سالا معاه الهضرة وشرح لو البلان بلي ديطاي
سَعد : انا غاندوي مع الواليد يصوڤينا فهادي
فاروق : صافي نعول عليك
سَعد : باقي مافخباروش المشكل لي واقع مع هاد الپروجي ياك؟
فاروق : انا ماݣلتش وحتى نتا ماكاين لاش تعلمو بيه
قررب للباب الدخلانية ديال الدار و مع وصل و هو يبان لو بوبكر داخل و باين فيه ساااخط
فاروق : اش تما؟ مالك؟
حتى بغا يدخل و مايجاوبوش و هو يوقف حط صبعو بيه حواجبو و سد عينيه كايكالمي فراسو
بوبكر : يوسف عاد وصلاتني خبارو حالتو كي الكلب وانا النهار كااامل وشي ولد القحـ/ـبة لاعب معايا قاش قاش غير تابعني من اللور فينما ندور كايدور معايا [ نععت بصبعو جهة الباب ] والررب العالي يا فاروق تالية داك النسيب غاتكون على يدي
سعد : [ سمع من التيلييفون اش تتقال ] زيدني عليك فالحساب حتى انا شي واحد كان تابعني هاد النهار
فاروق : [ شاف فبوبكر وحط يدو فوق كتفو ] هداك ماشي نسيبكم هداك الواليد لي مسيفط لي يحضيك فين غادي و فين جاي [ حيد يدو ] ماباغيش معاهدة لالة مغنيّة لي داير هو و المرتضى تتضرب لو فالزيرو بسبة شي واحد فينا [ جاوب سعد لي كان معاه فالتيليفون ] شوف كي تشدو و دوي معاه
بوبكر : متأكد غير الواليد هداك؟؟ باش عرفتيها نتا؟
فاروق : داير عسّاس علينا كاملين ماشي بزّاف باش حصلتو تابعني [ قطب حواجبو ] و يوسف مالو حتى هو؟
بوبكر : مابيه والو دار شي كسيدة على ما ݣال ليا
فاروق : هادي ماشي كسيدتو اللولة ماقادش يكسيري يمشي ليه بال50
بوبكر : واش حنا باقيين بزاوز؟ حتى يسيفط لنا لي يعس علينا؟؟
فاروق : فبحال هاد الوقت بنادم كاتتعما ليه البصيرة ماكايبقاش يشوف داير حسابو [ نعت ليه جها الباب ] ها هو لداخل دخل عندو و دوي معاه
- فبلاصة خرا -
واقف شاب فريعان شبابو قدام المرايا كايتفرج فوجهو و كايتحسسهم بيديه عينيه المنفوخة ... كان وجهو منفوووخ بحالا طاحت عليه كبّة ديال النحل .. دوك الكدمات الزرقين لي فيه ماشي ديال كسيدة و ماشي ديال حادث بسيط ولكن الفاصمة لي ضايرة ليه على جبهتو كانت خَير دليل بلي تعرض لشي ضربة فراسو خاااايبة كان على بووونت مايرطبو ليه الحمص فجنازتو بسبتها
يوسف : راني دويت معاك ا طارق كسيدة و دازت
طارق : وفين كان عقلك؟؟ ديما نسمعو عليك كسيدة فشكل ولا كيفاش؟
يوسف : [ زييير على يدو ] ماكنتش كانشوف قدااامي ا ا صاحبي تلهيت و تبرزطت
كان شااهد كبير على الليلة لي تحلف فيه عِز عليه كيفما حتى الحاج الرحماني كان عاارف حفيدو ايلا بقا فتاونات ماغايزݣلوش اللهم يمشي للراشيدية و يحط عليه العسّة يخلي معاه دراري لي يكاليو عليه الدق و يردو ليه البال بإختصار يبعدو نهائيًا على النياب ديال نسيبهم
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
