جلسات فبلاصتها وعينيها معاه واش غاياكل حتى بان ليها لوّا ديك اللولانية و عض منها عضة نيييت
ترسمات على شفايفها إبتسامة لا إرادية وهي كاتشوف فختيمة لي ماكانتش كاتشوف فيها و إنما ملهية مع راجلها في حين الحاجة هنية حلات ديك الصنيديقة و جبدات منها 2 دبالج ديال الذهب
الحاجة هنية : اجي ا بنتي فيروز جلسي حدايا
فيروز : [ تبسمات ] واخا ا خالتي
ناضت لحداها جلسات وهي متوقعة تقريبا علاش عيطات لها ، شدات لها يديها وبدات كاتركب لها دوك دبالج وفنفس الوقت كاتهضر
الحاجة هنية : هدا ا بنتي على القصرية ديال كسكسو [ ركبات لها التاني ] وهدا ديال صباحك
هزات يديها كاتشوف فيهم ، من واحد الناحية هي من الاساس ماعزيزش عليها الدهب الصفر ولكن الكادو عارفة مزيان بلي ماكايتعيبش .. باست لها يدها وراسها
فيروز : يعطيك الخير ا خالتي ، ماش نحافض عليهم مزياان عَجبوني والله العضيم [ بدات كاتشوف فيهم ] مزيونين بحالوم بحال لي عطاتوم ليلي ربي يطول ليها فعمرها ويخليها فوق راسنا
باست لها يديها وراسها ورجعو مشاو عينيها لجهة عِز تشوفو واش كمل دوك 2 رغايف ، لقاتو ضرب وحدة ونص اما النص لاخر خلاه
الحاجة هنية : جاو فرزقك ا بنتي ، بحالك بحال ختيمة
دوزات لها على راسها وبقات حتى هي جالسة حداها وكل مرة تشكرها وتشوف فالدمالج لي فيديها وعينيها باقيين كايمشيو لطبسيلو لقات داك النص باقي ولكن هادشي ماهمهاش ، لي همها هو بزز على راسو و كلا شي حاجة لي كايعيف منها
مريم : [ شافت فعِز ] خويا واش غاتمشي اليوم تجيب سماعيل من سبيطار
عِز : شوية وغانخرج [ شاف فمُصعب ] باقي نتا معطل؟!
مُصعب : هاد الفطور هو فين كانعتق بوحبل شكون عرف فوقاش غانلقا الوقت للماكلة ، غانسالي هاد المليوية ونمشي
ناض الحاج المرتضى من بلاصتو وخلا ايناس لي كانت جالسة على ركابيه تمشي لعند ختيمة و مشا لجهة واحد البيت دخل غبر فيه شوية ورجع خرج وهو هاز فيديه واحد البواطة .. شاف جهة ولدو ومشا لعندو و هو هاز البواطة فيديه.
° كانت جالسة فوق واحد الكرسي فالكوزينة و قدامها أسماء لي حتى هي جالسة و شادة فيديها التيليفون ، حطاتو و شافت ففيروز
أسماء : كي صبحتي هاد الصباح؟ واش الراحة ديال البارح نفعاتك؟
فيروز : حَسيت بروحي رتاحيت الحَمد الله دابا
أسماء : ماديريش شي مجهود كبير عليك صفاء حتى هي قالت ليك حاولي على راسك
دخلات عليهم مريم للكوزينة ونطقات
مريم : تكلمي لخويا بغا يهضر معاك قبل مايخرج
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
