مشات بدلات عليها حالتها وهبطات للتحت كاتقلب على ديك الكينة تشربها حتى بانو لها شي ميكات محطوطين فوق الطبلة ديال صالة مونجي دازت لهم دييريكت كاتقلب فيهم مع حلااتهم بانت السقاطة مخلطة و معاهم أولويز .. هو فعلااا ماباااغاش تهضر معاه ولكن السقاطة مادارت لها والو.
هزات داكشي و مشات قادات لراااسها كوييس ديال اتاي معششب وسخوون وستفااات داكشي فزلايف كبار و جلسات فوق الكانابي طااالقة التلفاازة وشااادة فيديها التيليكوموند و حاطة حداها كوييسها و سقاطتها
ماكانتش ابداا ناوية تحاسبو على هاد القضية ديال أفنان لجوج ديال الأسباب اللول حيت عاارفة غاتنوض تهلل عليه غايعلقها من قزيبتها وتصدق هي الخااسرة فهااد لافيير و هي لي جاايباااها فصحتها فالوقت لي افنان فوجااات مع رااسها والثاني حيت هادشي مافيهش تعتابرو حل تلتاجئ ليه و تهضر معاه وإنماا الحل كان خاصها ديرو هي لرااسها مع ديك راس الشطابة ديال بنت عمو .. بلاااتي غيير يدوزو هاد الايام و يفوتها هاد الوجع و تعرف اش غادير
نهار ولا يوماين؟ .. لا هادي لا هاديك
سيماااانة بالضبط لي دازت على داك النهار .. سيمانة كان هو مشغوول و قليييل فين كايرجع للدار وحتى فاش كايرجع كاياخد حقو الشرعي منها بطريقة خراا مدامو ماغايفسدش مع وحداخرا في حين دار حناه مازاادش ضرب فيها الضربة وسكاتو على لي وقع كان باقي قائِم .. اما هي كانت ضربااات حسااابهااا فراااسها برردات الطرررح بلهلااا يطريييه لهااا وكانت كاتتسناها غير تمشي منها و تتنقااا فمررة باش تبدا فبلانها و ها هي دابا تهنااات و رتااحت.
تجلس؟ أبدًا واش تجلس ماتفكرااات غير ختيمة لي كانت كاتسمع عليها ماكاتولدش و إحقاقًا بِالحَق فواحد الوقت كاانت كاتفكر تعاونها لِوَجه الله اما داابااا داك الپليزيير لي كانت غاديرو فيها طااار مع الطيوور دابا ببساااطة " عطيني نعطيك " .. تقلب معاها على شي حل ولكن بالمُقابِل.
- الساعة 23h00 -
دخلات من الجردة من مور ماعاوداااش جربااات توكلهم اللحم و مابغاوش ياكلوه من عندها و ديييجا دايرا فبالها توقع علاش غايكون دريساهم بهاد الشكل لربمااا باش ايلا جا شي نهار شي حد دار لهم الدوا ولا السم فالماكلة ماياكلوش
خلااتهم فبلاصتهم و ردات العشا يسخن و مشات لقدام المرايا كاتعالج الكدمات لي فلحمها اما حتى وجهها و بالعناية البالِغة لي عطاتو داكشي كان خفيييف ... سمعات صوت الكلاب كاينبحو و عرفاااتو هو لي غايكون جا كايتسناوه غير يجي باش يعطيهم ياكلو حتى لقاتو تااااني مشا هز داك اللحم لي لاحتو لهم عااد تم داخل لعندها
فيروز : [ طلات عليهم ] مابغاوشي ياكلو من عندي
جبد لحم جدييد ونطق ببحة رجولية
عِز : حالك من حال داك دري الصغير ، واخا يدويو معاه على فم البرّاد ماكايعطيه بالتيساع حتى للنهار يشووط شلاقمو بيه و يجرب بيديه داكشي لي مابغاوش ليه
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
