زوجة الكولونيل / COLONEL'S WIFE

part 149

• فـدار عـائـلـة بـلـحـاج •

جالسين فالسطح كايتغرباو و يتسناو الحاجة هنية تسالي صلاتها ويمشيو يطلعوها تجلس حتى هي معاهم

- الحوار بالريفية -

ختيمة : على قلتهم يا ختي على قلتهم ، واش بغا بهاد الموصيبة الكحلة؟ و تا عمي الله يهديه قابل بعراضتهم وباقي باغيها ترجع لهاد الدار [ شافت فمريم ] انا منو والله لابقات عتبات عندي نخليها فدار باها تطليهم و يطليوها

جالسة و حاضية مع الخدامات لي جالسين فواحد القنت فالسطح كاينقيو اللوز و كاوكاو و فنفس الوقت كاتسمع لهضرة عروستهم

مريم : [ جاوباتها بهدوء ] هادشي لي خاصو يكون ا ختيمة هي و طاسيلتها كايسحابلهم راسهم مطورين باش يديوها بالقوالب وهي باقا محسوبة على خويا وهادشي حنا ماعندناش [ شافت فختيمة ] مدامها باقا محسوبة على خويا غانرجعوها منهم يا بالهداوة والعقل يا بداكشي لي كايقلبو عليه

تكّات المرفق ديال يديها على المسند لي حداها و نطقات
ختيمة : وا تابعها غير المشااكل اش باقيين باغيين بيها؟ ياك ايلا غير السلعة تحرقات بسبتها اش باقي مزال؟؟

مريم : شوفي ا ختيمة ماكانقولش هاكا حيت مقطرة ليا من العين ولا مشتاقة لها غا فوقاش تجي كانقول هادشي حيت هي و تريكتها محتااجين يعرفو راسهم معامن طاحو ايلا كانو موالفين يطيحو فنساب كايديروهم فكرشهم راهم غلطو فالعتبة كيما قال خويا عِز حنا نهار شي حد يزغبو الشيطان يبغي يديرنا فالكرش [ ضربات بصبعها فالطبلة ] كانشرݣوها ليه

ختيمة : اودي ا مريم حتى نتي بغاو يتصالحو ها الطريق بغا يرجعها ها الطريق وايني نعيدو معاهم؟؟ كون جاو عليا يخليو العراضة لنهار اخر ت يخليونا نعيدو غا هنا فدارنا ، قلبي مامهنينيش فهادشي

مريم : دابا بّا عطا الكلمة ا ختيمة و يما حنو حتى هي معاه [ شافت ختها ] ونتي عاوتاني سيري لصقي فبنتهم

وقفات من بلاصتها بحالا كان خاصها غير ايمتا تنوض
أسماء : شوفي ا مريم هادشي ديالكم خرجوني منو ا ختي البنت مادارت فيا غير الخير ماسوقيش و سوق دوك المضاربات بينها و بين خويا ولا بين خوتها و خويا

مريم : وليتي تسبقي البراني على خوك من دمك ياك ا اسماء يااك؟؟؟

ختيمة : ياودي كون كان فيها الخير كون جات وقفات معاك نهار عرفاتك غاتتزوجي ماشي تقطع معاك لا برية لا تيليفون

أسماء : ماقلتش لك غانسبقها على خويا هداك خويا ومانبغيش ليه المضرة معزتو بوحدو ماتقوليش شي حاجة ماقلتهاش [ شافت فختيمة ] وحتى هي الله يحسن العوان حتى هي شوف باش كانت مشغولة

مع بانو لها غايزيدو يشدو فهاد الموضوع و هي تنطق
أسماء : المهم هانا غانمشي نشوف يما حنو واش سالات الصلاة