كانو مخلطين بين كتوبة ديال السموم و الطب البديل وعلم النبات و واخيرا شي كتوبة ديال الخيمياء قداام كايرجع تاريخهم لقَبل عقوود من الزمن و يمكن كاع قرون أي مئات السنين ... منهن لي كانو مكتوبين بالعربية و منهم لي كانو بالانجليزية ... ختارت منهم بزربة و عطاتها ديك ل5000 لي كانت من الاساس ماساوية حتى 100 درهم صحيحة .. خلات السيدة كاتقلب على الصرف ولكن مابغاتش تشدو من عندها نظَرًا لأنها تعدبات و جابتهم لها حتى للهنا
بدات كاتقلب بزربة فين تخبع دوك الكتوبة ولكن ماجات فين تلقا البلاصة حتى بانت لها هناء جاية ... خبعاتهم تحت حوايجها بين السروال و لحمها و رجعات هبطات عليها جلايلها
هناء : [ حلات الباب ديال الطوموبيل ] ماشيغي ياكما تعطلت؟
دخلات و هي هازة شلاا تِذكارات معاها تديهم للمغرب
حاولات تسيطر على التوتر لي راكبها و نطقات بإبتسامة كاتغطي بيها
فيروز : لا عادي شني شريتي؟
بدات كاتوريها اش شرات ليها و لباها و فالاخير جبدات شي حاجة من جيبها و نطقات وهي حاضية جنابها لايمشي يجي
هناء : قلتي لي قبيلا ماتقدريش تطلبيها منو المهم هاكي هدا نبقاو نهضرو فيه [ مدات لها تيليفون عادي ] ماغاتحتاجيش للديكوداج ليه تسناي غير نوصلو للمغرب ونشري لك شي نمرة بلا كونطرا ركبيها فيه مي شوفي ا فيغو عافاك ايلا لقاه عندك ماتعرفيني مانعرفك
بقات مطولة شوفتها فيه تخلطو عليها العرارم .. ماعرفاتهاش واش دارت هاكا باش تعاونها بصح ولا غاتكون متافقة معاه واش كايجربوها ولا بصح عاطياه ليها
هناء : المهم هانا نخبعو عندي حتى ندوزو من المطار و نعطيه ليك اوكي فيغو؟ باش مايبانش عندك
فيروز : [ بتاسمات لها ] غي عدبتي راسك مانقدرشي نشبرو من عندك نتينا عارفاه ما ايبغيشي المهم دابا نشوف شي طريقة خرا مافيهاشي المشاكل لا ليلي لا ليلك و شكرا بزااف ا هناء والله لهلا يخطييك
رجعات تقادات فالجلسة ديالها خلات هناء معجبة منها
هناء : واش خايفة نقولها للكولونيل؟ ايلا كان هاكا ماتخافيش هادشي غايبقا بيناتنا
فيروز : لا لا ماشي هاكداك غي مابغيتشي نكون سباب مشاكل اوخرا المهم نتينا عطيني غي النيميرو و يانا من بعد نشوف كي ماش نقنعو
• عندو •
واقف مع مراد فبلاصة مابعيداش بزاف و معاهم واحد الراجل يكون فسِن الاربعين ضارب كاسكيط و نظاظر كوحل مرة مرة كايتلفت و يقلب فجنابو بحالا خايف شي حد يشوفهم
كانت عندو صفقة مع غاسِل الأموال بحكم الوقت مضيق و باش ينقل الفلوس ديال السلعة من الصومال للمغرب و كولومبيا محتاج لأسرع طريقة يقدر يخدم بيها فهاد 24 ساعة باش الفلوس توصل للمورد ديالو و توصل حتى للمغرب بلا ماتوقف التجارة ديالو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
