عينيه كانت باينة فيهم الصراامة في حين الحركات ديالو ثابتة بحال شي شجرة عتيقة ماكاتهزها لا ريح لا عاصفة
عِز : ݣلتي كنتي كاتخدمي؟!!!
دوز يدو على لحيتو ورجعها فوق الطبلة .. فيكسا عينيه فعينيها وستأنف هضرتو
عِز : فاش كنتي كاتخدمي؟!
هزات الكاس ديال الما لي حط لها حداها و بدات كاتشرب باغا تبلل حلقها و بااقا دايرا جهدهاا تحافض على رباط جأشها
فيروز : [ بنبرة هادئة كاتصطانع فيها الهدوء ] كونت خدامة فالفلاحة
بادلها داك الهدوء لي كاتبان مهدنة فيه
عِز : شحال كان كايخلصك؟!
جمعات يدها عندها ونطقات بنفس النبرة
فيروز : عوشرين درهم للساعة
لاح عليها سيل من الأسئلة حَرفيًا كانت بحالا فإستجواب
عِز : [ بوجه تعابيرو غَير قابِلة للتفسير ] شمن فلاحة؟!!
حاولات تحافض على نفس الهضرة لي قالت لهناء كيما صدراتها تصدرو حتى هو وها مريضنا ماعندو باس
فيروز : [ تنهدات ] كونت مرة مرة كانسقّاط الزايتون
عِز : [ مركز معاها بتركيز شديد ] وشحال من ساعة كنتي كاتخدمي فالنهار؟!
الشوفات ديالو .. صوتو .. طريقة هضرتو وكيفاش كايرجمها كل مرة بسؤال كانو كفيلين يخليوها تتوتر واخا ماتكون دايرا واالو
فيروز : كونت كانخدَم 3 دسوايع فنهار
عِز : [ بصوت رجولي ] السيمانة كاملة؟!
قربات الكاس ديال الما لحداها وشرباتو لعل و عسى تزييد تبلل حلقها
فيروز : الجمعة والحد ماكونتشي كانخدم فيهم حِقّاش كانو كايكونو خاوتي فالدار
سند ضهرو على الكرسي و بين صبعانو ب2 عادم الݣارو لي كايحرق راسو باش يبررررد عليه
عِز : كنتي كاتصوري 1350 درهم ب3 ديال السوايع فالنهار و20 نهار فالشهر والجمعة والحد ديالك؟!
هزات الكاس ديال الما عاودات عمراتو و بدات كاتجغم منو دارت بيه السبة وأومأت ليه براسها بمعنى أه بلا ماتنطق بسبب الانشغال ديالها فالحساب فنفسها حتى لقاتها صحيحة في حين هو طوول الشوفة فيها عاد نطق ببحة رجولية متخللها الإحتدام
عِز : 1350 درهم فالشهر هي باش كنتي كاتشري وتخيطي الحوايج وتشري التيليفونات؟!
خدات نفس عميييق وحاولات تنطق بأي جوااب يقدر يسد هاد الحوار
فيروز : الحمد الله فيها الخير و البركة
عينيه كانو بحال شي فَوهة بركان غايفور فأي لحظة ويحرقها حيية لا هي لا رائد
عِز : اش كنتي كاتخيطي؟!
فيروز : [ بنبرة رقيقة وهادئة كاتبززها على راسها ] غي قندورات و قفيطنات خفاف وشي مرات بيجامات وصافي
عِز : [ ضيق عينيه ونطق بخفوت ] شحال و نتي خدامة؟!
بغاات تحرك يديها و تسووط باش تبررد ديك الصهدة لي طلعات معاها ولكن مابغااتش ديرها لايعيق بيها
فيروز : شي 3 سنين دابا ويانا خدامة
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
