❣️QALBINA ❣️ (KECE ZAKI FIDDA NI)

Chapter 19

Hibba

"Ya akayi kasan size dina?" Na watso mishi tambayar ina zaune a gefenshi yana driving,  tunda muka baro airport naketa faman sake sake a raina ina tunanin halin da zanje na tsinci kanina ciki, Shiru yayi daga bisani naji yace

"I notice everything about you"

A hankali na juyo ina dubansa ina karewa kyawawar fuskarsa kallo, tun daga kan siririn hancinsa kamar an zana masa shi, zuwa ga dararan idanunsa dake zagaye da yalwan gashin ido dana gira, da karamin bakinsa kamar na mace, komai nashi is perfect tamkar shi yayi kansa, ina mamakin yanda baya samun jerun yan'mata suna rububi akansa, koni nasan da different circumstances muka ha'du I wouldn't mind being with him as his gf.

Speaking of gf.... kodai yanada yan'matansa da ban san dasu ba? Tunda akwai abubuwa da dama da har yanzu ban sani a game da rayuwarsa ba, misali kamar wanan kyakwar Maryam dana gani a gidansa ranata ta farko, kodai matarsa ce ban sani ba? Tunda itama tana zaune a gidansa, nan take naji wani iri can kasan raina. Wata zuciyar tace mun toh da matarsa ce ai da kin gano tun farko, a hankali zuciyata ta karkata zuwa ga wanan kyakywar yarinyar Faheema, inada tabbacin wanan diyarsa ce tunda yayi mun confirming hakan a jirgi. Hakan yana nufin Hassan yanada macen data haifar masa Faheema kenan, kodai itama mahaifiyar Faheema mistress dinsa ce kamar ni? Gabadaya naji tunanin bai kwanta mun ba.

A hankali na sauke ajiyar zuciya ina kallon wani gefe, ya juyo yana dubana yace "what is it?"

"bakomai, kawai ina tunanin wani abu ne" 

"Care to share?"

"A'a" na bashi ansa ina girgiza kai

Bai sake ce komai ba ya cigaba da driving, naji dadi da bai takura akan sai lallai na fa'da mishi abunda nake tunani ba, na juya ina kallon cikin garin Abuja munata faman wuce tituna da mutane, wutan lantarki ya haskaka ko ina kasancewa garin ya soma duhu, yamma ta gabato. Sai faman kalle kalle nake ina bawa idona abinci don yanayin garin yayi matukar burgeni.

Munyi tafiyan kusan 15 mins naga ya juya ya shigar damu wata haddadiyar unguwa, iya tsaruwa ta tsaru, bamu tsaya ko ina ba sai gaban wata katafaren building da aka rubuta SOORAJ resort and hotels, na sake baki ina bin building din da kallo, ada ina tunanin naga gidaje a Lagos sai naga wanan ba komai bane, wani irin yarr naji a jikina tsigar jikina suka mike, sai yanzu nake kara tabbatar wa kaina irin mutumin da nake tare da, da kuma girman arzikin da Allah ya wadata shi da.

Muna parking wani mutum ya karaso cikin sauri inda mukayi parking, ya soma gaishe da Hassan cike da girmamawa kamar zai masa sujada, "welcome sir... hope you arrived safely sir"

A tsanake cike da izza da kamala Hassan ya bude kofa ya fito, ya juyo yana fuskantar mutumin ya mika masa key "take good care of it Idris" ya fada yana nuna bakar motar da muka taho ciki wanda tun a airport aka kawo mana tana jiran mu.

"Okay sir...no problem sir" Idris ya karba makulan daga hannunsa.

Kafun Hassan ya karaso harna fito daga cikin motar, ina karewa ko ina kallo, yanda motoci suketa shiga da fita

"Anan Ammar yake da zama?" Na watso masa tambaya

"Hmm.." kawai yace, ya kamo hannuna zai jani ciki, sai ga wani yaro matshi sanye cikin kananan kaya shima cike da girmamawa yazo ya soma gaisheshi, muna ha'da ido ya sakar mun murmushi, nayi saurin kawar da kaina gefe.

"Take my luggage to my room" Hassan ya fada mishi, babu musu yaron ya dauki jakan ya juya ya tafi, mu kuma muka karasa ciki.

Muna shiga numfashina kusan daukewa yayi saboda tsabar haduwar wurin, ko ina zagaye da wutan lantarki masu matukar kyau da daukon ido, wasu tables ne a jere daga entrance din shiga building din da ma'aikata zaune suna jiran su tarbi duk wanda ya shigo, ta daga bangaren dama hanyar shiga cikin resort dinne da bodyguards zube ko wani lungu da saku, sanye cikin bakaken suits da earphones a kunnensu, sai faman baza idanu suke suna kallon duk wani shiga da fitan da akeyi ciki.

Har mun sa kafa zamu shiga elevator mukaji wani ya kira sunan Hassan, tare muka juyo naga wani dogon mutum, yanada murdaden jiki, sanye cikin kananen kaya ya karaso inda muke tsaye

Hassan na ganinshi fuskarsa ta barke da murmushi "a'a Mufasa... long time no see my man, kwana dayawa"

Dariya shima Mufasan ya sake ya mika masa hannu suka soma gaisawa, hira ta barke tsakaninsu, suka barni tsaye a gefe kamar ba'ayi ruwana a wajen ba sunata faman hiran business dinsu, a hankali naja gefe rungume da jakata, ina cikin kalle kalle na idanuna suka fa'da kan wata fuska, nan take kirjina ya harba ta matsanancin karfin gaske nasha jinin jikina.

Lukman ne zaune akan da'ya daga cikin kujerun wajen, sanye cikin suit, ya kuramun kyawawan idanunsa yana kallona ko kyaftawa baya yi, muna ha'da ido ya sakar mun murmushi wanda sai daya sa hantar cikina ka'dawa, wani irin tsoro da firgici ne ya ziyarce ni lokaci guda, a hankali naga yakai hannunsa ya dauko glass cup mai dauke da lemu ya da'ga mun sa'anan ya kai bakinsa yana kurba still idanunsa kyam akaina.

Kiran sunana da Hassan yayi ne ya farfado dani na dawo cikin hayacina, na juyo cike da firgici ina dubansa, ya janyo ni kusa dashi muna fuskantar Mufasa, wanda ya sakar mun lalausar murmushi ha'de da kashe mun ido da'ya "Hibba ko?"

Gyada masa kai kasai nayi zuciyata cike da firgici.

"Tun yaushe kuka fara dating da Hassan?"

"Mene?" Na tambayeshi cike da rashin fahimta.

"ya isheka haka Mufasa, sauri mukeyi" Hassan ya fada yana kokarin jan hannuna fuskarsa a daure murtuk, kamar bai so tambayar da Mufasa yake mun ba

Dariya Mufasa ya sake "alright alright ... you know I was just teasing" ya fa'da still yana murmushi  "mezai hana gobe da dare muyi dining tare? It's rare ace dukanmu biyar mun hadu a wuri daya lokaci da'ya"

"What? Don't tell me he's around too"Hassan ya fada fuskarsa a daure. Ban san maganar wa sukeyi ba, amma yanayin da mood din Hassan ya canza ya tabbatar mun, koma waye basu shiri.

"Don't be like this my man" Mufasa ya fa'da yana dafe kafadar Hassan "kazo mana da Hibba gobe, she'll help us brighten the mood" ya karasa yana kashe mun ido da'ya, saurin kawar da idanuna nayi.

Shiru Hassan yayi daga bisani yace "fine... but kar kuyi expecting wani friendly encounter daga side dina"

Shrugging kafadarsa Mufasa yayi kamar bai damu ba yace "like always"

Da wanan sukayi sallama kowa ya kama gabansa, muna shiga cikin lift, na waiga naga Mufasa ya karasa inda Lukman yake zaune suka soma hira, nan take naji wani irin abu ya tsargar mun, daman sunsan juna? Kodai shine wanda suke magana dayasa mood din Hassan ya canza? Tambayoyin dana shiga yiwa kaina kenan ban samu ansa ba.

A 10th floor, lift din ta tsaya tsabar firgita har ina neman faduwa, sai da Hassan ya rikeni tukuna jikina na wani irin kaduwa, lokaci yayi da zan ga kanina bayan wata da watani, ya Allah kasa na sameshi cikin koshin lafiya, na fa'da a raina. Muna ha'da ido da Hassan, ya sakar mun lalausar murmushi yana kokarin kwantar mun da hankali, but I can't help myself, dogon numfashi naja muka fito daga cikin lift din tare.