زوجة الكولونيل / COLONEL'S WIFE

PART 90

طلعو للفوق .. ومشاو لواحد الجزء من الباخرة ماكانش فيه بنادم كانت جنب غرفة القيادة

نَسيم بارد لامس يديها و منطقة عينيها لي كانت باينة من اللثام كانت محتاجاه بشِدة .. قلة النعاس و الماكلة خلاوها دماغها يغرق فأفكار مشتتين، ضارو مع واحد الدورة و ماعرفاتش فالحقيقة شنو لي خلا قلبها يتفاجا شوية واش الهوا ديال البحر فهاد العشية ولا شوفتها لهناء لي بانت لها جالسة و باقا حية .. تنهدات بواحد الراحة و بدون تفكير تنطرات منو و مشات بزربة طارت عليها عنقااتها خلاتها مافاهمة والو

خرجات لها " آااه " لا إراديا بسباب بالحريق لي حسات بيه من تعنيقة فيروز

طلقات منها بزربة حاسة بالذنب من جهتها
فيروز : [ قوسات حجبانها بقَلق واضح على تعابيرها ] قصّاحتك؟؟ سماحلي يرحم يمااك والله ماقصَدت نسيت بمَرّة شني عملو فيك هاد الهيم.. [ عضات باطن حنكها و بدلات هضرتها ] هاد الناس

هناء : [ ضحكات ضحكة خفيفة ممزوجة بالألم ] توحشتيني منين ماجيتش

فيروز : نتينا عارفة كونّغ مع بعطياتنا من السودان وهنا على الاقل شوفت بلي كاين شي واحيد من غيري عاندو القَلب شويش

شاف فهناء بعيون قاتِمة
عِز : عينك عليها [ ميل عينو لجهتها ] بانت لك مقصحة راسها اجي عيطي ليا

هناء : [ بتاسمات ليه بأنثوية ] داكوغ ا سي الكولونيل كون هاني غانبقا معاها حتى تعمر الكريشة

بعدات عينيها وشافت مور هناء فين كانت طبيلة فيها أطباق الحوت مع زعلوك و التمر وشي تخربيق اخر في حين فالمشروبات كان محطوط وااحد الغرااف ديال عصير لاڤوكا بالتقااوت ديالو يشربو منو هي وهناء ويشيط الخير .. مشا و خلاها معاها ماكانتش باغا من الاساس تاكل علاش ماباغيش يفهم

جلسات فوق الكرسي مابقاتش قادرة توقف هاد المشي لي تمشاتو باش تجي للهنا كان بحد ذاتو مجهوك .. بقات كاتشوف فداكشي لي قدامها، عرات وجهها وجرات من تما تمرة خشاتها ففمها بزز بلا ماتزيد تكمل عليها حتى هناء

هناء : وا هانتي ا ما بيل كاتاكلي، دابا وي مفاهمين

جلسات بحذر على الكرسي و هي كاتحاول ضهرها مايلامسش ضهر الكرسي من الاساس كانت لابسة غير تريكو خفيف باش مايلامسش ضهرها و يعطيها الحريق

سندات ضهرها على ضهر الكرسي و هزات راسها للسما خلاات داك النسيم البارد يداعب خدودها و يحارب دفئ البشرة ديالها

فيروز : [ نطقات و عينيها فالسما ] يانا مافياشي الجوع ا ختي هناء

شافت فيها و ربعات يديها فوق الطبلة .. تكات عليهم و نطقات بإستفهام باغا تفهم حاجة وحدة
فيروز : علاش عملك هايدا؟ واش حِقّاش قولتي لو على الباب لي مابلعتيهاشي؟