فيروز : ايلا طاحت الله يهنيها ، راك كادشوف على عينك انا ماكانلبسشي الدهب غا بَابَا لي مرة مرة كاينسا ويشريه لي ، دابا خلينا من هادشي يرحم يماك ماناقصني هضورات بحال هادو خالينا غير نلبسو ونتزينو [ غمزاتها ] خلينا ننشرو زيننا ونفَقصو العدو
نورة : كاتهضار على خاك ياكي؟
فيروز : [ ضحكات ضحكة أنثوية وبدات تلبس ] ماغايقدرشي يهضار معايا ليوم خَليه يتفَرگع هاد الليلة
نورة : ايوا ولا عياط لك باش يهضار معاك؟
فيروز : [ هزات كتافها ] و مالي غانخاف منو ولاا خليه يعايط تا يشبع
بقاات كاتشوف فيها نورة وكاتحرك راسها يميين وشمال ... هي لي عارفة نهار كادير صاحبتها شي موصيبة عارفاها غاتكفرر فاروق ولا خوتها كي كاتولي طالبة سلة بلا عنب .. كاتولي باغا غير الفكاك وتحلف وتعاود ماتعاود
بداو كايلبسو ويوجدو فراسهم .. نورة كانت قانعة بالتكشيطة لي جابت معاها ولي كانت فاللون الأزرق سموي .. لون هادئ واتا وجهها وملامحها الشمالية .. وحتى الخياطة ديال التكشيطة كانت متقونة وماعامراش بزاف بالعكس داكشي خفيف و انيق ومع زادت لها المضمة لي تسلفاتها من فيروز كملات الحطة ديالها لي جاات بحالا مفصلة علييها .. كان باين فالتكشيطة بلي ماشي بزاف باش خيطاتها وهادشي باين غير فالشكل
اما فيروز كان عندها رأي أخر متشاركاه هي وغزلان وزبيبة ... بدات كاتلبس قفطان بيض سامپل و منبت بالذهبي كأول لبسة ليها هي وغزلان لي حتى هي كانت غاتلبس قفطان بيض ولكن الشكل ديالو مبدل على ديال فيروز بحكم قفطانها كان مورد من جهة الصدر ومذهب شوية من جهة اليدين.
سالاو ومشاو لعند زبيبة من مور ما سدات نورة البيت ديال فيروز بالساروت وخشاتو لها فصاكها الصغير لي هازاه باش ماتنساهش ... غير وصلو لبيت زبيبة بان لهم البيت عااامر ها النݣافة وها بنات الخوالات وفبلاصة كوافورة وحدة لقاو 2 .. وحدة شادة غزلان والتانية شادة زبيبة وديك التانية كانت تااقنة شغلها نييت كتر من لي ملاهية مع غزلان بحكم هادي ماكاتحاولش تبدل لها الملامح و انما كاتحاول تزييد تبرز معالم جمال وجهها لي كان طايح عليه السرر و السرور وزادتها اللبسة اللولة لي لبساتها زيين على زيين
مع سالات لها الكوافورة ويلاه بغات تجي وحدة من بنات خالتها لعند الكوافورة باش تقاد لها وهي تسبقها فيروز وشدات بلاصتها باش تسبقها
و المهم فهادشي كاامل هو هاد 2 كوافورات كانو كايتقنو 2 حوايج ... الشعر وحتى الوجه ولكن من زهر فيروز شعرها ماكانش خاصو الخدمة .. كان خاصها غير تقاد ليه شي مشيطة خفيفة وتبالي بوجهها وداكشي نيت لي دارت
بقاو على داك الحال حتى سالاو وماجا فين يوصل العصر حتى كانو بنات الحاج قاسم وبنت الفقيه سالاو ونزلو الخواتات ب2 عند الواليدين والخوت باش يستقبلو عائلة العريس من مور ما خلاو زبيبة فالبيت بالوناسة
أنت تقرأ
زوجة الكولونيل / COLONEL'S WIFE
Romansaهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
