: حيت بسباب هاد سوء فهم فراح ولات مرت أدم
هنا سيف الدين بتاسم بإستهزاء و نطق: بغيتي تقصد مراتي
كولشي هز راسو بإستفهام كيشوفو فيه واش حماق
سيف الدين شاف فأدم لي هاد أخير تاهوا شاف فيه و بتاسم
ادم نطق بإبتسامة: فراح راه مزوجة بسيف الدين ماشي بيا
كولشي نطق بصدمة و منهم تا فراح : كفااااااش
أحلام وقفات مخرجة عينيها: كفاااش مكضحكوش ياكو حسيت بيكم بغيتو تقتلوني فابور ياكو
سيف الدين شاف فيها بجدية و جبد بزطامو و جبد منو عقد ديالهم: مكنتفلاش فراح راه مرتي و ها دليل
حط ليهم عقد فوق طبلة ديك ساعة هزو عمر و بدا كيقرى فيه و كل كلمة كيقراها كيتوسعو عينيه
عمر بصدمة: مرتو
نادية كتحس بشقيقة طلعاتها: وكفاش وقع
أدم نطق: انا نقول ليكم كفاش
بدا كيعاود ليهم و كل حدت كينطقو هما كيتصدمو و كيشربو لما باش يدوزو صدمة
🌹فلاش بااك🌹
(عقلتو على نهار لي سيف الدين سكر و كان بغا يغتاصبها فلخر مغتصبهاش مي نعس حداها و فصباح جات فيقاتهم احلام دخل دوش و خرج ملقاهاش اوى هادشي لي كيقول ادم وقع داك نهار)
يتبع....✏️
اوى هادشي لي بغيتو اوى هاني فرحتكم🙄🤦
يله هاني صدمتك عوتاني صدق مزوج بيها هو اصلا داكشي لاش صابر على هبال أدم 🙄🤦
أنت تقرأ
قصة بالدارجة المغربية🌹تحت عنوان🌹:#مصير عاشقين🔞
Narrativa generale🌺 بقلمي✍️: خولة غزالي 🌺ملقبة:Khãöũlæ Ęl جيت و مجيتش بيدي خاوين 🤤😋بعد 7 سنين ديال قرائة 💢💫جبت معايا قصة جديدة مختالفة و قنبلة🥵🔥ولأول مرة قررت غادي نشارك معاكم قصة لي حطيت فيها گاع داكشي لكنبغي و كتبغيو ✨💯مزيج بين واقع و الخيال 👌🔥قصة بع...
