فهماات ومافهمات هضرتو ... راس كايقولها راه مايمكنش ماتمشيش هي عاارفة بحال هاد الحفلات ضروري ماخاصها تكون معاهم فيهم خصوصا منين غاداا معاه العائلة ديالو مايمكنش يخليها موراه و راس اخر كايقولها كون بغاك تمشي كون علمك بيها ماشي غاتسمعيها من عند اسماء ولكن السبب اللول كان طاااغي على الثاني ففِكرها
دارت لو هبل تربح و فكرااتو فالغنابر لي كايلبسهم لها مغطيها كاملة فيهم
فيروز : صافي مزيان نيت كاينين عندي شي الوان مزيونين يصلاحو للمناسبات
هز راسو للسقف وحط يدو على قرفادتو كايمسدها .. ساد عينيه و ماعاطيش حقيقةً شي أهمية كبيرة لديك المحادثة
عِز : وعلاش هادشي..!
فيروز : [ جهرات بوُضوح ] على الحفلة بطبيعة الحال
خفف نغمة صوتو شوية كايعزف بلسانو غير على بِضع ألفاظ قليلة
عِز : ماغاداش ليها
فيروز : ولكن ياك نتا اتمشيلا؟
بدا كايطردق عنقو كان بااغي شي مَساج للعنق
عِز : [ جاوبها بلا مايشوف فيها بواحد الهداوة ماكاايرتاحش ليها الخاطر ] دخلتي معايا فالحسابات؟!
بتصحيح حاسة بحالا خانها التعبير
فيروز : ماحاسبتكشي بغيت غا نفهم بغيت نعرف علاش عائلتك ادمشي وانا لا؟ [ سكتات لثواني ] وبغيت نعرف أفنان تا هي ادمشي معاكم؟
غمغم بصوت قوي ونبرة جافة
عِز : ماغاتمشي لا نتي لا هِيَ غير كْوْني
كانت القاعِدة عندو غادا عليهم بجوج مدامها حفلة و مخلطة ببنادم ماكايقرب لهم واالو .. الحضور ديالها فيها كان ملغي اما هي ماتاقتش بهضرتو ببسااطة عااارفة هاديك كاتبقا من عائلتو و تقدر تحضر مدامها بااقا مامحسوباش عليه يعني هضرتو ماغاتمشيش عليها
فيروز : [ بإحتجاج ] ياك انا انكون مستورة؟؟ تا من عينيا ما ايبانوشي؟
عِز : [ ببرود مُستفِز ] كلشي كايتغطا عندك إلّا ديك الطوبّة لي فيك [ ستأنف هضرتو بوُضوح مُعَبر ] ماعندك مشية ليها غير شدي لرض و ترركني فيها [ هز قرعتو ديال الما فيديه ] كنتي غاتقنطي دوي مع رحمة تجي تونسك ، الليل انا راجع
سكتات شحاال مطولة الشوفة فييه فالوقت لي كان واقف بالجنب و بهضرة غَير متوقعة نطقات بصوت كانت باااينة فيه واحد الغصّة
فيروز : واش ماراضيشي بيا؟
تحرك من حداها بلا مايجاوبها .. كانت حااسة بيه بلعاااني كايدير هاكا باغي يفقصها بهاد الأسلوب المستفز ديالو والسلااام
تحركات من تما غضباانة و خرجات للجردة ماكانش غرضها بالضبط فالحفلة بقدر ماكان غرضها فقيمتها قدام عائلتو و الناس .. اش فيها ايلا داها معاه و خلاها فجنبو كي كان كايدير باها فاش كايمشيو معروضين عند شي ناس ياك هي مراتو و هو راجلها؟؟ مشات جلسات حدا لابيسين كاتلعب فيه بيديها و طاالقة عينيها فيه كان لاپيسين غادي بالتدرييج ماغارقش كاامل بَل غاادي و كايغراااق و كايغراااق
أنت تقرأ
زوجة الكولونيل / COLONEL'S WIFE
Romantizmهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
