توقف عليه برجليها؟ سااهلة تتقال بالفم بالنسبة ليه اما بالنسبة ليها كي غادير؟
غزلان : [ بنبرة هادئة منخفضة ] ماعارف والو ا خاي غي كادهضار
شاف فمول الكتوبة وهضر هو وياه غير بالعينين حتى مشا مبعد من تما عاد نطق
عدنان : شنو ماعارفش؟ ماعارفش ماقاداش تسافري؟
سكتات ماجاوباتوش بقاو عينيها غير مع مول الكتوبة لي بعد منهم و مشا كايهضر مع واحد الخضار حتى عاود نطق بهضرة لفتات إنتباهها ليه
عدنان : [ بصوت رجولي ] انا غانعاونك
نطقات بنبرتها الهادئة
غزلان : شكرا وايني مامحتاجاش
حتى بغات تمشي من تما باش ماتطولش فالهضرة معاه و هو ينطق بهضرة خرا حبساتها
عدنان : شاد كونجي ،غانهبط هاد الايام لكازا دايز دايز من تم ندوز لك روايتك لشي دار النشر
حتى حلات فمها باش تقول لا وهي تسكت متراجعة على قرارها .. فكرات مِلِيًا فالموضوع و رمقاتو بنظرات إستفسار من عيونها اللّوزيّة ونطقات
غزلان : ماكاينة تا حاجة بلا مقابل [ هزات عينيها فيه بهدوء ونطقات بإستفسار ] وتينا شنو باغي؟
عدنان : ماباغي والو منك ا بنت الناس كانشوفك مݣدمة و باغا تحطي جهدك فيدين شي شفار وجيت دويت معاك ، ماعزيزش عليا نشوف حق عباد الله كايضيع
فكرات مليّا فهضرتو و نطقات بشك
غزلان : [ بنبرة هادئة ] ماعرَفتش ا خاي علاش هاد الهَضرة مابغاتش دخول لي ندماغي تا حاجة مابقات لله في سبيل الله
هز الصاك لي فيه روايتها و ضحك ضحكة رجولية خفيفة
عدنان : راكي تايقة كون ماكنتيش تايقة كنتي عاود غاتفرفري لداركم ماغاتبقايش واقفة
غزلان : [ صححات ليه بهدوء ] شاكة ماقولتش ماتايقاش [ سكتات لثواني قبل ماتجاوبو على العرض ديالو ] واخا قابلة دعاونني وايني بشرط انا نخلص لك المشي و المجي
حط الصاك لي فيه الرواية ديالها فالارض ونطق بخشونة
عدنان : شفتي تخصار الهضرة؟ وشمن مواصيل وصلنا لهم؟ شدي ا بنت الناس شغلك الله يسهل عليك
غزلان : [ بعدم فهم ] عاد قولتي ماش توصلها فبلاصتي؟
عدنان : [ بنبرة رجولية ] نوصلها لك ا بنت الناس حيت انا باغي نوصلها ماشي حيت نتي غاتجبدي من جيبك و تعطيني
قرنات حواجبها لي كانو كايبانو غير هما وعينيها ونطقات
غزلان : ماقولت تا حاجة دالعيب ديكشي عادي أولّا؟
عينيها كان فيهم سحر كايسلب العقول و غايكدب على راسو ايلا قال ماسلبوهش من نهار شافهم .. ولكن طاسيلتها ثم طاسيلتها ثم طاسيلتها
حنحن تحنحينة رجولية ونطق
عدنان : عادي للشمايت
سكتات كاتفكر فالعرض ديالو .. مدام هو كايفكر بهاد الطريقة ديال الراجل مايشدش الفلوس من المرا و ماتخلصش عليه ماشي مشكل
غزلان : واخا قابلة وايني بشرط [ بدات كاتقلب على بزيطيمها ] انخلص الطبعة الورقية و الالكترونية مانقبلش حاجة دالفابور
أنت تقرأ
زوجة الكولونيل / COLONEL'S WIFE
Roman d'amourهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
