¶ عـنـد غـزلان ¶
واقفة قدام باب الدار الدخلانية كاتاكل فضفرانها و قلبها غايخرج من بلاصتو بالسطريس لي شادها ... ساعة دابا باش هضرات هي و ختها و تفاهمو على داك البلان ولكن فين راها؟؟ باقا ماسالات داكشي لي قالت لها عليه؟؟
مالت بكسدتها كاتقلب و تدور عينيها جهة الكوري و عاودات ميلات عينيها جهة الباب البرانية و هي باقا كاتعض فضفرانها و تهضر مع راسها
غزلان : الله يا فيروزة فاينك؟؟ مالك دعطلتي
ماداز على هضرتها حتى قسم ديال المݣانة صحيح و هي تبدا تسمع صوت غوات البقرة مزعزع الكوري قفـــزهااا غواتها حتى تنفضات من بلاصتها شوية بانت ليها فيروز خارجة من الكوري كاتجري لجهتها و هازة جلايلها لاتتعكل فييها مع قربات لجهتها هزات يديها و بدات كاتشير لها بيديها
فيروز : [ كاتلهت و النفس مقطوعة فيها ] امشي امشي دخول
غزلان : [ تمات داخلة معاها ] طارق جا ندّاار ها هو نداخل
سدات عينيها كاترد النفس و نطقات
فيروز : كاين بوحديتو؟؟
غزلان : [ حركات راسها بأه و التوتر باقي كاياكل فيها ] اه امشي امشي و خف رجليك باش دلحق عليه قبل مايخروج عاود
دخلات كاتجري و تتعكل فجلايلها كاتقلب عليه قبل ماتوصل الخبار للالة فخيتة و تصدق غادا سابقاهم للكوري لعند البݣرة حتى لقاتو هابط فالدروج و باقي ناوي يخرج ، مع طاحت عينيها عليه تعرضات لو فالكولوار و هي حاطة يديها على قلبها باقا كاتلهت بالخلعة و بالعيا و التوتر و كلشي مخلط عليها
فيروز : خاي طارق خاي طارق اعتاااق اعتاااق الروح
عقد حواجبو و نطق بصوت رجولي
طارق : مالك اش واقع؟؟ شي حد كايجري عليك؟؟
فيروز : الله يا ربي النفس دقطعاات لي ا عتااق البقرة كادوجّاااع ماش دولاد لينا اليوما
[ كاتتوجع غاتولد لينا اليوم ]
طارق : و انا اش غاندير لها؟ دوي مع الواليدة تشوف هادشي ديالها ولا شوفي مع أميمة
مع بان ليها باغي يدوز و هي تحل يديها ب2 قاطعة عليه الطريق مامخلياهش يدوز
فيروز : و مّا و اميمة فاين عندوم الوقت؟؟ ماحيلتوم لضياف لي ماش يجيو اليوما و يزيدو هم البقرة تا هو؟؟ ايخصناا نلاغيو [ نعيطو ] نديك المرا لي كادجي درجع الحليب للبقر و كادولدهم
حيد لها يدها باش يدوز و نطق بصوت رجولي
طارق : وا خطيني هادشي الله يرضي عليك شوفي مع الواليدة تعيط لها ولا عيطي لها نتي [ بعد لها يدها ] حيدي من الطريق
بان لها تحرك و نطقات بجهد باش يسمعها
فيروز : و ادا عيطتلا و ماخلاوهاش دخول ندار؟؟؟ شني انعمل مع ديك البقرة مسكينة؟؟؟ نخليها دبقا دوجع هااايدا؟؟ دنوبا على رقبة من؟؟
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
