سبحان لي بيتها في شان وصبحها في شان يلااه البارح بالليل كانت الشتا خيط من السما واليوم صبح الجو صافي والسما لي كانت حمرا مغلوقة ولات زرقة مغلووقة.. ... كانت مجبدة بلاصتها غارقة فنعاسها حتى قفزها صوت مها لي كيعايط ليها ناضت طافجة حلات عينيها فالشرجم كيبان ليها الصباح مازال مطلع ناضت عند مها وهي كتحاول تفتح عينيها لي وحدة ناعسة ووحدة فايقة
نزلات تشوف شنو بغات وعلاش كاتعيط لها وباقي فيها المووت ديال النعاس ... لقاتها لتحت ومعاها ختها زبيبة
لالة فَخيتة : بدال حوايجك وطير نزال راه خاك كيستنانا فالطوموبيل انشدو الطريق دابا للفيرما
فيروز : [ جاوباتها وصوتها باقا فيه الرنة ديال النعاس ] ولاش الفيرما ا مَّا؟
لالة فَخيتة : طلاع بدال عليك وعايط معاك لغزلان اتكوون رجعات دنعاس
فيروز : [ رجعات شعرها من ورا ودنيها وبقات كاتحاول تحل عينيها ] واخا ا مّا
طلعات شافت غزلان واش فايقة لقاتها كاتوجد راسها ومشات حتى هي كاتوجد وغير سالات هبطو لعند خوها جواد و شدو الطريق للفيرما ... ماجاو فين يوصلو تا كان طلع الصباح وقربات تعشش الشمس فسماها .
وصلهم ومشا في حين هما نزلو ومشات لالة فخيتة هي والحادكة ديال زبيبة يوجدو الفطور اما فيروز عرات واحد السداري وتتكات عليه باش تزيد تنعس واحد النص ساعة على مايساليو توجاد الفطور وداكشي لي كان .. غير طاب الفطور تتجمعو عليه وتتجمعو حتى على فيروز وعلى فعلتها
لالة فخيتة : سلكتي منها ا بنت كرشي الباراح ... كان علاين يعرف خاك فاروق و باباك بخروجتك لوكان ساقو لك الخبار لوكان قاطاع ليك راجليك على هاد الخرودج
زبيبة : ياك قالت لك ماما مادخروجش؟ علاش ماراكيش تسمعي للكلام؟ شوفتي فين كونتي غادوصلي لباراح؟
فيروز : وا مَّا راني كنكون غا مع نورة مكنديرشي شي حاجة دالعيب واش فاروق باغي يدفني و انا حية؟ مادعملش ومادهضرش؟ شني نعمل؟ خروجت نطير القنط فتييوة
لالة فَخيتة: بااك لي قال مادخروجش ماشي خاك [ قطعات واحد الملوية ونطقات وعينيها مع بنتها ] وهاد نورة كادمشي عندها يوميا؟ مالها مادجي هي نعندك ندار؟
فيروز : ماكايخليهاش باباها ا مّا
زبيبة : ونتا كايخليوك دخروج دلع ياك؟
فيروز : انا مّا لي كادخليني نخروج الله يطول ليا فعمرها ويخليها ليلي وزايدون انا البارح رجعت ندار بكري هما لي مارجعوش فلوقت دديما و مّا عاارفة هادشي
زبيبة : فيروزة هادشي ديالك مابقاشي مسلكنا عمل عقلك وشبر فلرض قبال مايقطع لك فاروق رجليك
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
