قاطع قرايتها صوت غزلان كاتعيط لها باش تهبط تشوف أسماء لي كاتصوني عليها و داكشي لي دارت ...خبعات الرواية و هبطات طايرة جاوباتها ولكن من صوتها بانت ليها مهمومة و ماشي هي هاديك
فيروز : اسماء؟ مالك؟؟ صوتك ماعاجبنيش
أسماء : واش هو غير الصوت لي مابقاش كايعجب [ تنهدات ] حالتي كاملة مابقاتش كاتعجب
فيروز : [ بقلق ] علاش شني واقع؟؟
عاودات تنهدات و هي حاسة بالضييقة و الغمّة
أسماء : عرسي السبت الجاي ا ختي
تعجبات من هضرتها و بدااو كايدخلوها شي شكوك كاتتمنى غير مايكون منهم والو
فيروز : مايمكنش مالوم ايحطو لك مونيكة عيواط صاحب خاك ياك راه فالحبس؟
أسماء : اودي خلي داك الجمل راݣد و صافي ، ماشي بابا جا قبيلا و قالينا قاليه المحامي خويا وصاحبو غايخرجو هاد السيمانة ايلا ماخرجاتش شي حاجة من الجنب عكسات لهم
مع سمعات الخبار قلبهاا تقبط عليها و سكتات شحاال كاتستوعب هضرتها حتى وعاات على راسها طولات فسكاتها و زادت هضرة أسماء فيقاتها عااد نطقات
فيروز : شمانقولك ا ختي اسماء كون باغا ندعي عليه يزيدو يشبروه و يغرقو بَابَاه بالحَق عارفاك ما ادبغيش على خاك ، ماجبرت مانقولك والله من غير الله يشوف من حالك قالك ربي ادا بغا شي عبد كايبتاليه هدا غير إبتلاء ودابا يݣوز ان شاء الله
أسماء : عارفة لي كاين تا نتي الله يصاوب لك مع خويا و يدير لك شي تاويل الخير [ أكداات عليها بالرغيب و المزاوگة ] عنداك ا فيروز تخليني فداك النهار بوحدي راني مانقدرش والله
كان بدااا كايبان ليها البلان فشي مرضة دير بيها السبة ولكن مسألة ماحضراتش للخطبة و تزيد دابا حتى العرس و هي اكثر وحدة عاارفة النفسية ديال البنت ايلا تزوجات بزز خلااتها ديير إعادة النظر و تتراجع
فيروز : لا مادخافشي انجي انجي ، راه عمي المُرتضى عرط دييك المرة بَابَا
دارت معاها و عطاتها الكلمة و غير قطعات معاها مشات ناوية تعلم لالة فخيتة ساعة لقاتها كااتهضر مع الحاجة هنية لي بشرااتها بجوج بشارات
• فالسجن المركزي •
كان كايتمشا وسط الكولوارات فوقت الإستراحة ... كان كلشي خاارج ما عدا داك الݣارد شومبري لي كان مجبـد فبلاصتو كايتصنط لعضامو و لديك التهريسة و السكرتح لي ماكانش عندو الوجه باش يبان وسط الحبّاسة اما حتى داك الثالث كان مخرج كرسي و جالس مابقااش كايدور بساحة مُراد ولا عِز غير كايشوفهم كايقلب الدورة.
• وقف قدام الݣريّة [ الباب ] كان ناوي يتكيف حتى تم جاي لعندو صاحبو
مُراد : اش تما غانخرجو خرجة صييك؟ ناشفة حرفيّة؟
شعل جوانو كايتكيف وحتى سف منوو عاد شاف فيه و نطق
عِز : ندوزوها مع اتاي؟
مُراد : خليت لك شي سخرة فالكانيف [ الطواليط ] مابقا لينا والو هنا و نقلعو بنادم يخلي للدراري باش يترحمو عليه [ تكّا على الباب لي حداه ] شي قراعي دخلوهم لي هاد النهار يطلعو بنادم لأُستراليا غايبقاو دراري يترحمو علينا الى يوم الدين
جات نيت ديك القصارة فوقتها .. عادةً ماكانش مُراد شي واحد لي غيير تابع القصاير و هادشي كان عاارفو عليه كيما كان عاارف بلي ديك القصارة لي ناوي يديرها وسط الحبس للسجانين و المسجونين ماشي غَرَضها التفواج و الزهو و السكرة بوحدهم و إنما كان كايشري المحابسيّة بيها و يديرهم فصفهم باش مع الوقت ايلا حتاجو شي حاجة غايستافدو منهم
أنت تقرأ
زوجة الكولونيل / COLONEL'S WIFE
Romantizmهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
