خرجو من الدار ودازو لدار نورة لي حتى هي لبسات الكسيوة ديالها ورجعات غطاتها بالحايك ومن تم مشاو شراو داكشي لي بغاو عاد شدو الطريق للبلاصة لي موالفة نورة طلاقا فيها عتمان من ورا ماحيدو عليهم الحايك ورجعو بدلو الشرابل لي فرجليهم بصنادل جايين مع لي غوب لي لابسينهم
نورة : وا عنداك تتعطل وتخليني منشورة تما
فيروز : وا صافي ا صاحيبتي قولت لك ماغانتعطلشي وا شحال كادبقا دعاود الهضرة ا صاحيية ، غانرجع دغيا دغيا
نورة : ايوا صافي بيناتنا التيليفون
شافت فيروز فعتمان لي كان كايتسنا فنورة ، هزهز براسو مسلم عليها من بعيد وقلبات عينيها
فيروز : امشي امشي راه كايتسناك
نورة : [ قرنات حواجبها ] ماغاتسلمشي عليه؟
فيروز : نتينا عارفة ماكايعجبنيش نبقا واقفة كانهضار معاه غي مشي نعندو ، هانا ماشا
نورة : وا غا زيد معايا يرحم والديك راه كايسحابلو نتينا ماكاتحملوش
فيروز : وا غا مشي يرحم معاك ، نتينا عارفاني ماعنديشي معاه
نورة : [ نطقات بقلة حيلة ] المهم ماغانشدكش بالهضرة دابا بالحق نعيط لك جاوب ا صُحبة عندااك وماتعطلشي
فيروز : نتينا كتاار من مّا والله العضيم
خلاتها ومشات شادة الطريق لدار رائد وكاتزرب فخطاويها اما نورة مشات سلمات على عتمان وشرارات الحب كايتطايرو من عينيها
عثمان : الزين لي عطاني مولانا ، كانݣول لمك ماتبقايش تخبي عليا هاد الزين
نورة : [ سلمات عليه ونطقات بخجل ] كيف راك لاباس عليك
شد لها فيديها ونطق وباين فيه ماعاجبوش الحال
عثمان : لاباس ومالاباس ، لاباس حيت كانسقي فعويناتي بهاد الزين لي عاطيني ربي ومالاباسش بسباب داك باك [ كشر على وجهو ] واش نتي داك باك يدور يدور ويبغي يلصقك لولد عمك؟
نورة : وا قولت لك ا عتمان ديك المرة بّا ماعليه والو ، عمي لي الله يهديه يدور يدور ويجبد ليه الموضوع وتا نتينا باقي كاع ماجبتي واليديك وجيتي ندارنا ، كي بغيتي بّا يعرف كاين واحيد باغيني لحلال
عثمان : دويت مع الواليد البارح عليك [ ضور عينيه على البلاصة لي كاينين فيها ] خلينا نتحركو من هنا وغانهضرو فهادشي
نورة : غي خلينا هنا ، مابغيتشي تجي فيروزة وماتجبرنيش هنا
عثمان : فهميني ا حبيبتي انا مالااقيش راحتي هنا [ دوز يدو على وجهو ] خلينا نتحركو من هنا راني صااعر غي مع راسي على هاد الحريرة لي جابداها ليا واش باغا يسمعو غواتي عباد الله؟؟؟
نورة : [ كاضور عينيها يمين وشمال [ وا غا هضار بشوية يرحم يمااك
عثمان : [ زاد فغواتو ] كاتݣوليي لي جايين يخطبووو فيك؟؟ وباقا باغاني ندوي بشويية؟؟ خلينا نتحركوو من هنا وندوييو
أنت تقرأ
زوجة الكولونيل / COLONEL'S WIFE
Roman d'amourهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
