أخر ضربة تضربات خلّات شرخ كبييير يوقع بين أراء رجال عائلة الأنصاري من صغيرهم لكبيرهم حتى بدا كل واحد فالعمام يلغي بلغاه شي هضرتو من هضرة قاسم واخا ماتسرطاااتش لوو ولكن ضاارب حساب معامن منوضينها و الخسائِر فالأرواح لي طرات بين ليلة و نهار وشي الحرقة لي شداتو خلاتو يشد الطريق لتاونات وهاد المرة بموافقة الحاج الرحماني ... دم دوك دراري عممر لو الكاس حتى فاض حتى صدق مكبررر المشكل كتر ما هو كااابر متغاظي على هضرة ولدو " قييس قبل ماتغيص " بمعنى تكايس قبل ماتحشي رجلك فشي جلسة ديال الغيس ماتعرفها تكون سراطة و تجبدك و تجبدنا حتى حنا معاك
وصلاتهم خبار دراري لي خدامين مع يوسف وحتى هما مشاو ضحية و فنفس النهااار بداو كايوصلوهم ليزاپيل من الكليان ... واحد من مور واحد ، لي كان ديجا كايتسناهم يسيفطو لو السخرة ديالو لغاها ولي كان موالف يتصارف معاهم علمهم من دابا و حييد عليه الشنعة ديال المُصارَفة معاهم ... فظرف 12 ساعة
× فـاروق ×
واقف هو و سَعد وسط المرح لي عاااد كان هاد النهار غارق بالدمايات ودابا رجع كايشعل وريحة جاڤيل كاتعطيي فالدار ... كان شاد فيدو ورقة مكتوبين فيها 7 ديال العناوين فبلايص مختلفين [ طنجة - قلعة سراغنة - كازا - كتامة - سوق لاربع - بوفكران - أصيلة ] ... ايلا غير فلوس الكولومبيين مامعولش يردها من جيبو و فنفس الوقت ماشي متهور للدرجة لي تخليه يلعب مع دوك الناس ... قلب و عرف داكشي لي خاصو يعرف ولا كان عِز دار مجزرة للرجال ديالهم هادوك كايديرو الإبادة للسُلالة.
سَعد : وا همزة صحييحة هاادي غاطلعوو معاه حتى للمعدة [ تحرك لجهة الشرجم قهراتو ريحة جاڤيل ] منين ضبرتي عليهم؟
فاروق : [ خشا الورقة فجيبو ] ماشي شي همزة صحييحة الديپاناج وصافي [ جلس فوق السداري ] قلبت على فين خازنين البيضة وباقي مالقيتش شي حاجة تݣول رادمينها تحت لرض ، هاديك ساوية على هادشي
سَعد : دابا طاحو طاحو فيديك غير قضي علاما يطيح فيدينا العاامر دوز نضبرو فلي يجمع معانا الميسّة من هاد الديپوات
جمع يدو و غطا وجهو بيهم ساد عينيه و باقي ماراضيش بلي عندو .. قلبو كبيير غير فداكشي لي باغي كايهزز و يزييد بلا مايقنع والا يشبع
فاروق : باقي عندهم بلايص خرين فالحسيمة ولكن هادوك مݣجݣجين ببنادم ، مجموع علييهم البَشر كي الدبان ، هاد الساعة ندوزو نقضيو بهادشي
سعد : وفوقاش عوّال دوي مع دوك الناس؟
فاروق : حتى يزيد ونسميوه سعيد دوز نضمنو السلعة فيدينا و ندويو معاهم ، ماندويوش فالخاوي والخبار فراسك الريال ماغايخرجش من جيبي على دوك ولاد القحـ/ـاب
سعد : وفوقاش نتحركو؟
فاروق : غدا الصباح ماحدو باقي مارادش البال مع دوك الديپوات غاضرب واحد السيمانة تلقاه خواهم و مشات السلعة لشي قنت خور
أنت تقرأ
زوجة الكولونيل / COLONEL'S WIFE
Roman d'amourهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
