زوجة الكولونيل / COLONEL'S WIFE

PART 39

• حط ليبرا وقرب يديه للخاتم لي فصبعها مع قاسو مع سمع صوتها من ورا مابغات تجبد يديها عاود من يديه

فيروز : [ قوسات حواجبها وعينيها بالألم ] أيييي

رجع تاني قاس الخاتم بيديه أو بالأحرى هاد المرة وررك عليه حتى غرزات صباعها فدراعو ورجعات غوتات بصوت أعلى من اللول

فيروز : [ نطقات بصوت متألم ] أييي ا ربي الحبيييب

بغات تجبد يدها من عندو ورجع زيير عليها ، مابقاتش بغات كااع داك الخاتم يتحيد من صبعها غير يخلييه بلغ مايحيدو والا هاد الحريق

فيروز : [ نطقات بنبرة هادئة باين عليها التألم ] صافي يرحم يماك غي خليه ، ماقديتش والله ماقدي.. ايييييي يماااا صبعييي [ بغات تجبد يديها بزربة بكل قوتها تلكن قوتو كانت فاايتة قوتها بأضعاف ]

كانت كاتهضر حتى حسات بيه جبد الخاتم جبدة وحدة من البلاصة لي فيها .. حسات بالجلدة طارت لها معاه وفعلا داكشي لي وقع ... داك الخاتم قدر يختارق طبقات الجلد ديالها ب3 حتى سلخ لها البلاصة لي كان محطوط فيه

ماقدااتش على داك الحريق ، بدات كاتترطااا فبلاصتها وتبكي بصوت مسموع ، غارزة صبعانها فدراعو وخاشية راسها فضهرو كاتبكي وتبررد الحر ديال داك الحريق لي حسات بيه .. بغات تسد صبعانها ديال اليد لي تحرقات فيها وحبساتها يديه بحكم كان باقي ماحيدش الخاتم من صبعها كامل حدو حيدو من البلاصة لي كان فيها ولي تحفراات ليها حتى ولات حفرة دائرية على شكل خاتم.

جبد داك الخاتم من صبعها ، كانو باقيين لاصقين فيه قطع صغاار من الجلد ديالها لي تسلخ فداك الصبع .. حطو من فوق الطبلة وحط يدو على صبعانها لي غارزاهم فيه باش تبرد الحريق ، حيدهم لها وضار لعندها حتى حيدات وجهها من ضهرو

ناظرها بنظرات كانو كايتفحصوها ويتفحصو كيفاش جاتها البيجامة لي واخا كانت رخيصة ولكن مع فصالتها كل رخيص كايولي يبان غالي.

° شافت فصبعها لي كانو تحفرو فيه طبقات الجلد ب3 بيهم ، حالة صبعها خلات قلبها يتكمش ويتزير ، على الأقل كان الخاتم مغطي ديك الحالة اما دابا بانت لها بشكل وااضح .. كان هدا أكبر عذاب بالنسبة ليها

تشوف لحمها كايتشوه وكايبقا فيه أثار دائم لي ماغايمحيه لا الما والا الزمن .. نزلو دموعها عليه وحتى بغات تمسحهم وهي تحس بالصبع ديال الشهادة ديالو تحط على حنكها كايتسنا ديك الدمعة طيح ، حتى لحقات من فوقو .. قابلات عيونها الزبرجدية مع عيونو الفحمية كاتتسناه يهضر ويقول شي حاجة ، يقول سمحي لي ولا أي حاجة .. ثواني قلال حتى بان ليها حط صبعو على لسانو كايذوق ديك الدمعة لي هبطات من عينيها بسباب الحريق ، بلع ريقو ورجع حط يدو على فخضها من فوق البيجامة .. ديك اللمسة خلاتها تتزير وحتى بغات تبعد وهو يغرز صبعانو فيها بحالا كايهددها