مشات جابت لو الما و دارت بناااقص من شي غرس اصلا عياااات .. ولا بغا غير تماارة هاا هي خلاتها لو بارااكا عليها هي غير تسقي و تعتني بيهم .. طلعات تبدل عليها و تطرف حالتها باش تمشي توجد ليه مايجغدد فاش يسالي
× عـنـد نـورة ×
مافهماات اش طراا حتى بانو ليها البوليس جاو عاااد فهمات النصب لي كانت غاتتعرض ليه .. كانت كادعي غييير مايدخلهاااش فهاد المشاكيل ديال البوليس و هي اساااسا هنا بطريقة غير قانونية و من زهرهااا ماكانش ولد الحرام حتى لدييك الدرجة
خرجات هي و ساجِد من ديك المخبزة هازة سخرتها فيديها و مرة مرة كادور تشوف اللور
نورة : بن الحرااام [ شافت فيه مبتاسمة و ممتنة ليه ] لهلا يخطيك لاحقاش عاونتيني كاماكنتيش كانصب عليا الحيوان
ماكانتش موالفة تتجمع هي وياه فبلاصة وحدة وهادشي كان متعمد لا من عندو هو لي ماكانش باغي يشوف خليقتها ولا تجمعو معاها شي هضرة لا منها هي لي كانت عاارفاه مامتقبلهاش .. وقفات فبلاصتها و شافت فيه بحالا تفكرات شي حاجة
نورة : [ نطقات بلباقة ] ماقالياشي الشيخ اتجي اليوما
كانت متفاجئة اساسا منين شافتو هنا فالمخبزة عكسو هو لي ماكانش متفاجئ اساسا منين باانت ليه خارجة من الدار تبعها يشوف فين غادا.
جاوبها بالخليجية مهرسة بشي كلمات بالدارجة
ساجِد : شنو دابا غانوليو نشاوروك ايلا بغينا نجيو لعندو؟ [ بإستهزاء ] شفتك عشتي الدور و تيقتي راسك
ضحكات بإستهزاء ولكن على راسها هي لي يسحابليها صافي تقبلهاا مداام عاونها .. حدرات راسها على الساشيات لي فيديها و هي عاارفة راسها كون تسكت ليه دابا غايبغي يطلع لها فوق الراس بحالو بحال صاحبو قَيس
نورة : ما اتشاورنيشي لابغيتي دجي لعندو بالحَق اتشاورني باش تشبر ليا يدي [ فكراتو فالشدة لي شدها فالمخبزة ] تينا لي شوفتك يمكن تيقتي راسك و يسحابلك انايا وحدة شاريينها
تسيفاات علييه تسييفة وحدة وحتى هو ماكانش من النوع لي يسكت لها كانو شوفاتو كافيين و وافيين يوريوها الإحتقار و السخرية لي كايناظرها بيهم
ساجِد : وراحنا غير شاريينك علاش اش كايسحاب لك؟ دوك الفلوس لي غاتشديهم غاتشديهم فابور ا مدام؟
هزات عينيها فيه و نطقات بأسلوب دِفاعي مبتسمة ليه
نورة : وحيت ما انشبرومش فابور وما اتصدقوهومش عليا خاصك تعمل بحساب هادشي
ساجِد : [ ناظرها بعنهجية ] خرجتي من رونضتك وعريتي على وجهك؟!
نورة : [ بإستفزاز مقصود ] عريت على الوجه لي باغي تشوفو نتا
جاوبها ببروود كان صعيييب بنادم يستفزو و يخرجو على طوعو
ساجِد : وجه الطمع؟! كنت عارف المغربيات كايبيعو لك غير التقبة والشباب على ود الفلوس صدقتو كاتبيعو حتى الهوية ديالكم على ودهم
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
