طاحت فبالها هضرة البنات على العلاج .. وفعلا كان عندهم الصح كون تلقّات العِلاج ديالها بطريقة صحيحة فالسبيطار بليزاپاراي و الأطباء كان غايكون حسن من الدار بمليون درجة .. كانت على الأقل غاتتعالج فظروف حسن ويقدر كاع يكتاب ليها تبقا حية
مشات كاتكمل خدمتها وقلبها مامهنيهاش حاسّة بشي حاجة ماشي هي هاديك واش يكون الكبريت لي كايمرضهم؟؟ ولكن كون كان كايمرضهم كون راه كلشي مرض
كانت محتاجة ضروري تهضر مع ياسين فأقرب وقت .. ماقادراش تتسنا حتى يسالي النهار حاسة براسها غايتفركع بالأسئلة باغا لي يفكر معاها بعقلانية و يحيد لها الشك لي بدا كاينبت فيها من جهة داك الطبيب
× هزات راسها كاتشوف الخداما لي معاها شافت واش شي واحد محتاج شي حاجة و غير لقات الأمور غادا بيخير مشات جلسات فبلاصتها و هزات تيليفونها دوزات دييريكت نمرة ياسين
نورة : [ حطاتو فودنيها ] ياربي يكون مسالي ياربي
صاطت و بقات طالقة عينيها مع الخداما و حاضية حتى مع الشيخ فوزي لايجي و يلقاها شادة التيليفون
ياسين : واش ا نورة؟
نورة : [ تنهدات براحة منين جاوبها و نطقات بزربة ] عرفتي لاماهضرتش معاك دابا راسي ماش يطرطق عليا
ياسين : [ مستفسر ] علاش اش واقع؟؟ باقا مارجعتي للدار؟ كانسمع حداك صداع المّاكن خدامين
نورو : لا لا باقا مارجعت دابا سماعني [ مسحات جبهتها من عرق الصهد ] عقلتي على ديك العايلة المغربية لي كونت قولت لك خدامة معايا مسكينة و مريضطة
ياسين : ديك درية لي داوها دّاوا فشي دار ولا مانعرفت ليها؟
نورة : [ بتأكييد ] هااااديك
ياسين : [ نطق بتساؤل ] مالها؟ اش وقع لها؟
نورة : [ جاوباتو بحزن بادي على صوتها ] ماتت البارح مسكينة عاد سمعتوم اليوما كايهَضرو عليها
ياسين : و ماݣالوش اش لقاو عندها؟ كنتي ݣلتي غاتسولي داك الشيخ ديالكم ماسولتيهش؟
نورة : [ جاوباتو بيأس ] ماقالوليش باش مريطة وتا الشيخ فوزي باقي ماعندو الوقت اما كون سقسيتو نعرف شني كان عندا
جاه هادشي فشكل و كايطلع للخز للراس ... ماكانتش عندو شي صلة بالبنت لي ماتت ولكن غيير مسألة انها بنت بلادو و تمرمدات تما باش فاللخر تموت بسباب الإستهتار كانت كفيلة تخليه يطلع لو الدم
ياسين : ومال هادو حمير ݣاع؟ منين شافو السيدة كاتموت مالهم مادارو معاها شي حل
نورة : [ تنهدات ونطقات بقِلة حيلة ] تينا عارف هي مامعتارفينش بيها خدامة معاهم و ماسانيش معاها الكونطرا
ياسين : و نتي ساني معاك ولا مديكلاري بيك خدامة عندو؟
سكتات و ماجاوباتوش كانت عارفاه عارف بلي هي خدامة غير فالنوار وعارفة مزياان علاياش كايلمح
أنت تقرأ
زوجة الكولونيل / COLONEL'S WIFE
Любовные романыهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
