× عـنـد فـاروق ×
كان جالس لتحت مع عِز لي عرف منو اليوم غاتتخطب ختو ... ساعة لي دازت و ختو جالسة الفوقق مع جدهم ، كان شاك واش جدو غايبغي ياكل ولكن فنفس الوقت عارف قصوحية الراس لي عند ختو عارفها كولا سبيسيال و ماغاتتحرك من حدا جدهم حتى تخليه ياكل شوية
دازو دقائق خرين و هو جالس مع عِز حتى صونا عليه واحد من الرجال لي كايعسو الفيرمة
فاروق : [ وقف و شاف فبّاه و فعِز ] واحد الدقيقة هاني راجع
حط التيليفون فودنيه و خرج من تما يشوف اش كاين حتى جاه صوت ذُكوري من الجهة الثانية
- سي فاروق [ كايشوف فالراجل لي قدامو ] واش كاتتسناو شي سخرة؟
فاروق : لا اش واقع؟
- واحد الجوج جاو و كايݣولو جايين من جهة الكولونيل جايبين ليه شي سخرة وصّاها
شاف فعِز و عرفو ماجاش بيديه خاويين بحكم هادي أول مجية ليه هو و فيروز ، عاود قلب وجهو مقابل مع الخضورية لي كايشوفها من الشرجم نطق بصوت رجولي
فاروق : شدها من عندهم و دخلها
° عندها °
دازو ساعتين و هي الفوق مع جدها حد ماجا برزطهم من غير الخدامة لي كان إلزامي عليها تطل عليه بَين الفينة و الأخرى أما دابا مابقاتش محتاجة
° كانت هابطة لابسة قفيطين من القفاطن لي بقاو فالماريو ديالها .. معطرة بعطر العود لي كايعشق قلبها و طالقة شعرها حدها جامعة منو غير 2 خصلات القداميين ضافراهم اللور و حاطّة من فوق راسها خيط الرّوح لي عطاها جدها كادو ... كحلات عويناتها لي كان باين عليهم الإرهاق بالبكا ولكن نظرتها المشرقة كانت هاد المرة مبدلة .. هاد المرة كانت مزيناها إبتسامة السّعادة لي كاتشع من وجهها في حين قدامها كان جدها لي جارّة بيه الكروسة ديالو كان كايبان بحال المَلِك بالهيبة ديالو و هي بحال الأميرة برِقتها و أناقتها
هزّات عينيها فيه لقاتو جالس مع خوتها وباها .. طلاقاو عينيها مع الأعيُن الدّاكِنة ديالو لي ماتفيكساوش هاد المرة فعينيها و إنما فيها هي ككل .. طلعهااا من رجليييها حتى لراسها لي كان مزينو خيط الروح لي فوق راسها في حين هي مشاو عينيها لليد ديالو لي طلعها كايفك الصدفة اللولة من الشوميز لي لابس حركة خفيفة دارها قدرات توصل ليها الحَرارة لي طلعاات معاه
قلبات عينيها ماباغاش تشوف فيه مخلياه يتفرݣع غير بوحدو و فالمُقابِل قلبات على ماماها و غزلان بعينيها بانو لها يمكن دخلو الكوزينة يوجدو الضيافة وخواو مجمع الرجال
قدرات فهاد اللحظة تجذب الأنظار ديالهم كلهم ليها و للحاج لي عاوناتها الخدّامة و جواد فيه ... جواد لي بدورو كان داخلو العجب و المُستعجَب ماقشبل والو فهادشي لي واقع و التفسير الوحيد لي عاطيه هو جدو ضاغط على راسو باش يبان بصحتو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
