كانو تعابيرها مضطربين و صدرها كايطلع و يهبط بالعصبية لي كاتحاول تكتمها فيه
فيروز : تا واحيد ماعطاه لي ياك تينا قولتي لي بدوقمك مانبقا نشبر حِتة من عند شي واحيد [ شافت فالكوافوز ] هدا من نهار عطاوه لي عيلتي ويانا كانكحل بيه و تايقة بيه باش اليوما نجي نحوطو ونجبرو مخلط بالزاج مطحون؟ ياك تينا ماعندكشي مع الغدر علاش بغيتي تغدرني هايدا؟؟ شني كان ماش يوقاع لي لعيني كون كحلتوم بالمرود؟؟ شني...
قاطع هضرتها بصلابة صوتو والحِدّة لي غلفاتو
عِز : يلا مابغيتكش ديريه راك ماغاديريهش واخا يتحط قبالتك سرب ديال القراعي [ غمغم بصوت خشِــين ] هبطي شوفي عائلتك ماتخليهمش يتسناوك , يمشيو ونشوف هادشي
عضات باطن حنكها و هي كاتحقق فيه بان ليها كايلعب بديك القرعة فيديه بنفس اللعب لي كانو كايلعبو الأعصاب بعروق عنقو و أنفاسو و قبل ماتنطق والا تبدا هضرتها عاود قاطعها مشدد على هضرتو
عِز : راني دويت معاك
بقات كاتشوف فيه بشوفات مخلطين بين الإستغراب و الغضب .. شنو دابا واش كاينكر بلي هو لي دارها؟؟ ولا بصح هو مادارهاش؟ .. خدات نفس عمييق باغا تبررد عافية قلبها بيه وهي كاتتوعد ليه بالأسوء
فيروز : يانا ماغانقول والو بالحَق دابا نشوف شني ماش يقول بّا سيدي فهادشي فحياتي كولّا عممر صرا ليا هايدا
شَبَح ضحكة جانبية خفيفة شقّات طريقها بين ثنايا ثغره .. كاتهددو؟
حط القرعة فوق الكوافوز و ضار لعندها .. حط يدو بين وجهها وعنقها كايسكاني مَلامِحها حتى تمركزو شوفاتو فعينيها و غمغم بنبرة مغلفاها بحة حرشة فصوتو
عِز : جدك بّاك ولا خوتك لي كاتعنّاي بيهم حتى واحد فيهم ماغايقطعها فيا يلا نويتها فيك [ دوز الإبهم ديالو على حنكها ] يلا ݣلت مادرتش راني مامدرتش [ قررب وجهها بيديه لعندو حتى قرب لودنيها وغمغم بصوت سمعوه غير ب2 ] غطي شعرك و هبطي عندهم
بعد وجهها على وجهو بلا مايطلقو .. كانت أخر حاجة يتسوق لها هي كيفاش كاتشوفو ولا وجهة النظر ديالها من جهتو .. ميل عينيه لجهة خدودها و دووز صبعو عليهم كايمسح لها الحُمرَة لي حطاتها فيهم باش تحممرهم و تتزين
عِز : [ غمغم بتحذير ] مانشوفكش صابغة كمّارتك [ دووز صبعو على حنكها الثاني كايمسح لها ] فعايلك مع خوتك حدا جدك بقاو لهيه فدار واليديك ماجاوش معاك للهنا
° واقفة و هازة عينيها فيه نوغشها بصبعو لي كايمسح لها حنكها بخشونة ولكن لي نوغشها كتر هو قضية ماشي هو لي من مور هادشي ايوا مدام ماشي هو لي من مور هادشي شكون موراه؟؟؟ خَتيمة؟ موحال ثم موحال ثم موحال تكون هي بهاد الشرّانية كاملة واخا هكاك كاتحس بيها حنينة شوية لا لا ماشي هي
خرجها من سهوتها صوتو
عِز : غسلي وجهك و حيدي منو هادشي
أومأت براسها و هي باقا كاتفكر فهادشي لي وقع
فيروز : واخا
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
