نورة : ماسمعتيشي الشيخ فوزي قال لينا ماش يتكفل بالطبيب وكلشي؟
أية : و شى هذا مكتوب في ورقة قانونية عقد ولا وثيقة؟ [ وقفت قدامهم مدخلة يديها في جيبها ] ماجابناش هنا هكاكا مزال تشوفي الخدمة يلي فيها التعب و الثقل تيعديها لينا احنا باش يتفادا يصير مشكل للخداما يلي يخدمو بأوراقهم لانو عارفين باش يخلص عليهم تعويض كبير كان صارت ليهم مشكل
نورة : ماكانضنشي هادشي، الشيخ فوزي ماكانشي اصلا عارفنا انجيو لهنا 100℅
أية : بالعكس يا نورة كان في بالو و انتي زادة عطاك حرية الاختيار يخي يعاونك كان باش تخرج من لبلاد و يحطك في بلاد اخرة ادبري راسك فيها ولا يجيبك الكويت و ميخليكش وحدك و يتكفل بأوراقك و خدمتك و السكنة متاعك و يوفر ليك لأمان
نورة : ها نتينا قولتيها قال لي نختار وماكانشي متأكد شني انختار
أية : و انتي شنوا العرض يلي جاك سمح ؟؟؟ تمشي لبلاصة فيها الأمان ولا بلاد مش عارفة فيها حد يحطك كيف لقطوسة متشردة [ وقفت قدامهم ] مثماش واحد بعقلو باش يقول لا لعرض يلي عطهولنا و هوا اتعمد يعطينا 2 عروض واحد خايب و الثاني يطمعنا بيه
بقات نورة ساكتة كاتفكر فهضرتها في حين فاتي كانت ساكتة و كاتحلل هضرتها
فاتي : [ بشك ] و نتي من وين عرفتي هادشي؟
وصل الشيخ فوزي شافت فيه و عاودات شافت فيهم بتاسمات بإبتسامة باهتة ونطقات
أية : توقعت
جبدات من جيبها الليݣات و الكمامات و عطاتهم يديروهم خلاتهم معجبين فيها كيفاش جاية مووجدة بحالا عارف اش كاين هنا
° عند فيروز °
أحاسيس سودوية مغررقينها و كايعصفو بيها كيما كايعصفو المواج بشي سفينة بهدف يغرقووها .. كانت مترددة واش تعاود ليه أو بالمعنى الاصح ماحاملاش تشوف فوجه واحد قت/ال ولا تنعس ففراشو ولا تشرك معاه الماكلة فطبسيل واحد والا حتى تجي عينيها فعينو .. فوقما كاتتفكر تهديدو الصريح ولي كان أبشع تهديد هددها بيه شي واحد كاتزيد تتراجع على فكرة الهروب ، اخر حاجة تبغيها هي يزيد يموت شي واحد بسبابها
كانت باقا جالسة فبلاصتها حدا الشرجم حتى سمعات صوت صرير الباب كايتتحل .. ماحتاجتش تبعد عينيها من البحر و تشوف شكون صوت خطاويه كانو كافيين ووافيين يقولو لها بلي هو لي جا، حطات راسها على الزاج و غمضات عينيها ثواني حتى حسات بخشونة صبعو كاتلامس ضهرها و بالضبط البلاصة لي كواها فيها ، حط لها البومادة حدا البلاطو ديال الماكلة لي ماقاستوش و تم خارج بنفس السكات و الهدوء لي دخل بيهم حتى وقفاتو بهضرتها قبل مايفوت عتبة المقصورة ديالها
فيروز : [ جامعة رجليها كاتناظر البحر ] بغيت نقوليك شي حاجة
وقف و ناظر ضهرها بعيونو الفحمية
عِز : [ ببحة رجولية ] عطيني وجهك هو اللول فاش تبغي دوي
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
