بقات غزلان غير كاتشوف حتى سمعات ماماها كاتعيط لها و خرجات لعندها في حين فيروز نطقات و هي مغبنة و معبسة عويناتها لي كايطلبوه بشوفاتها
فيروز : صررد معانا واحيد ولا زوج من دوك لي عساسين على بارّا ا بّا سيدي ياك تايق فيهم و عارفوم موقيدينزادت سبلات عويناتها ودميعاتها وحدة تنزل و التانية توقف فعتبة عينها كاتتسنا غير نوبتها .. سمعاتو ديك الكاسيطة المجروحة حتى خلّاتو سكت كايفكر فهادشي .. سكت حتى سكت و ما رضا يخليها تخرج هي و ختها إلاا و هو مسيفط معاها 4 ديال الرجال تقة 2 من عندو و 2 من ديال فاروق و منهم هداك بالضبط لي عاودات ليه عليه بلي ماخلاهاش تخرج ولي بدورو ماتحرك من تما حتى علم فاروق لا هو لا الثاني لي معاه
° خرجات من عندو و فالداخِل ديالها فرحااانة .. تحركات من تما كاتقلب بعينيها على ختها باش تفرحها بالخبار حتى لقاتها مشات بدلات حوايجها
فيروز : [ بنبرة مبتهجة ] شوفتك بدلتي حوايجك؟ امشي امشي لبس عليك [ تبسمات و وجهها بااقي حميمر بالبكا ] بّا سيدي خلانا نمشيو
جراتها غزلان من تما مبعداها و نطقات
غزلان : ا فيروزة ماكادخافش؟ واش عارفة هضرتك شماشدير؟ عزيزي واش كادشوفو ايسكوت دابا؟فيروز : ا غزلان مادخافش راني قولت لو غي الحوايج لي عارفاهم ايكون حس بيهم ولا عرفوم و فايتة اصلا قولت لو بحال هاد الشي دابا خايالله ما مشي و طلاق راسك [ نطقات بشوية ] لايمشي داك الراجل يبدل هضرتو و يصداق هادشي كولو لي عملتو ماشي فالزيرو
غزلان : تسلييم يا ختي تسلييم منك انا شوية و مانتيق اقسم بالله
فيروز : [ دفعاتها بشوية ] وا مشي خلاص و هوز معاك لاكارط لادنساش
طلعو ب2 خلات ختها تمشي تبدل أما هي مشات بزربة حلّات الماريو ديالها و بدات كاتقلب على شي حاجة فيه قلبات و شقلبات حتى لقات لي بغات وخشاتهم فواحد الصاك .. نزلات للتحت لقات ختها سالاات و كاتسناها .. غمزاتها بشَقاوة زعما " كلشي هو هداك "
تمو خارجين ب2 و وحدة قلبها كايضرب بالخلعة و التانية قلبها كايضرب بالفرحة حتى لقاو 4 ديال الرجال كايتسناوهم
غزلان : [ شافت ففيروز بإستغراب ] هادو ايمشيو معانا؟؟
فيروز : ايوا هادشي لي شرط عليا بّا سيدي ادا بغينا نخرجو غي مشي [ قربات لودنيها و همسات ] ربعة حالوم ساهل
غزلان : [ زيرات لها على دراعها همسات لها حدا ودنيها ] اويلي سكوت ايسمعونا
فيروز : [ ضحكات و ركبات فالطوموبيل ] وا مادخافش
ركبات حداها و شدو الطريق لأقرب جامع ... و مع تحركات الطوموبيل نغزاتها و همسات لها فودنها باش مايسمعهمش لي صايݣ ولي حداه
فيروز : [ بهمس ] شوفو واش وصل لتما
أشارت لها بعينيها لدوك لي قدامهم زعما راه غاايشوفو عندي التيليفون و دارت لها بعينيها اشارة اطمئنان في حين غزلان عقدات حجبانها و سدات عينيها .. حركات راسها حركة خفييفة بمعنى " لا " و خرجاات عينيها فالمرايا ديال الطوموبيل زعما " شووفي " ... و مع شافت تما لقات واحد من هادوك 2 مرة مرة كايشوف فيهم
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...