❣️QALBINA ❣️ (KECE ZAKI FIDDA NI)

Chapter 86

Hibba

Murmushi ya sakar mun ya kamo hanuna cikin nasa yana murzawa a hankali sa'anan ya karaso da hannunsa zuwa cikina ya soma shafa yana lumshe ido " zuwanki cikin rayuwata kin sani farin ciki irin wanda ban ta'ba tsintar kaina ba ciki, a duk sanda na kalleki sai na tsinci kaina cikin tsantsan farin ciki, ina sonki fiye ga komai a duniyar nan Hibba, babu wata macen da nakeso sai ke, I love you more than life it'self, you're mine, komai naki nawane, zuciyarki nawane, gangar jikinki da komai da komai harta wanan ma nawane..." ya karasa maganar yana cigaba da shafa kasan cikina, lafewa nayi a jikinsa ina cigaba da sauraronsa, maganganunsa har cikin kahon zuciyata nake jinsu. Ban ta'ba tunanin zan tsinci kaina ciki tafkin kaunar wani da' namiji ba sai akan Hassan, so da kaunarsa ya gama mamayemun zuciyata, a hankali na mika hannuna na daura bisa gefen kyakyawar fuskarsa muna kallon cikin kwayar idanun juna nace "kaima kana sani farin ciki, a kullum kara godewa Allah nake dayasa na ha'du dakai cikin rayuwata, dabadin kai ba bansa ya rayuwa zata kaya dani ba, you're my everything now"

Lumshe ido yayi ya juyo da fuskansa ya sumbaci cikin tafin hannuna "nagode babyna, kuma insha Allah bazaki ta'ba nadamar kasancewa tare dani ba"

Murmushi na sakar masa, kafun na bude baki nayi wata magana mukaji anyi knocking an turo kofar, Nurse Priya ce ina ganinta na soma kokarin mikewa daga jikinsa, shi kuwa ya rikeni gam yaki sakina har ta karaso, wani irin kunya ne ya lulubeni ganin yanda tazo ta tadda mu, shi kuwa ko a jikinsa, ni na jima da sanin Hassan baya jin kunyar irin waenan abubuwan a gaban kowa zai iya nuna affection dinsa akaina. Priya Murmushi take kasa kasa muka gaisa ta tambayeni ya jikin yanzu nace da sauki, "ai oga yazo yanzu dole zazzabin ya tsaya, he's part of your medication you know" ta karasa maganar tana dariya, sunkuyar da kaina nayi ban bata ansa ba, shi kuwa Hassan ya soma dariya a hankali.

A hankali na da'go idanuna suka sauka kan tray din data ruko, magunguna ne da allura, ina ganin maganin naji hankalina ya tashi, akwai wani kwaya blue dashi, ko warinsa bana so naji don jiya shi ya dinga sani amai, yanzu haka ma wani amman ne naji yana kokarin taso mun ganin maganin kawai, nan take na ba'ta rai,

Hassan ya dubeni "menene?"

Na girgiza masa kaina "nidai bana so.... kace musu su canza bana son wanan kwayar ammai yake sani"

"Wanne kenan?" Ya tambayeni yana dubana

Na nuna masa tray din da Priya ta ruko, kallon tray din yayi, suka ha'da ido da priya, Priya ta dan' saki murmushi tace "uh oh...badai wanan maganin bane baki so? Toh ai it'a part of your prescription, you have to take it, ko baki so ki samu lafiya"

"A'a nidai ku canza mun bana son wanan" na karasa maganar a shagwabance ina kara lafewa a jikinsa. Shiru Priya tayi tana kallon ikon Allah ganin yanda duk nabi na marairace akan maganin. Mikawa priya hannu Hassan yayi yace ta miko masa maganin "don't worry just give it to me zata sha"

Mika masa maganin priya tayi tace "toh alluran fa.. ko shima baki so?"

Nidai banida matsla da allura, maganin nedai kawai zan karba alluran, tace toh ina kwance a hannunsa tazo tayi mun alluran, sai faman bina da kallo take tana murmushi nasan aranta zata ce oh oh wanan kuma wani sabon salo ne?

Priya na gama mun alluran tace na tabbatar nasha maganin kafun ta kawo mun abunda zan karya don a empty stomach ake shansa, Hassan yace karta damu zansha, tace toh ta juya ta fice daga da'kin. Priya na fita Hassan ya mike yaje ya dauko glass cup daga fridge ina kallonsa naga ya karasa wajen water dispenser ya debo ruwa, ina ganin ya nufo ni da ruwan daya debo nayi kicin kicin da fuska "dan Allah kayi hakuri karka kawo mun wanan maganin bazan iya shansa ba"

Bai ce mun kala ba ya karaso ya ajiye ruwan a gefe, sa'anan ya da'goni ya jinginar dani a jikinsa ya janyo tray din, ganin da gaske yake zai bani maganin nasha don dole na fashe mishi da kuka ina magiya " dan Allah ka taimaka ka dauke mun maganin nan daga nan, idan nasha amai zanyi, I can't take it"

Sheshekar kuka na somayi, ya tsaya cak ya tsareni da idanunsa yana bina da kallo " haba sweetheart yanzu meye abun kuka anan don ance kisha magani, duk fa na samun lafiyanki ne, ko baki son ki samu lafiya mu bar wajen nan?"

Na girgiza masa kaina "ina shan magani, wanan ne dai bana so"

"Wanan dinma is important, duk maganin da kika gani anan babu na yarwa, duk tare zasuyi aiki a jikinki, kinji dai abunda Priya tace"

Shiru nayi na noke masa kaina ina cigaba da sheshekar kuka, ganin da gaske nake bazan karbi maganin nasha ba yasa ya saki ajiyar zuciya "okay toh shikenan zamu sha tare, zan tayaki shan maganin"

Dagowa nayi ina dubansa fuskata sha'be sha'be da hawaye. Bai sake cewa komai ba, ya dauko maganin ya ba'lle su guda biyu a taffin hannunsa sa'anan ya janyo glass cup na ruwa, maganin ya jefa gabadaya cikin bakinsa ya soma taunawa ba tare da yayi kuskuren ha'diyewa ba yayi sipping ruwa daga cup, kallonsa nake cike da mamakin abunda yakeyi, naga ya duko daidai saitin fuskata, nan take na fahimci abunda yake kokarin yi na zaro ido gabana ya harba da karfin gaske, na soma kokarin mikewa da'ga jikinsa ya rikeni gam, kamo fuskata yayi da hannunsa ya matsoni sosai yakai bakinsa kan lips dina, a hankali ya bude lips dina da labbensa ya soma tsiyaya mun maganin a bakina, freeze nayi a hannunsa na cije hakorina naki karba, naji ya dan sa force, numfashina ne ya soma neman tsarkewa ai babu shiri na bude bakina, gabadaya maganin dake bakinsa sai daya tsiyaya mun tass na ha'diye, ko daya gama bai da'go ba ya zarce da kissing lips dina, sai daya tsotsa son ransa ya tabbatar da babu wani sauran trace din magani daya rage a bakinsa tukuna ya sararamun ya zare bakinsa daga nawa. Gabadaya nayi weak a hannunsa, ina ajiyar numfashi hawaye suka taru mun cikin idanu, ina jin ya sassauta ruko daya mun, na mike cikin sauri ina toshe hancina ina kokarin kwakulo amai cikin kakausar murya ya dakatar dani "don't try it... kar kiyi mun amai anan"

Ware baki nayi na soma masa kuka "me nayi maka da zaka sani nasha don dole, meyasa zakayi forcing dina"

"That's the only way you'll take it, naga allama dake da Faheema babu bambanci yanda zanyi mata haka zan miki tunda kukan magani kike"

Cigaba da sheshekar kuka nayi kamar wace aka yiwa duka, shima tun yana shashareni har yazo ya janyoni zuwa jikinsa ya soma rarashina yana bani hakuri yace nayi hakuri duk cikin samun lafiya nane.

**************************

A ranar Hassan bai je ko ina ba, yana nan tare dani a asibitin, ni kuwa ina kwance a jikinsa inata faman masa shagwaba, duk motsin da zaiyi idanuna na kansa, sam bana so yayi koda nesa dani, abinci ma shi ya dinga bani a baki, dukda ba wani sosai nake cin abincin ba, ya sani a gaba me nakeso naci ko ayi mun order nace mishi a'a banjin cin komai. Tea kadai nake iya sha. Ko da yamma da aka kawo mun wani dose din magani sai da akayi daga, hanyar daya bi dani da safe haka ya sake bi dani nasha wanan maganin, da kuka da roko da magiya.

Da dare order chicken wings yayi, yasa da'ya daga cikin bodyguards dinsa ya kawo mana, babu laifi dai na samu na dan' ci naman, shi kuwa yaqi ci. Nayi nayi dashi yace a'a wanan ba abincinsa bane, nayi shiru ina kallonsa, zamana da Hassan ban ta'ba ganinshi yaci wani kwakwaran abinci ba, ko fita mukayi wajen cin abinci iyakacinsa salad ko kuma yasha tea, na rasa gane kan wanan feeding habits dinsa, kwata kwata bai damu da abinci ba, kodai hakan yana da'ya daga cikin tsarin rayuwarsa ne? Or maybe akwai irin abincin da yake iya ci specifically, ina tsakuran namana ina kallonsa, ina ayano waenan abubuwan a raina, gaskiya things needs to change. He should brace himself up don yana tare da acici kamar ni, dole ya dinga cin abinci.

Bayan sallah isha, Sai ga Ammar nan, ya karaso muka gaisa tunda rana dayazo ya leka mu ya fice bai sake shigowa ba sai yanzu. Naga sunja gefe da Hassan suna tatatunawa, mostly akan komawarsa Abuja da kuma maganar karatunsa a Singapore, a nutse Ammar yake sauraron Hassan cike da ladabi har suka gama maganar nasu, Ammar ya shiga masa godiya. Yace ya gode sosai da wanan kokarin da suke bayan duk abunda ya faru still suna kokarin taimaka masa, Allah ya saka da alkair yasa sufi haka, nima cike da jin dadi nasa baki ina masa godiya, kashe mun ido da'ya yayi yana murmushi ni kuwa na sunkuyar da kaina saboda Ammar na wajen.

Ammar na fita, ya dubeni yace zaije ya dawo, he needs to go check on Faheema kafun tayi bacci, tun safe rabonsa da ita. Ji nayi kamar na bishi muje mu ganta tare, yace na kwantar da hankalina very soon za'a sallameni daga asibitin amma fa sai na dage dashan magani, turo baki nayi, ya saki dariya ya sunkuya ya kaimun peck a lips dina yana shafa kaina yace sai ya dawo.

Not edited.