× واقفة حدا ماكينة الصابون وحاطة يديها من فوقها ، سااهية و عقلها غير مع هاد العشية لي دازت و العرض لي عطاها الشيخ فوزي .. خلاها نسات ݣاع علاش جات تهضر معاه والا شنو كانت باغا تقول ليه بالهضرة لي قاليه ... كان العرض جِد مُغري و ماكاينش شي واحد بعقلو غايرفضو سوا كان فالوضعية ديالها سوا لا ولكن المشكل كان عندها تخوف كبيير .. ماعارفاش اش غايوقع لها و هاد عمليات التجميل واش فيهم شي خطر خايفة منهم و خايفة من اي حاجة كاتبدا بكلمة " عملية " ولكن من جهة خرا كانت كاتشفق على مراتو عائشة ... تنهدات و سهات فداكشي لي تقال هاد العشية
#فلاش_باك
ناضت مراتو عائشة من وسط النقاش و مشات للطواليط مخلياهم ب2
نورة : بالحَق ياك قولتي لي عندك ولاد وحداخرين مافهمتشي علاش اتبغي تعاود تشوف وحدة من تحت القبار الله يرحما ولكن هادشي مافهمتوشي الحمد الله ربي باقي رازقكم بولاد خرين ماحرمكومش من كلشي خاصكم تشكروه على هادشي اولا لا؟
شبك يديه من فوق الطبلة و بقا ساكت لثواني فظرف ثوااني قلال وجهو تبدل مابقاش داك الشيخ لي ديما الضحكة و التبسيمة على وجهو ... كحال وجهو و بان بحال شي واحد هاز هم الدنيا والدين من فوق كتافو
الشيخ فوزي : [ نطق باللهجة الكويتية ] عائشة مريضة بالكونصير ا بنتي نور
غمضاات عينيها بحال شي واحد مايقدرش يشوف الدم و شاف ضااية قدامو
نورة : احح ا قلبي هاد السمية شحال كاتخلعني [ حلات عينيها و شافت فيه بشوفات بان فيهم التأثر ] الله ينجينا و ينجيك والله يجيبلا الشِّفا مسكينة
تنهد و مسح وجهو بيديه
الشيخ فوزي : [ نطق باللهجة الكويتية ] فات الفوت على الشفاء ا بنتي نور فاااات الفوت المرض عندها فالمَراحِل الأخيرة [ عاود تنهد كان الموضوع قاااصح عليه ] حاولت نوفر لها كلشي و نفرحها بلي قدرت ولكن ماقدرتش نجيب لها بنتنا
ربعات يديها من فوق الطبلة و مالت لعندو
نورة : واش كانت عندكوم بنت وحدة؟؟
الشيخ فوزي : [ نطق باللهجة الكويتية ] كانت عندنا بنت وحدة من نهار ماتت و حالتها كاترجع اللور
هز الما من فوق الطبلة باغي يروي حلقو لي نشف عاد ستأنف هضرتو من جديد
الشيخ فوزي : [ نطق باللهجة الكويتية ] مابغاتش تتنسا ليا شةفتها نهار عطيتها تصويرتك الفرحة لي فرحاتها ولي بانت فعينيها داك النهار كانت اول مرة نشوفها من مور سنين دازو [ عاود شبك يدو من فوق الطبلة و زااد وضح هضرتو ] ماغانربطكش معانا حياتك كاملة ا بنتي نور نتي سايريني غير هاد الشهورة لي بقاو لها فعمرها و من بعد نتي حرة ماغانشدكش
#الوقت_الحاضر
حارت و ماعرفات مادير ماعرفات لا شنو صالح لها لا شنو ماصالحش ، فكراات باش تصوني على ياسين تشاورو وتراجعات باغا على الأقل حتى تاخد قرار لنفسها عاد تشوف النصائح ديالو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
