× عند فاروق ×
الحال مشا والأغلبية دخلو لبيوتهم و شدو فراشهم ما عدا رجال العائلة لي كانو باقيين كايدورو شي ناوي ينعس و شي طااار ليه ... شي جمع رجليه ناوي يجلس و شي عاااد ناوي يخرج
فاروق : [ دخل للصالون ] واش عيطتي لي؟
كان جالس و كايفكر فهضرة المُرتضى حتى قاطعو صوت ولدو ... هز عينو فيه و نطق برصانة
الحاج قاسم : اجي برك قدامي باغي ندوي معاك
دخل و مشا جلس قدام باه كايتسناه يهضر و يقول اش عندو اما الحاج بقا سااكت شحال و مطوول الشوفة فولدو قبل ماينطق بصوت وقور
الحاج قاسم : راجل ختك شدوه البارح على السناح
فاروق : فخباري هادشي
الحاج قاسم : و فخبارك ا ولدي هو و عائلة بلحاج مابينهومش و بين السلاح [ حط يدو على ركبتو و دخل ليه مبااشرة فالموضوع ] واش عندك يد فهادشي؟ [ قبل مايجاوبو قاطعو مكمل هضرتو ] ليلة العيد الليلة كاملة و نتا غابر فين كنتي؟
دخل عليهم سعد لقاهم كايهضرو و مشا جلس حدا خوه كايشوف فاياش كايهضرو فهاد الليل اما فاروق جاوبو و سنانو كانو مخززييين على عِز
فاروق : كنت فين كان خاصني نكون الواليد يكبر و ينسا [ وقف ] الخطرة الجاية يلا زاد عاود حادا شي حاجة ديال الانصاري يعول على راسو غانخررجها من ضهرو ، صرف ماليه كايرجع
وقف مقابل مع ولدو و هو منييرڤي على هادشي
الحاج قاسم : ݣلت نتا موول العقل وسط خوتك ا فاروق نتا لي ماغاتتجرش لهاد الفعايل و ترييب داكشي لي بنيناه طوبة بطووبة
فاروق : الهضرة لي ݣلتها لجدي غانعاود نݣولها حتى ليك ا الواليد , بداها بالحريق و رجعات لو بالحريق كملها بالقانون و رجعات لو بالقانون وفييينما بغا نوصلها معاه نوصلها الروح دمهاا معاه
حتى كان باغي يجاوبو و هو يرجع لهضرتو
الحاج قاسم : شمن قانون لحݣ ليه؟؟؟
بدا كايقلب على سوارت الطوموبيل فجيبو
فاروق : صافي خلي عليك هادشي الواليد هاني غادي
الحاج قاسم : فين غادي؟؟ اجي قوليا شمن قانون
وقف قدام الباب و ضار لعندو
فاروق : غادي نسالي داكشي لي باقي بنادم هو لي يتقن خدمتو يلا دارها
ناض سعد باش يخرج يتبع خوه لي خرج مخلي باه كايعيط ليه
الحاج قاسم : فاروووق
سعد : غير خليه الواليد يمشي يلا ماتحركش فهادي ماغاتبردش ليه كية داك الپروجي
ضار لعندو قارن حجبانو و بااقي منيرڤي منهم ب2
الحاج قاسم : اش طرا فيه؟؟
سعد : خلانا الكلب حتى حطينا عليه زوالغنا و هو يشري الطريق و الأراضي لي ضايرين بيه بقينا حاصلين مانقدو نصلحوه مايقدو يجيو لو الكليان ، عندنا الحق غير ندخلو و نخرجو منو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
