Fake Love Spell (Completed)

Chapter 69

Chapter 69: Celebration

Pearl's Pov

Bago kami nag-punta sa celebration party na plinano nila, umuwi muna ako sa bahay para makapag-palit ng damit at para makapag-paalam na rin kay Mom at the same time. Mabuti at pinayagan niya ako kasi kasama ko naman raw si Dwight. Ang laki talaga nang tiwala ni Mom sa lalaking iyon.

"Okay ka lang ba talaga? Hindi ka pagod o inaantok?" tanong sa akin ni Dwight habang nasa loob kami ng kotse niya.

Ngumiti ako ng matamis, "No, okay lang ako!"

"Sure?" pagkukumpirma pa niya.

Tumango lang ako bilang sagot.

Pagka-pasok namin sa restaurant, kompleto na sila at kami na lang pala ang hinihintay. Ewan, binayaran yata nila ang restaurant na ito para masolo namin ngayong gabi. Ang yayaman nila, grabe...

Nginingitian ko lang ang mga ka-team ni Dwight na bumabati sa amin para naman hindi nila isipin na isnabera akong tao.

Per five ang upuan sa bawat lamesa kaya sinabi ko kay Dwight na pumwesto na kami sa table nila Whiskey.

"Hi girl, mabuti't naka-punta ka..." bati sa akin ni Bianca.

"Ang lupit nang tadhana, ako lang ang walang kapareha... Ginagawa niyo akong third wheel!" pag-iinarte ni Whiskey bago sumubo sa kinakain niya.

"Ang arte mo..." natatawa kong saad. Kahit papaano, nagiging komportable ako kasi narito sila, akala ko kasi kanina, kami lang ni Dwight ang pupunta, pati pala sila.

"True, kain ka na lang kaya riyan..." gatong naman ni Bianca.

Tahimik lang rin na nakikinig sa amin sila Dwight at Kier.

"Gutom na ako..." bulong ko kay Dwight habang hinahaplos ang tiyan ko.

Naka-dress pa man rin ako...

Sinong hindi magugutom, lahat sila may pagkain na, tapos kami wala.

Tinawag ni Dwight ang waiter tsaka nag-order. Tinignan ko pa siya nang bahagya nang hindi man lang itanong sa akin kung ano ang gusto kong kainin.

Ilang minuto lang rin ang hinintay namin bago dumating ang in-order ni Dwight. Nilapag nang waiter ang pagkain sa hapag, nagningning naman ang aking nga mata nang makita ang shrimp pasta sa harapan ko.

Agad ko iyong nilantakan...

"Dahan dahan honey, baka mabulunan ka..." suway pa sa akin ni Dwight habang naka-masid sa akin.

"Ahy oh, ang sweet, kung mabulunan kaya ako, magiging concern kaya kayo?!" pag-iinarte na naman ni Whiskey. Ewan ko ba kung bakit ang nega nega nito, gusto ba niyang bansagan ko siya nang Nega star?!

"Syempre oo," sagot ko na bahagya munang tumigil sa pagkain para uminom nang juice.

"Hindi..." si Dwight.

"Oo." si Bianca.

"Hindi rin ako dahil sure naman na hindi mo sasadyain na mabilaukan..." naka-ngising ani ni Kier.

"Ang sa-sama niya talaga sa akin!" wika pa nang malambot kong kaibigan habang nakabusangot.

Akma namang kukuha si Dwight ng wine sa bote nang hampasin ko ang kamay niya kaya hindi niya naituloy ang kaniyang binabalak. "Walang iinom, mag-da-drive ka pa." seryosong wika ko.

"Kahit isa lang?!" nag sign pa siya ng isa gamit ang kaniyang isang daliri.

"Eh kung batukan kaya kita nang isa, gusto mo?!" sarcastic na tanong ko sa kaniya kaya binitawan niya ang hawak na baso.