ماحملاتش راسها وهو كايضور فيها والضياف كايسمعو .. شدات فطراف بيجامتها ومشات زعفانة ويلاه بغات تطلع وهو ينطق بصوت حرش ضار فيها بيه
فاروق : هاد المرة لاخصاتهم شي حاجة يعودو يسيفطو زبيبة
فيروز : [ جاوباتو وهي ماباغاش تهضر معاه ] واخا ، اصلا ماكونتشي غانعاود نجي
طلعات وخلاتو كايهدن فراسو من الاساس ماشي هي لي كانت السباب باش تتعصب ولكن جات فطريقو وهو مبرزط ... ضار كايشوف فالضيف لي جا لعندهم كان جالس مع باه وكايهضرو ... هادي ماكانتش شي عراااضة لي تليق بيه وتليق بيهم هما نيت عائلة الحاج قاسم الأنصاري
طلع للفوق ومشا للكوزينة لقا غير ماماه وختو زبيبة .. بداو كايسربيو ليه ويقادو ليه باش يدي داكشي للتحت بلا مايتسناو بوبكر وجواد ، مع بغا يهز الطبسيل ديال الطاوس لي عطاتو مو وهو يصوني ليه التيليفون ومشا يجاوب
فاروق : أش تم ا بوبكر؟
بوبكر : [ شاف فجواد ] جواد سلك منها ولكن السلعة مالقينا لها جهد ا خاي
فاروق : [ مسح وجهو بيديه ] هادشي لي ݣال عز ، السلعة تماركات عندهم وفات الفوت [ شاف فمو كاتشوف فيه وبعد من تم غادي طالع للسطح وكايهضر ] الق--وادة رجعو لعوايدهم
بوبكر : الواليد شنو كايݣول فهادشي؟
فاروق : غاتبقا تساين حتى يݣول اش خص يدار؟ هاد ولاد القح---اب رزاونا فالملاين ا بوبكر ... كون كان داك البغل لي حداك داير راسو فالخدمة كي داير راسو مع طرام---ي دالشيخات ماكانتش غاتمشي السلعة ويمشي معاها حتى هو
بوبكر : لافوط ماشي ديالو ، صحاب الوقت ماكايعلموش ... السلعة دابا تتعوض غير منين ماشدوهش
فاروق : شدوه ا بوبكر شمن ماشدوهش ، كون ما عز كون راه مبلاصي لتحت
بوبكر : ودابا الكولونيل فين راه؟
فاروق : معانا فالدار كايدوي مع الواليد .. جي نتا وداك البهيمة لي حداك قبل مايمشي ، من بعد ونشوفو كيفاش البلان ديال ديك القح--بة
بوبكر : شوية ونكونو تم
قطع معاه ورجع هبط للكوزينة هز الطبسيل وهبط للتحت للصالة ولكن مع دخل لقا غير باه لي جالس وماكاينش معاه الضيف
فاروق : عز مشا؟
كان الحاج قاسم جالس وشاد فيديه التسبيح
الحاج قاسم : [ نطق بصوت قااارب ] خرج مشا عندو شي شغال يقضيهم
فاروق : [ قطب حواجبو ] ومشا بلا عشا؟ ماشديتيهش؟
الحاج قاسم : غايرجع غدا ان شاء الله ، يصبح ويفتح وسير جيب شي عجل ندبحوه .. العراضة ديال اليوم ماشي ديال وجهو ولا ديال وجه داكشي لي دار معانا
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
