❣️QALBINA ❣️ (KECE ZAKI FIDDA NI)

Chapter 88

Hibba

Bayan kusan tafiyan 30 minutes sai gamu nan a katafaren gidan Hassan, motoccin mu sukayi parking cikin harabar gidan, Hassan ya fara saukowa da kanshi ya bude mun kofar, sa'anan ya taimaka mun, da bisimillah na sauko daga cikin moton ina jin wani irin sanyayen dadi a raina na soma bin gidan da kallo don ji nake kamar nayi wata da wattani rabona da gidan, "oyoyo Anty Hibba!! Oyoyo!!"

Cikin sauri na waiga naga Faheema ta nufoni a guje, cike da farin ciki na bude mata hanayena tazo ta fa'da na rungumeta tsam cike da tsan tsan farin ciki ina jin wani irin dadi na mamayeni "Anty Hibba kin dawo.... sannu da zuwa nayi missing dinki sosai"

Kara matseta nayi a jikina "nima nayi missing dinki sosai Faheemana"

A hankali ta da'go tana dubana da cute innocent eyes dinta sa'anan ta dubi daddynta "Daddy...." ta kira sunansa a hankali

Murmushi ya sakar mata yace "yes princess"

"Ka kawo Anty Hibba"

Ya Gyada mata kansa yana murmushi

"Nagode daddy, nagode daka kawo mun Anty Hibba, daga yanzu bazan sake zama ni kadai ba"

Dariya mukayi gabadayan mu, Faheema cike da doki taja hannuna cikin yan' mitsi mitsin nata muka karasa cikin gidan, tun daga babban parlor na main entrance din gidan aka soma mun sannu da zuwa, Madam Laide, Barakah da sauran masu aikin gidan suka nuna farin cikinsu sosai na sake ganina suna tambayata ya jiki nace musu da sauki alhamdulillah, Barakah kamar zata hadiyeni sai faman nuna farin cikinta take a filli, da kanta ta dinga taya kwaso kaya ana kaiwa ciki, harda magunan Faheema kian da Alfan suma sai da suka zo mun sannu da zuwa, sunata faman zagayeni, muna cikin haka aka kira Hassan a waya, naga ya ciro yana dubawa ya kara a kunne nan take mood dinsa ya dan' canza yayi excusing kansa yace dani yana zuwa bari yayi answering call din, nace mishi toh, I was a little bit worried yanda naga mood dinsa ya canza nayi shiru ina tunanin waye ke kiransa haka, ko wajen aikinsa ne? Ina tsaye ina wanan tunanin Faheema ta kamo hannuna ta jani zuwa sama, Madam Laide na biye damu, Faheema na bani labarin yanda take gyara dakin tare dasu Madam Laide, tace duk ita take komai. Dariya kawai muka dinga yi nida Madam Laide muna sauraronta har muka karasa dakin, muna shiga dakin na tadda Ko ina fess, kayana a gyare komai an kimsa mun shi, sai faman fidda kamshi dakin yake, a hankali na karasa ciki ina bin ko ina da kallo, Madam Laide ta karaso ta kunna wutan dakin, taje bayi ta kunna mun water heater, abubuwan data san zan bukata wajen wanka duk ta ha'da mun a bayin sa'anan ta fito tace idan na huta zan iya shiga na watsa ruwa ta ha'da mun komai, naji dadi nace da ita nagode,

"Akwai wani abu da zan tayaki dashi bayan wanan?" Ta tambayeni

Nayi saurin girgiza mata kaina "babu komai zan karasa da kaina nagode Madam Laide"

Gyada mun kanta tayi sa'anan taja hannun Faheema "oya muje mu bawa Antynki wuri ta dan kimsa ko? Kema kinga lokacin lesson dinki ya kusa and you've not had your lunch" ta fada tana jan hannunta a hankali, nayi noticing yanda su Madam Laide suke treating din Faheema babu hostility a ciki, suna bi da ita yanda ya kamata ba kamar lokacin Maryam ba wanda ko a gabana bata shaka zatayi treating dinta anyhow.

Shiru Faheema tayi tana dubana sa'anan tace "Okay Madam Laide amma ina gamawa zan dawo wajen Anty Hibba ko?"

"Eh zaki dawo"

Nan take ta saki murmushi ta juyo tana fuskantata tace "toh Anty Hibba, ki shirya anjima zamuyi wasa nida ke a daki idan na dawo"

Dariya nayi nace "toh shikenan Faheema, ina nan ina jiranki, sai kin dawo"

Haka madam Laide tajata suka fita, a hankali na mike na karasa bayi tunanina duk yana kan Hassan don har yanzu shiru bai leko ba, lafiya? Jiki a sanyaye na karasa bayi, komai a hankali nake bi na soma tu'be kaya na tara ruwan zafi cikin bathtub na dan' sirka da normal ruwa sa'anan  na shiga ciki na zauna ina ajiyar zuciya, zafin ruwan na ratsa ko wani ilahir na jikina, a hankali na lumshe ido ina tunanin Hassan, meye ya dauke mishi hankali haka? Waye ya kirasa a waya? Tambayar da naketa yiwa kaina kenan na kasa samun ansa, zuwa yanzu nayi zurfi cikin lamarin soyayyarsa wanda ya kaiga duk abunda yake ciki ina so na sani, duk abunda ya shafi rayuwarsa ina so na kasance ciki, a haka ina zaune inata faman tunani tunani har naji jikina ya gasu yanda nakeso sa'anan na janyo soso da sabulu na soma wanka, na cuda jikina da kyau, duk wani dauda da jinyar asibiti sai dana tabbatar na wanke daga jikina tukuna na fito na jini fresh.