❣️QALBINA ❣️ (KECE ZAKI FIDDA NI)

Chapter 36

Hibba

Cikin dan' kankanin lokaci na gama shiri cikin blue Abayan na karasa wajen madubi na danyi light makeup na shafa lipgloss da powder sa'anan na fesa turare na dauko highs heels din na kura musu ido, ban iya tafiya cikin heels ba amma dai yau zan gwada. A tsanake na soma sa takalman na karasa gaban madubi na tsyaa ina karewa kaina kallo, nayi kyau dai ba laifi, dan kwaliyan danayi ya boye gajiya da ramar dake tattare a fuskata. Mayafin abayan na dauko ina kokarin wrap round dashi naji yayi sallama ya shigo, cikin sauri na waiga na ganshi tsaye bakin kofa ya kura mun ido yana bina da kallo up and down, ya sakar mun lalausar murmushi "kinyi kyau sosai sweetheart"

Ban san sanda murmushi ya subuce mun ba, shima yayi kyau sosai sanye cikin suit dinsa as usual, kwantaciyar sumar kansa nan irin na larabawa ya kwanta ko ina akansa sai faman shekki yakeyi.

A hankali ya soma takowa har inda nake ya tsaya a gabana, kamshin daddaden turarensa ya cika mun hanci, na lumshe idanuna ina ajiyar zuciya munfi 2 minutes tsaye a wajen muna kallon juna ya kura mun ido ko kyaftawa bayayi, wani irin kwarjininsa ne ke tashi naji na kasa kallonsa na sunkuyar da kaina kasa ina kokarin gyara gyalen abayan dake kaina, a hankali ya kamo gyalen ya juyo dani muna kallon madubin dake manne jikin bango, ya tattaro gyalen ya zagaye kaina dashi ina tsaye ina kallonshi ta madubin, wani irin feelings ne nakeji yana tasar mun, ina jin yanda zuciyata take moving da matsancin sonsa, yanda yake mun tamkar mata da miji muna tsaye, "you're so beautiful" ya sake rada mun a kunne ina jin saukar dumin numfashinsa a gefen kumatuna ya daura kyawawar fuskarsa daidai saitin wuyana"and you smell so good too" ya fa'da yana shakar kamshin jikina ya lumshe ido ha'de da kaimun kiss a wajen. Nan take naji jikina yayi weak ya juyo dani ina fuskantarsa yakai mun kiss bisa goshina sa'anan ya kamo hannuna yace "kin shirya?"

Gyada masa kai kawai nayi ya kamo hannuna ya jani muka fito tare, anan lobby din hotel muka fito muka tarar baki nata shiga da fice, hannuna cikin nashi muka fito tare har zuwa inda yayi parking motarsa, wanan motar wata kala ce fara tass, very sleek, a raina na soma tunanin motocci har kala nawa ne dashi haka don duk fitan da zamuyi sai an canza mota, sai faman binmu da kallo ake, a kalli motar a kalleshi, ni kuwa na kara sauri don idon yayi yawa, shi kuwa ko a jikinsa bai ma san anayi ba, da kanshi ya bude mun seat din gaba na shiga na zauna sa'anan shi ya zagaya yaje ya zaune wajen driver ya tayar, wani irin sanyayen kamshi ne ke tashi a cikin motar, ya tayar da engine muka soma tafiya. Shiru ne ya ziyarci mu ina jin yanda bugun kirjina ke karuwa, a hankali ya sakala hannunsa na dama cikin nawa ya cigaba da driving yana murzawa a hankali, bai ce dani komai haka zalika nima ban ce dashi komai ba, muna cikin tafiya na lura kamar akwai motar dake binmu a baya.

A gaban wata hadadiyar restaurant mukayi parking muka tsaya, motar dake binmu ma taja ta tsaya. Bodyguards guda hudu ne kowanansu cikin suit suka fito na hango Habib cikinsu. Kallona yayi ya dauke kai ganin boss dinsa tsaye a wajen, daya daga cikin bodyguards dinne ya karaso ya karbi key a hannun Hassan yaje ya gyara parking motar, Hassan yaja hannuna muka karasa ciki, sai faman kalle kalle nake don wurin iya haduwa ya hadu ga hasken wutan lantarki ya karade ko ina, gwanin sha'awa, Hawa uku ne restaurant din, wajen private area VIP muka karasa, su Habib na biye damu suka tsaya wajen kofa, nida Hassan muka karasa ciki, wani ma'aikacin wurin ne ya karaso jiki na ba'ri ya tarbe mu "Mr Sooraj... welcome sir. I have your table ready for you"

Gyada masa kai kawai Hassan yayi muka karasa ciki muna biye dashi, wani irin sanyi ne da dadadden kamshi abinci ke tashi a wajen, nan take naji miyau na ya tsinke. Ya kaimu wajen wani section table na zaman mutum biyu muka zauna. Ba tare da ba'ta lokaci ba aka kawo mana menu, shi Hassan wata tsadadiyar wine ya bada order a kawo mishi ya dubeni yace na duba menu din duk abunda nakeso na za'ba a kawo mun. Na karba na soma dubawa, duk yawancin abincin da nake gani a menu din ba irin abincin dana saba ci bane, nayi concentrating ina kokarin naga ko zanga shinkafa da salad da kaza, tunda nazo Lagos ita nake ci, don abincin yayi mun sosai, sosai nayi zurfi cikin karatun banga abunda nakeso ba na'dan bata fuska.